¹ Baadaye jioni siku ya Sabato, jua lilipokuwa likichwa kuelekea siku ya kwanza ya juma, Mariamu magadalena, na yule Mariam mwingine walikuja kuliona kaburi. ² Tazama kulikuwa na tetemeko kubwa, kwa sababu malaika wa Bwana alishuka na kulivingirisha lile jiwe, kisha akalikalia. ³ Sura yake ilikuwa kama ya umeme, na mavazi yake yalikuwa meupe kama theluji. ⁴ Wale walinzi walijawa na hofu na kuwa kama waliokufa. ⁵ Yule malaika akawafafanulia wale wananawake akisema, "msiogope kwa maana najua kuwa mnamtafuta Yesu, aliyesulibiwa. ⁶ Hayupo hapa, lakini amefufuka kama alivyosema. Njooni muone mahali ambapo Bwana alizikwa. ⁷ Nendeni haraka mkawaambie wanafunzi wake, 'Amefufuka toka wafu, tazama amewatangulia Galilaya. Huko ndiko mtamwona.' Tazama mimi nimewaambia." ⁸ Wale wanawake waliondoka pale kaburini haraka wakiwa na hofu na furaha kubwa, na wakakimbia kuwaambia wanafunzi wake. ⁹ Tazama Yesu akakutana nao na kusema, "Salamu."wale wanawake walikuja na kushika miguu yake, na kisha wakamwabudu. ¹⁰ Kisha Yesu akawaambia, "msiogope, nendeni mkawaambie ndugu zangu watangulie Galilaya. Huko wataniona. ¹¹ Wakati wale wanawake walipokuwa wakienda, tazama baadhi ya walinzi walienda mjini na kuwaambia wakuu wa makuhani mambo yote yaliyokuwa yametokea. ¹² Nao makuhani walipokuwa wamekutana na wazee na kulijadili jambo hilo pamoja nao, walitoa kiasi kikubwa cha pesa kwa wale askari ¹³ na kuwaambia, "Waambieni wengine kuwa, 'wanafunzi wa Yesu walikuja usiku wakauiba mwili wa Yesu wakati sisi tulipokuwa tumelala.' ¹⁴ Kama taarifa hii itamfikia liwali, sisi tutamshawishi na kuwaondoleeni ninyi mashaka yote." ¹⁵ Kwa hiyo wale askari wakazichukua zile pesa na kufanya kama walivyokuwa wameelekezwa. Habari hii ikaenea sana kwa Wayahudi na imekuwa hivyo hadi leo. ¹⁶ Lakini wale mitume kumi na mmoja walienda Galilaya, kwenye ule mlima aliokuwa amewaelekeza. ¹⁷ Nao walipomwona, walimwabudu. lakini baadhi yao waliona shaka. ¹⁸ Yesu akaja kwao akawambia akisema, "Nimepewa mamlaka yote duniani na mbinguni. ¹⁹ Kwa hiyo enendeni mkawafanye mataifa yote kuwa wanafunzi. Wabatizeni katika jina la Baba, na la Mwana, na la Roho Mtatkatifu. ²⁰ Wafundisheni kuyatii mambo yote niliyowaagiza, Na tazama, mimi niko pamoja nanyi daima, hata mpaka mwisho wa dunia.