¹ Basi Yesu alipofahamu kuwa Mafarisayo wamesikia kuwa Yesu alikuwa anafuasa na kuwabatiza zaidi ya Yohana, ² (ingawa Yesu mwenyewe alikuwa habatizi ila wanafunzi wake), ³ alitoka Judea na akarudi Galilaya. ⁴ ikawa ilikuwa muhimu kupitia Samaria. ⁵ Na akafika kwenye mji wa Samaria, unaoitwa Sikari, karibu na eneo ambalo Yakobo alimpa mwanae Yusufu. ⁶ Na kisima cha Yakobo kilikuwa hapo. Yesu alikuwa amechoka kwa ajili ya safari na akakaa karibu na kisima. Ilikuwa muda wa saa sita mchana. ⁷ Mwanamke Msamaria alikuja kuteka maji, na Yesu akamwambia, "Nipe maji ninywe." ⁸ Kwa sababu wanafunzi wake walikuwa wameenda zao mjini kununua chakula ⁹ Yule mwanamke Msamaria akamwambia, "Inakuaje wewe Myahudi, kuniomba mimi mwanamke Msamaria, kitu cha kunywa?" Kwa sababu Wayahudi hawatangamani na Wasamaria. ¹⁰ Yesu akamjibu, "Kama ungelijua karama ya Mungu, na yule anayekuambia 'Nipe maji, ' ungelimwomba, na angelikupa maji ya uzima." ¹¹ Yule mwanamke akamwambia, "Bwana hauna ndoo ya kuchotea, na kisima ni kirefu. Utayapata wapi Maji ya Uzima.? ¹² Je wewe ni mkuu, kuliko baba yetu Yakobo, ambaye alitupa kisima hiki, na yeye mwenyewe na watoto wake pamoja na mifugo yake wakanywa maji ya kisima hiki?" ¹³ Yesu akajibu nakumwambia, "Yeyote anywae maji haya atapata kiu tena, ¹⁴ lakini yeye atakaye kunywa maji nitakayompa hatapata kiu tena. Badala yake maji nitakayompa yatakuwa chemchemi inayobubujika hata uzima wa milele." ¹⁵ Yule mwanamke akamwambia, "Bwana, nayaomba maji hayo ili nisipate kiu, na nisihangaike kuja hapa kuchota maji." ¹⁶ Yesu akamwambia, "Nenda kamwite mumeo, kisha urudi." ¹⁷ Yule mwanamke akamwambia, "Sina mume." Yesu akajibu, "Umesema vyema, 'Sina mume;' ¹⁸ kwa maana ushakuwa na wanaume watano, na hata ambaye unaye sasa sio mume wako. Ambalo umelisema kweli!" ¹⁹ Yule mwanamke akamwambia, "Bwana naona yakuwa wewe ni nabii. ²⁰ Baba zetu waliabudu katika mlima huu. Lakini ninyi mwasema ya kuwa Yerusalemu ndiyo sehemu ambayo watu wanapaswa kuabudu." ²¹ Yesu akamjibu, "Mwanamke, niamini, wakati unakuja ambapo hamtamwabudu Baba katika mlima huu wala Yerusalemu. ²² Ninyi watu mwaabudu kile msichokijua, lakini sisi twaabudu tunachokijua, kwa kuwa wokovu watoka kwa Wayahudi." ²³ Hatahivyo, wakati waja, na sasa upo hapa, wakati waabuduo kweli watamwabudu Baba katika roho na kweli, kwa sababu Baba anawatafuta watu wa namna hiyo kuwa watu wake wanao mwabudu. ²⁴ Mungu ni Roho, na wale wanaomwabudu wanapaswa kumwabudu kwa roho na kweli." ²⁵ Mwanamke akamwambia, "Ninajua kuwa Masihi anakuja, (aitwaye Kristo). Huyo atakapokuja atatwelezea mambo yote." ²⁶ Yesu akamwambia, "Mimi unayesema nami ndiye." ²⁷ Wakati huo huo wanafunzi wake wakarudi. Nao walishangaa kwa nini alikuwa akizungumza na mwanamke, lakini hakuna aliyethubutu