¹ Yesu alipokuwa akitembea kutoka hekaluni, mmoja wa wanafunzi wake akamwuliza, "Mwalimu, tazama mawe haya na majengo yakushangaza!" ² Yesu akamwambia, "Unaona majengo haya makubwa? Hakuna hata jiwe moja litakalo salia juu ya jingine ambalo halitaangushwa chini". ³ Na alipokuwa amekaa juu ya Mlima wa Mizeituni kinyume na hekalu, Petro, Yakobo, Yohana na Andrea wakamwuliza kwa siri, ⁴ "Tuambie, mambo haya yatatokea lini? Ni nini dalili ya mambo haya kutokea?" ⁵ Yesu akaanza kuwaambia, "Kjihadharini mtu asiwapotoshe. ⁶ Wengi watakuja kwa jina langu wakisema, 'Mimi ndiye', na watawapotosha wengi. ⁷ Mtakaposikia habari za vita na fununu za vita, msiogope; mambo haya lazima yatokea, lakini mwisho bado. ⁸ Kwa maana taifa litainuka dhidi ya taifa jingine, na ufalme dhidi ya ufalme. Patakuwa na matetemeko ya ardhi sehemu mbalimbali, na njaa. Hayo ni mwanzo wa utungu. ⁹ Iweni macho. Watawapeleka hadi mabarazani, na mtapigwa katika masunagogi. Mtasimamishwa mbele ya watawala na wafalme kwa ajili yangu, kama ushuhuda kwao. ¹⁰ Lakini injili lazima kwanza ihubiriwe kwa mataifa yote. ¹¹ Watakapo wakamata na kuwakabidhi, msiogope kuhusu kile mtakachosema. Kwa maana katika saa huyo, mtapewa kile mtakachosema; haitakuwa nyinyi mnayesema, bali Roho Mtakatifu. ¹² Ndugu atamsaliti ndugu auawe, baba atamsaliti mtoto wake. Watoto watainuka dhidi ya wazazi wao na kuwafanya wauwawe. ¹³ Mtachukiwa na kila mtu kwa sababu ya jina langu. Lakini atakayevumilia mpaka mwisho, mtu huyo ataokoka. ¹⁴ Mtakapoliona chukizo la uharibifu limesimama mahali ambapo halipaswi kusimama (asomaye na afahamu), ndipo walioko ndani ya Yudea wakimbilie milimani, ¹⁵ naye aliyeko juu ya paa asishuke ndani ya nyumba, wala kuchukua kitu ndani yake, ¹⁶ na aliyeko shambani asirudi kuchukua vazi lake. ¹⁷ Lakini ole wao wanawake wenye mimba na wanyonyeshao katika siku hizo! ¹⁸ Ombeni kwamba isitokee wakati wa baridi. ¹⁹ Kwa maana hizo zitakua siku za dhiki kuu, ambayo hajatokea namna yake tangu mwanzo wa kuumba alipoumba mungu, hata sasa, la, wala haitakuwapo tena. ²⁰ Kama Bwana asingalifupisha siku hizo, hakuna mtu ambaye angeokolewa. Lakini kwa ajili ya wateule aliowachagua alifupisha siku hizo. ²¹ Wakati huo kama mtu yeyote atawaambia, "Tazama, Kristo yuko hapa!' au 'Tazama, yuko pale!' msiamini. ²² Kwani Wakristo wa uongo na manabii wa uongo watatokea na watatoa ishara na maajabu, ili kwamba, wawadanganye, yamkini hata wateule. ²³ Iweni macho! Nimekwisha wambia haya yote kabla ya wakati. ²⁴ Lakini baada ya dhiki ya siku hizo, jua litatiwa giza, mwezi hautatoa mwanga wake, ²⁵ nyota zitaanguka kutoka angani, na nguvu zilizoko mbinguni zitatikisika. ²⁶ Ndipo watakapomwona Mwana wa Adamu akija mawinguni kwa nguvu kubwa na utukufu. ²⁷ Ndipo atatuma malaika zake na atawakusanya pamoja wateule wake kutoka pande kuu nne za dunia, kutoka mwisho wa dunia mpaka mwisho wa mbingu. ²⁸ Jifunzeni kutoka kwa mtini. Mara tu tawi linapoanza kuwa laini na kung'o majani yake, mnajua majira ya kiangazi yamekaribia. ²⁹ Vivyo hivyo, mwonapo mambo hayo yakitendeka, tambueni ya kuwa yeye yu karibu, karibu na malango. ³⁰ Kweli, nawambieni, kizazi hiki hakitapita mpaka mambo haya yote yatukie. ³¹ Mbingu na nchi zitapita, lakini maneno yangu hayatapita kamwe. ³² Lakini kuhusu siku hiyo au saa, hakuna ajuaye, hata malaika mbinguni, wala Mwana, ila Baba. ³³ Kuweni wangalifu, Kesheni, kwa sababu hamjui ni muda gani yatatokea. (Zingatia: Mstari huu, "Muwe waangalifu, Tazameni na ombeni kwa sababu..." haumo kwenye nakala za kale). ³⁴ Ni kama mtu anayeenda safarini: anaacha nyumba yake, na kumweka watuumishi wake kuwa watawala wa nyumba, kila mmoja na kazi yake, Na kumwamuru mlinzi kukaa macho. ³⁵ Kwa hiyo iweni macho! Kwani hamjui ni lini bwana wa nyumba atakaporudi nyumbani, yawezekana ni jioni, usiku wa manane, wakati jogoo atakapowika, au asubuhi. ³⁶ Kama akija ghafla, asikukute umelala. ³⁷ ninachowaambia nawaambia kila mtu, : Kesheni"!