¹ Katika mwaka wa kwanza wa Dario Mmedi, mimi mwenyewe nilikuja kumwezesha na kumlinda Mikaeli. ² Na sasa nitakwambia ukweli. Wafalme watatu watainuka katika Uajemi, na mfalme wa nne atakuwa tajiri sana kuliko wengine wote. Na atakapokuwa amepapata nguvu kupitia utajiri wake, atamchochea kila mtu kinyume na ufalme wa Ugiriki. ³ Mfalme wenye nguvu atainuka ambaye atatawala ufalme mkubwa, na ataenenda kufuatana na matakwa yake mwenyewe. ⁴ Na atakapokuwa ameinuka, ufalme wake utavunjika na utagawanyika katika pepo nne za mbinguni, lakini si kwa wazao wake mwenyewe, na si kwa mamlaka aliyokuwanayo alipokuwa akitawala. Kwa kuwa ufalme wake utang'olewa kwa ajili ya wengine tofauti na wazawa wake. ⁵ Mfalme wa Kusini atakuwa na nguvu, lakini mmoja kati ya maamiri jeshi wake atakuwa mwenye nguvu kuliko yeye na atakuwa na utawala. Ufalme wake utakuwa wa nguvu kubwa. ⁶ Baada ya miaka michache, wakati muda utakapokuwa umetimia , watafanya muungano. Binti wa mfalme wa Kusini atakuja kwa mfalme wa Kaskazini kuyathibitisha makubaliano yao. Lakini hataweza kuzitunza nguvu za mkono wake, wala mfalme hatasimama wala mkono wake. Ataachwa-- yeye na wale waliomleta, na baba yake, na yeye aliyemuunga mkono nyakati hizo. ⁷ Lakini tawi kutoka katika mizizi yake litachipuka katika nafasi yake. Atalishambulia jeshi na kuingia ngome ya mfalme wa Kaskazini. Atapigana, na atawashinda. ⁸ Ataiteka miungu yao kuipeleka Misri pamoja na sanamu zao za chuma na vyombo vyao vya fedha na vya dhahabu vyenye thamani. Kwa miaka kadhaa atakaa mbali na mfalme wa Kaskazini. ⁹ Kisha mfalme wa Kaskazini atauvamia ufalme wa mfalme wa Kusini, lakini atajitoa na kwenda katika nchi yake mwenyewe. ¹⁰ Wanae wa kiume watajiweka tayari na kuunganisha jeshi kubwa. Litaendelea kuja na litagharikisha kila kitu, litapita katikati hadi kwenye ngome yake. ¹¹ Ndipo mfalme wa Kusini atakasirika, na ataenda na kupigana dhidi yake, mfalme wa Kaskazini. Mfalme wa Kaskazini atainua jeshi kubwa, bali jeshi litatiwa katika mkono wake. ¹² Jeshi litachukuliwa, na moyo wa mfalme wa Kusini utainuliwa juu, na atawafanya makumi ya maelfu kuanguka, lakini hatakuwa mshindi. ¹³ Kisha mfalme wa Kaskazini atainua jeshi jingine, kubwa kuliko la kwanza. Baada ya miaka kadhaa, mfalme wa Kaskazini atakuja na jeshi kubwa likiwa na vifaa vingi. ¹⁴ Katika siku hizo wengi watainuka kinyume na mfalmea wa Kusini. Wana wa wenye vurugu miongoni mwa watu wako watajiweka tayari wao wenyewe ili kuyatimiliza maono, lakini watajikwaa. ¹⁵ Mfalme wa Kaskazini atakuja, kuizingira nchi kwa kuweka vilima, na kuuteka mji wenye ngome. Majeshi ya Kusini hayataweza kusimama, hata wanajeshi wake bora. Hawatakuwa na nguvu za kusimama. ¹⁶ Badala yake, yeye ajaye dhidi yake ataenenda kama atakavyo, na hakuna hata mmoja atakayesimama katika njia yake. Atasimama katika Nchi ya Uzuri, na uharibifu utakuwa mkononi mwake. ¹⁷ Mfalme wa Kaskazini atauelekeza uso wake ili kuja kwa nguvu za ufalme wake wote, na kutakuwa na makubaliano atakayoyafanya na mfalme wa Kusini. Atampatia katika ndoa binti wa wanawake ili kuuharibu ufalme wa Kusini. Lakini mpango huo hautafanikiwa wala kumsaidia. ¹⁸ Baada ya hili, mfalme Kaskazini atakazia macho nchi za pwani na ataziteka nyingi kati ya hizo. Lakini amiri jeshi atakikomesha kiburi chake na atakisababisha kiburi chake kimgeuke mwenyewe. ¹⁹ Kisha atafuatilia miji yenye ngome katika nchi yake mwenyewe, lakini atajikwaa na kuanguka; na hatapatikana tena. ²⁰ Kisha mtu mwingine atainuka katika nafasi ambaye atamfanya mtoza ushuru apite kwa ajili ya ufahari wa ufalme. Lakini katika siku zijazo atakatiliwa mbali, lakini si kwa hasira wala si katika vita. ²¹ Katika nafasi yake atainuka mtu wa kudharauliwa ambaye watu hawatampa heshima ya nguvu ya kifalme; atakuja bila kukusudiwa na atautwaa ufalme kwa ulaghai. ²² Mbele yake, kila jeshi litafutiliwa mbali kama gharika. Jeshi na kiongozi wa agano wataangamizwa wote kwa pamoja. ²³ Tangu kipindi kile