kumuuliza, "Unataka nini?" au "Kwa nini unazungumza naye.?" ²⁸ Hivyo mwanamke akauacha mtungi wake wa maji na akaenda mjini na akawambia watu, ²⁹ "Njooni mwone mtu aliyeniambia mambo yangu yote niliyoyatenda, je yawezekana akawa ndiye Kristo?" ³⁰ Wakatoka mjini wakaja kwa Yesu. ³¹ Wakati huohuo wanafunzi wake walimsihi wakisema, "Rabi kula chakula." ³² lakini yeye aliwambia, "Mimi ninacho chakula msichokijua ninyi." ³³ Wanafunzi wakaambiana, hakuna aliyemletea kitu chochotekula,"Je walileta?" ³⁴ Yesu akawambia, "Chakula changu ni kufanya mapenzi yake yeye aliyenituma na kutimiza kazi yake. ³⁵ Je, hamsemi, 'Bado miezi minne na mavuno yatakuwa tayari?' Ninawambieni tazameni mashamba yalivyo tayari kwa mavuno! ³⁶ Yeye avunaye hupokea mishahara na kukusanya matunda kwa ajili ya uzima wa milele, ili kwamba yeye apandaye naye avunaye wafurahi pamoja. ³⁷ Kwa kuwa msemo huu ni wa kweli, 'Mmoja apanda na mwingine avuna.' ³⁸ Niliwatuma kuvuna ambacho hamkukihangaikia, Wengine wamefanya kazi na ninyi mmeingia katika furaha ya kazi yao." ³⁹ Wasamaria wengi katika mji ule walimwani kwa sababu ya taarifa ya yule mwanamke aliyekuwa akishuhudia, "Aliyeniambia mambo yote niliyoyafanya." ⁴⁰ Hivyo Wasamaria walipokuja walimsihi akae pamoja nao na akakaa kwao kwa siku mbili. ⁴¹ Na wengi zaidi wakamwamini kwa sababu ya neno lake. ⁴² Wakamwambia yule mwanamke, "Tunaamini sio tu kwa maneno yako, kwa sababu sisi wenyewe tumesikia, na sasa twafahamu kuwa hakika huyu ndiye mwokozi wa ulimwengu." ⁴³ Baada ya siku hizo mbili, Yesu akaondoka na kuelekea Galilaya. ⁴⁴ Kwa sababu yeye mwenyewe alikuwa ametangaza kuwa nabii hana heshima katika nchi yake mwenyewe. ⁴⁵ Alipokuja katika Galilaya, Wagalilaya walimkaribisha. Walikuwa wameona mambo yote aliyoyafanya Yerusalemu kwenye sikukuu, kwa sababu na wao pia walikuwa wamehudhuria kwenye sikukuu. ⁴⁶ Alikuja tena Kana ya Galilaya huko alikoyabadilisha maji kuwa divai. Palikuwa na ofisa ambaye mwanaye alikuwa ni mgonjwa huko Kapernaumu. ⁴⁷ Aliposikia kuwa Yesu alitoka Yudea na kwenda Galilaya, alienda kwa Yesu na kumsihi atelemke amponye mwanawe, ambaye alikuwa karibu kufa. ⁴⁸ Ndipo Yesu akamwambia, "Ninyi msipoona ishara na maajabu hamtaamini. ⁴⁹ Kiongozi akasema, " Bwana shuka chini kabla mwanangu hajafa." ⁵⁰ Yesu akamwambia, "Nenda mwanao aishi." Yule mtu akaamini neno alilolisema Yesu na akaenda zake. ⁵¹ Alipokuwa akishuka, watumishi wake walimpokea na kumwambia mwanaye alikuwa mzima. ⁵² Hivyo akawauliza ni muda gani alipata nafuu. Wakajibu, "Jana muda wa saa saba homa ilipomwacha." ⁵³ Ndipo baba yake akatambua kuwa ni muda ule ule Yesu aliosema, "Mwana wako ni mzima." Hivyo yeye na familia yake wakaamini. ⁵⁴ Hii ilikuwa ni ishara ya pili aliyoifanya Yesu alipotoka Yudea kwenda Galilaya.