¹ Nimewaambia mambo haya ili msiweze kukwazwa. ² Watawatoa nje ya masinagogi; hakika saa inakuja ambayo kila atakayewaua atafikiri kuwa anafanya kazi njema kwa ajili ya Mungu. ³ Watawatendea mambo haya kwa sababu hawamfahamu Baba wala Mimi. ⁴ Nimewaambia mambo haya ili kwamba wakati wa haya kutokea ukifika, mtakumbuka jinsi nilivyowaambia kuyahusu. Sikuwaambia kuhusu mambo haya tangu mwanzo kwa sababu nilikuwa pamoja nanyi. ⁵ Sasa naenda kwa yule aliyenituma; lakini hakuna kati yenu anayeniuliza, "Unaenda wapi?" ⁶ Kwa sababu nimesema maneno haya kwenu, huzuni imejaa mioyoni mwenu. ⁷ Hata hivyo, nawaambia ukweli: ni vyema kwenu nikiondoka; kwa maana nisipoondoka, Mfariji hatakuja kwenu; lakini nikienda ntamtuma kwenu. ⁸ Atakapokuja Mfariji,Ataudhibitisha ulimwengu kuwa katika makosa kuhusiana na dhabi utauwa na hukumu- ⁹ kuhusiana na dhambi,kwa sababu hawakuniamini, ¹⁰ kuhusiana na utauwa kwa maana naenda kwa Baba, ¹¹ na kuhusiana na hukumu kwa sababu Mkuu wa dunia hii ashss hukumiwa. ¹² Ninayo mengi ya kuwaambia, lakini hamtayaelewa sasa. ¹³ Lakini, yeye, Roho wa kweli, akija, atawaongoza katika kweli yote; kwa kuwa hataongea kwa ajili yake mwenyewe; lakini yoyote atakayoyasikia, atayasema mambo hayo; na atawambieni mambo yatakayokuja. ¹⁴ Yeye atanitukuza mimi, kwa sababu atayachukua mambo yangu na atayatangaza kwenu. ¹⁵ Vitu vyote alivyonavyo Baba ni vyangu; kwa hiyo, nimesema kwamba Roho atachukua mambo yangu na atayadhihirisha kwenu. ¹⁶ Bado muda mfupi, hamtaniona tena; na baada ya muda mfupi tena, mtaniona." ¹⁷ Baadhi ya wanafunzi wake wakaambiana, "Ni nini anachotuambia, "muda mfupi, na hamtaniona tena,' na, kisha, muda mfupi mtaniona,' na, 'kwa sababu naenda kwa Baba?" ¹⁸ Kwa hiyo wakasema, "Ni kitu gani anachosema, 'Bado muda mfupi'? Hatujui akisemacho." ¹⁹ Yesu aliona kuwa walitamani kumuuliza, naye akawaambia, "Mnajiuliza wenyewe kuhusu hili, nilivyosema, 'Bado muda mfupi, hamtaniona tena; na baada ya muda mfupi mtaniona'? ²⁰ Amin, amin, nawaambia, mtalia na kuomboleza, lakini ulimwengu utashangilia, mtakuwa na huzuni lakini huzuni yenu itageuka kuwa furaha. ²¹ Mwanamke anakuwa na huzuni wakati anapokuwa na uchungu kwa sababu wakati wa kujifungua umefika; lakini anapojifungua mtoto, hakumbuki tena maumivu kwa sababu ya furaha yake kwamba mtoto amezaliwa duniani. ²² Ninyi pia mna huzuni sasa, lakini nitawaona tena; na mioyo yenu itafurahi na hakuna atakayeweza kuiondoa furaha yenu. ²³ Siku hiyo hamtaniuliza lolote. Amin, Amin, nawaambia, Mkiomba lolote kwa Baba, atawapa kwa jina langu. ²⁴ Mpaka sasa hamjaomba lolote kwa jina langu; ombeni, nanyi mtapokea ili kwamba furaha yenu itimilike. ²⁵ Nimezungumza nanyi kwa lugha isiyoeleweka, lakini saa inakuja ambapo sitazungumza kwa lugha isiyoeleweka lakini badala yake nitawaambia waziwazi kuhusu Baba. ²⁶ Siku hiyo mtaomba kwa jina langu, na siwaambii kwamba nitaomba kwa Baba kwa ajili yenu; ²⁷ Kwa kuwa Baba mwenyewe anawapenda kwa sababu mmenipenda mimi na kwa sababu mmeniamini kuwa nimetoka kwa Baba. ²⁸ Nilitoka kwa Baba na nimekuja ulimwenguni; tena, naondoka ulimwenguni na ninaenda kwa Baba". ²⁹ Wanafunzi wake wakamwambia, "Unaona, sasa unaongea wazi wazi na hautumii mafumbo. ³⁰ Sasa, tunajua kwamba unajua mambo yote, na hauhitaji mtu yoyote akuulize maswali. Kwa sababu hii tunaamini kuwa unatoka kwa Mungu. ³¹ Yesu akawajibu, "Sasa mmeamini?" ³² Tazama, saa inakuja, ndiyo na hakika imefika, ambapo mtatawanyika kila mmoja na kwao mtaniacha pekee. Lakini siko peke yangu kwa sababu Baba yupo nami. ³³ Nawaambia mambo haya ili kwamba ndani yangu muwe na amani. Duniani mna matatizo, lakini jipeni moyo, nimeushinda ulimwengu.