¹ Kulikuwa na mtu katika nchi ya Usi jina lake Ayubu; na Ayubu alikuwa mwenye haki na mkamilifu, mmoja aliyemcha Mungu na kuepukana na ² uovu. Wakazaliwa kwake watoto saba wa kiume na mabinti watatu. ³ Alimiliki kondoo elfu saba, ngamia elfu tatu, jozi mia moja za maksai, na punda mia tano na idadi kubwa ya watumishi. Mtu huyu alikuwa mtu tajiri kati ya watu wote wa mashariki. ⁴ Kwa siku yake ya kuzaliwa kila mtoto wa kiume, hufanya karamu katika nyumba yake. Wakatuma na kuwaita dada zao watatu waje kula na kunywa pamoja nao. ⁵ Baada ya siku za karamu zilipokuwa zimetimia, Ayubu hutuma mtu kwao na kuwaleta na kuwatakasa. huamka asubuhi na mapema na kutoa sadaka za kuteketezwa kwa kila mtoto wake, kwa kusema, "Yawezekana kwamba wanangu wamefanya dhambi na kumkufuru Mungu mioyoni mwao." Siku zote Ayubu alifanya hivi. ⁶ Kisha ilikuwa siku ambayo watoto wa Mungu walikwenda kujihudhurisha mbele za BWANA. Shetani pia akaenda pamoja nao. ⁷ BWANA akamuuliza Shetani, "Umetoka wapi wewe?" Kisha Shetani akamjibu BWANA na kusema, "Natoka kuzunguka zunguka duniani, kutembea huku na huko humo." ⁸ BWANA akamuuliza Shetani, "Je unamfikiriaje mtumishi wangu Ayubu? Kwa kuwa hakuna mmoja aliye kama yeye duniani, mtu mwenye haki na mkamilifu, mmoja aliyemcha Mungu na kuepukana na uovu." ⁹ Kisha Shetani akamjibu BWANA na kusema, "Je Ayubu amcha Mungu bila sababu? ¹⁰ Wewe hukumwekea kinga pande zote, kuzunguka nyumba yake, na kuzunguka vitu vyote alivyo navyo kutoka kila upande? Wewe umebariki kazi za mikono yake, na mifugo yake imeongezeka katika nchi. ¹¹ Lakini sasa nyosha mkono wako na uyadhulu yote hayo aliyonayo, na uone kama hatakufuru mbele ya uso wako." ¹² BWANA akamwambia Shetani, "Tazama, hayo yote aliyonayo unauwezo nayo. Isipokuwa usimdhulu mwili wake usinyoshe mkono wako." Kisha Shetani akatoka mbele za BWANA. ¹³ Ilitokea siku moja, wana wake wa kiume na binti zake walipokuwa wakila na kunywa mvinyo nyumbani mwa ndugu yao mkubwa. ¹⁴ Mjumbe akamfikia Ayubu na kusema, "Hao maksai walikuwa wakilima na punda walikuwa wakichunga karibu nao. ¹⁵ Wakatokea Waseba wakatuvamia na kutoweka nao. Pia wamewauwa watumishi, kwa makali ya upanga. Mimi pekee nimeokoka kukuletea habari." ¹⁶ Wakati alipokuwa akiendelea kusema, akatokea mjumbe mwingine pia na kusema, "Moto wa Mungu umeanguka toka mbinguni na kuwateketeza kondoo na watumishi. Mimi pekee nimeokoka kukuletea habari." ¹⁷ Wakati alipokuwa akiendelea kusema, akatokea mjumbe mwingine pia na kusema, "Wakaldayo walifanya vikundi vitatu, wakawashambulia ngamia, na kuondoka nao. Kwa wale watumishi, wamewaua kwa makali ya upanga. Mimi pekee nimeokoka kukuletea habari." ¹⁸ Wakati alipokuwa akiendelea kusema, akatokea mjumbe mwingine pia na kusema, "Wanao wa kiume na binti zako walikuwa wakila na kunywa mvinyo nyumbani mwa ndugu yao mkubwa. ¹⁹ Upepo wenye nguvu ulitokea jangwani na ukapiga pembe nne za nyumba. Ikawaangukia vijana hao, na wakafa wote. Mimi pekee nimeokoka kukuletea habari. ²⁰ Kisha Ayubu akainuka, akalirarua joho lake, akanyoa kichwa chake, akaanguka chini kifudifudi na kumwabudu Mungu. ²¹ Akasema, "Mimi nilitoka tumboni mwa mama yangu ni uchi, nami nitakuwa uchi wakati nitakaporudi huko. BWANA alitoa, na BWANA ametwaa. Jina la BWANA libarikiwe." ²² Katika mambo hayo yote, Ayubu hakutenda dhambi, wala hakumwazia Mungu kwa uovu.