ambacho makubaliano yalifanywa pamoja naye, ataenenda kwa hila; atakuwa mwenye nguvu akiwa na watu wachache tu. ²⁴ Bila ya tahadhari ataingia katika sehemu tajiri sana za jimbo, na atafanya kile ambacho si baba yake wala baba wa baba yake alikifanya. Atagawanya mateka, nyara, na mali zake miongoni mwa wafuasi wake. Atapanga mpango wa kuiangusha ngome, lakini ni kwa muda tu. ²⁵ Ataamsha nguvu zake na moyo wake kinyume na mfalme wa Kusini kwa jeshi kubwa. Mfalme wa Kusini atapigana vita akiwa na jeshi kubwa hasa na lenye nguvu, lakini hataweza kusimama kwa kuwa wengine watafanya njama dhidi yake. ²⁶ Hata wale wanaokula chakula chake kizuri watajaribu kumwangamiza. Jeshi lake litakatiliwa mbali kama gharika, na wengi wao watauawa. ²⁷ Wafalme wote hawa wawili, wakiwa na mioyo yao imejawa na uovu kinyume na mwenzake, watakaa katika meza moja na kudanganyana, lakini haitakuwa na maana yoyote. Kwa kuwa mwisho utatokea kwa wakati uliokwisha kupangwa. ²⁸ Kisha mfalme wa Kaskazini atarudi katika nchi yake akiwa na utajiri mkubwa, na moyo wake ukipinga vikali agano takatifu. Atatenda na kisha atarudi katika nchi yake mwenyewe. ²⁹ Katika muda uloamriwa atarudi na kuushambulia ufalme wa Kusini. Lakini katika kipindi hiki hakitakuwa kama awali. ³⁰ Kwa kuwa meli kutoka Kitimu zitamshambulia, naye ataogopa na kurudi nyuma. Atakuwa mwenye hasira dhidi ya agano takatifu, na atawaonyesha mema wale wajitengao na agano takatifu. ³¹ Majeshi yake yatainuka na kunajisi sehemu takatifu katika ngome. Wataziondoa sadaka za kawaida za kuteketezwa, na watasimamisha chukizo la uharibifu litakalosababisha ukiwa. ³² Na kwa wale walioenenda kwa ouvu kinyume na agano, atawadanganya na kuwatia uovu. Bali watu wale wanaomjua Mungu wao watakuwa jasiri na watachukua hatua. ³³ Watu wenye hekima miongobi mwa watu watawafanya watu waelewe. Lakini watajikwaa kwa upanga na kwa miali ya moto; watatiwa mateka na kunyang'anywa kwa siku. ³⁴ Katika siku za kujikwaa kwao, watasaidiwa kwa msaada kidogo. Watu wengi watajiunga nao wenyewe katika unafiki. ³⁵ Baadhi ya watu wenye hekima watajikwaa ili kujisafisha kutokee kwao, na kujiosha, na kujitakasa, mpaka wakati wa mwisho. Kwa kuwa wakati ulioamriwa haujaja bado. ³⁶ Mfalme atafanya kutokana na matakwa yake. Atajiinua mwenyewe na kujifanya mkubwa kuliko kila muungu. Kinyume cha Mungu wa miungu, atasema vitu vibaya, kwa kuwa atafanikiwa mpaka pale ghadhabu itakapokuwa imekamilika. Kwani kile kilichokuwa kimeamriwa kitafanyika. ³⁷ Hataijali miungu ya baba zake wala muungu anayependwa na wanawake, hata muungu mwingine yeyote hatamjali, lakini atajitukuza mwenyewe juu ya miungu yote. ³⁸ Atamheshimu mungu wa ngome badala ya hii. Ni muungu ambaye baba zake hawakujua kwamba ataheshimu kwa dhahabu na fedha, kwa mawe ya thamani na zawadi zenye kuthaminiwa. ³⁹ Atazishambulia ngome imara sana kwa msaada wa mungu mgeni. Atampa heshima kubwa yeyote anayemkubali. Atawafanya kuwa watawala juu ya watu wengi, na ataigawanya nchi kama thawabu. ⁴⁰ Kwa wakati wa mwisho mfalme wa Kusini atamshambulia. Mfalme wa Kaskazini atamvamia kwa ukali wa magari na wapanda farasi, na meli nyingi. Naye ataenda kinyume cha nchi, kuwagharikisha, na kupita katikati. ⁴¹ Naye ataingia katika Nchi ya Uzuri, na makumi elfu ya Waisraeli wataanguka. Lakini watu hawa watatoroka kutoka katika mkono wake: Waedomu, Wamoabu, na mabaki ya watu wa Amoni. ⁴² Naye ataunyosha mkono katika nchi; nchi ya Misri haitaokolewa. ⁴³ Atakuwa na mamlaka juu ya hazina za dhahabu na za fedha, na juu ya utajiri wote wa Misri; watu wa Libya na Ethiopia watakuwa chini katika nyayo za miguu yake. ⁴⁴ Lakini taarifa kutoka mashariki na kaskazini zitamwogopesha, naye atatoka akiwa mwenye hasira nyingi ili kuwaharibu kabisa na kuwatenga wengine kando kwa ajli ya uharibifu. ⁴⁵ Naye ataisimamisha hema ya makao yake ya kifalme kati ya bahari na milima ya uzuri wa utakatifu. Ataufikia mwisho wake, na hapatakuwa na msaidizi wa kumsadia.