¹ "Usiruhusu moyo wako ufadhaike. Unamwamini Mungu; niamini pia nami. ² Katika nyumba ya Baba yangu kuna makazi mengi; kama isingekuwa hivyo, ningekuwa nimekuambia, kwa vile ninakwenda kukuandalia mahali kwa ajili yako. ³ Kama nikienda na kuwaandalia mahali, nitakuja tena kuwakaribisha kwangu, ili mahali nilipo pia nanyi muwepo. ⁴ Mnajua njia mahali ninakoenda." ⁵ Tomaso alimwambia Yesu, "Bwana, hatujui mahali unakoenda; Je twawezaje kuijua njia? ⁶ Yesu alimwambia, " Mimi ndiye njia, kweli, na uzima; hakuna awezaye kuja kwa Baba isipokuwa kupitia kwangu. ⁷ Kama mngalinijua mimi, mngalikuwa mnamjua na Baba yangu pia; kuanzia sasa na kuendelea mnamjua na mmeshamuona yeye." ⁸ Philipo alimwambia Yesu, "Bwana, tuonyeshe Baba, na hivyo itakuwa imetutosha." ⁹ Yesu akamwambia, "Sijakuwa pamoja nanyi kwa muda mrefu, na bado hunijui mimi, Philipo? Yeyote aliyeniona mimi amemwona Baba; Jinsi gani unasema, 'Tuonyeshe Baba'? ¹⁰ Hamuamini kuwa mimi ni ndani ya Baba, na Baba yu ndani yangu? Maneno ninayoyasema kwenu sisemi kwa kusudi langu mwenyewe; badala yake, ni Baba anayeishi ndani yangu anayetenda kazi yake. ¹¹ Niamini mimi, kwamba niko ndani ya Baba, na Baba yuko ndani yangu; la sivyo niamini mimi kwa sababu ya kazi zangu hasa. ¹² Amini, amini, nawaambia, yeye aniaminiye mimi kazi zile nizifanyazo, atazifanya kazi hizi pia; na atafanya hata kazi kubwa kwa sababu ninakwenda kwa Baba. ¹³ Chochote mkiombacho katika jina langu, nitafanya ili kwamba Baba aweze kutukuzwa katika Mwana. ¹⁴ Iwapo mtaomba kitu chochote katika jina langu, hilo nitafanya. ¹⁵ Kama mkinipenda, mtazishika amri zangu. ¹⁶ Na nitamwomba Baba, Naye atawapa Msaidizi mwingine ili kwamba aweze kuwa pamoja nanyi milele, ¹⁷ Roho wa kweli. Ulimwengu hauwezi kumpokea yeye kwa sababu haumuoni, au kumjua yeye. hata hivyo ninyi, mnamjua yeye, kwani anakaa pamoja nayi na atakuwa ndani yenu. ¹⁸ Sitawaacha kama yatima; Nitarudi kwenu. ¹⁹ Kwa muda kidogo, ulimwengu hautaniona tena, lakini ninyi mwaniona. Kwa sababu ninaishi, nanyi mtaishi pia. ²⁰ Katika siku hiyo mtajua kwamba mimi niko ndani ya Baba, na kwamba ninyi mko ndani yangu, na kwamba mimi niko ndani yenu. ²¹ Yeyote azishikaye amri zangu na kuzitenda, ndiye ambaye anipenda mimi; na ambaye anipenda mimi atapendwa na Baba yangu, na Nitampenda na nitajionyesha mimi mwenyewe kwake." ²² Yuda (siyo Iskariote) akamwambia Yesu, "Bwana, Je! Ni nini kinatokea kwamba utajionyesha mwenyewe kwetu na siyo kwa ulimwengu? ²³ Yesu alijibu akamwambia, "Kama yeyote anipendaye, atalishika neno langu. Baba yangu atampenda, na tutakuja kwake na tutafanya makao yetu pamoja naye. ²⁴ Yeyote ambaye hanipendi mimi, hashiki maneno yangu. Neno ambalo mnasikia siyo langu bali la Baba ambaye alinituma. ²⁵ Nimeyasema mambo haya kwenu, wakati bado ninaishi miongoni mwenu. ²⁶ Hata hivyo, Mfariji, Roho Mtakatifu, ambaye Baba atamtuma kwa jina langu, atawafundisha mambo yote na atawafanya mkumbuke yote ambayo niliyasema kwenu. ²⁷ Amani nawapa amani yangu ninyi. Siwapi hii kama ulimwengu utoavyo. Msifadhaike mioyoni yenu wala msiwe na uoga ²⁸ Mlisikia vile nilivyowaambia, 'Ninaenda zangu, na nitarudi kwenu.' Kama mngelinipenda mimi, mngekuwa na furaha kwa sababu ninakwenda kwa Baba, kwa kuwa Baba ni mkuu kuliko mimi. ²⁹ Sasa nimekwisha kuwaambia kabla haijatokea ili kwamba, wakati ikitokea, mueze kuamini. ^{30 31} Sitaongea nanyi maneno mengi,kwa kuwa mkuu wa dunia hii anakuja.Yeye hana nguvu juu yangu, lakini ili kwamba ulimwengu upate kujua kwamba nampenda Baba,nafanya ambacho Baba ananiagiza mimi.Inukeni,na tutoke mahali hapa.