¹ Baada ya hayo, Ayubu alianza kusema na kuilani siku aliyozaliwa. ² Akasema, ³ "Na ipotelee mbali siku niliyozaliwa mimi, usiku uliosema, 'Mimba ya mtoto wa kiume imetungwa.' ⁴ Siku hiyo na iwe giza; Mungu toka juu asiifikilie, wala mwanga usiiangazie. ⁵ Ishikwe na giza na giza la mauti liwe lake. Wingu na likae juu yake; kila kitu kiifanyacho siku kuwa giza kweli na kiitishe. ⁶ Usiku huo, na ukamatwe na giza tororo. Usihesabiwe miongoni mwa siku za mwaka; na usiwekwe katika hesabu ya miezi. ⁷ Tazama, usiku huo na uwe tasa; na sauti ya shangwe isiwe ndani yake. ⁸ Na wailani siku hiyo, hao wafahamuo namna ya kumuamsha lewiathani. ⁹ Nyota za mapambazuko yake zitiwe giza. Siku hiyo iutafute mwanga, lakini isiupate; wala makope ya mapambazuko isiyaone, ¹⁰ kwasababu haikuifunga milango ya tumbo la mama yangu, na kwasababu haikunifichia taabu machoni pangu. ¹¹ Kwanini si-kufa wakati lipotokeza katika tumbo la uzazi? Kwanini sikuitoa roho yangu hapo mama aliponizaa? ¹² kwanini magoti yake yalinipokea? Kwanini maziwa yake yanipokee hata ninyonye? ¹³ Kwa sasa ningelikuwa nimelala chini kimya kimya. Ningelala usingizi na kupata pumziko ¹⁴ pamoja na wafalme na washauri wa dunia, ambao walijijengea makaburi ambayo sasa ni magofu. ¹⁵ Au Ningelikuwa nimelala pamoja na wakuu wenye dhahabu, waliozijaza nyumba zao fedha. ¹⁶ Au pengine ningekuwa sijazaliwa, kama watoto wachanga wasio uona mwanga kabisa. ¹⁷ Huko waovu huacha kusumbua; huko waliochoka hupumzika. ¹⁸ Huko wafungwa kwa pamoja hupata amani; hawaisikii sauti ya msimamizi wa watumwa. ¹⁹ Wote wadogo na watu maarufu wako huko; mtumishi yuko huru kwa bwana wake huko. ²⁰ Kwa nini yeye aliye mashakani kupewa mwanga? Kwa nini hao wenye uchungu moyoni kupewa uhai, ²¹ ambao hutamani mauti lakini hawapati; ambao huyachimbulia mauti zaidi ya kutafuta hazina iliyofichika? ²² Kwa nini kupewa mwanga ambao hushangilia mno na kufurahi walionapo kaburi? ²³ Kwanini kupewa mwanga mtu ambaye njia zake zimefichika, mtu ambaye Mungu amemzungushia ukingo? ²⁴ Kwa kuwa kushusha kwangu pumzi kwatokea badala ya kula; kuugua kwangu kumemiminika kama maji. ²⁵ Maana jambo lile niliogopalo limenipata; nalo linitialo hofu limenijilia. ²⁶ Mimi sioni raha, sipati utulivu, na sipati pumziko; badala yake huja taabu."