1
Kɔ́ɔ Asaŋa a gálagalamɔ́ dogálɔ duimée dɔ́ɔdɔ, a amɔ́:
2
"Ndɔ́mɔ́ Kanɛ Mesúge, Asaŋa bahɔ, mɔ́ɔnyɔ a lɔ́mɔ́ go húmíelú naá gɛdɔŋɔ gá Egíbitene, naá nnyaŋá ya boɔlɛ́.
3
O do ná bóso go bɛa baasaŋa bóncodío naá yɔmɔ́ busío.
4
O do ná bóso go bádóanɛna bigedie, ɛ́na bieninye akɛ́ bɛ́hanɛ́ɛ go moóma mɔ́ɔmɔ mó lɔ́mɔ́ naá mmoɛná gúunú, ɛ́na mɔ́ɔmɔ mó lɔ́mɔ́ naá cí gúunú, na mɔ́ɔmɔ mó lɔ́mɔ́ gɛmbádáa gá miimpo mó dómba cí.
4
O do ná bóso go bádóanɛna bigedie, ɛ́na bieninye akɛ́ bɛ́hanɛ́ɛ go moóma mɔ́ɔmɔ mó lɔ́mɔ́ naá mmoɛná gúunú, ɛ́na mɔ́ɔmɔ mó lɔ́mɔ́ naá cí gúunú, na mɔ́ɔmɔ mó lɔ́mɔ́ gɛmbádáa gá miimpo mó dómba cí.
5
O do ná gule enúu go mbúlugie naá busío bá mɔ; goakɛ́ yɔmɔ́ɔ, Kanɛ Mesúge, Asaŋa bahɔ, ndɛ́ Asaŋa ba hɛɔtɔ, mɔ́ɔnyɔ a génegenyemú gɛlɔgɔ gá biisée naá baábayɔ́, bó húme ɛgɛlɛ ɛdadɔ́ ɛ́na inni ya batɔ báaba bá mbɛlabɛlamɔ́,
6
kunde kɔ́lɔnɔ mahana bó húme ɛgɛlɛ tɔ́sɛnɔ go batɔ báaba bá mmaamanamɔ́, bá gunde bá beŋebeŋe bɛlɔsɛnɔ bámɛ.
7
O do ná ŋa o buŋe ufíno yá Kanɛ Mesúge, Asaŋa bahɔ, godugúnúdugunu; goakɛ́ Kanɛ Mesúge a dɛ ŋgá lɔbɛnɔ kanɛ go fáa noséényée mɔtɔ a ŋgaá ŋá a buŋe ufíno yɛ́hɛ́ godugúnúdugunu.
7
O do ná ŋa o buŋe ufíno yá Kanɛ Mesúge, Asaŋa bahɔ, godugúnúdugunu; goakɛ́ Kanɛ Mesúge a dɛ ŋgá lɔbɛnɔ kanɛ go fáa noséényée mɔtɔ a ŋgaá ŋá a buŋe ufíno yɛ́hɛ́ godugúnúdugunu.
8
O do bófoolío buisí bá bá godúuge, go go bó fona.
8
O do bófoolío buisí bá bá godúuge, go go bó fona.
9
Miisí mátáanɔ na búmmue, o yɔgɔnɔ, o mana buelí báhɔ buimée.
10
Kanɛ́ buisí bá gátáanɔ naá gáandɛ́ɛ bó lɔ́mɔ́ buisí bá godúuge bá Kanɛ Mesúge, Asaŋa bahɔ: o do ná ŋa akɛ́ mbɔ́dɔ ya buelí ɛhanɛ́ɛ, akɛ́ maamɔ́ɔ moatɛ́, akɛ́ ohaŋa bahɔ, akɛ́ ombóla bahɔ, akɛ́ uyogóní bahɔ ba onɔ́mɔtɔ́, akɛ́ ba okɔ́dɔ, akɛ́ gidúgé gáhɔ, akɛ́ uŋunyí ba mɔtɔ mɔ́ɔnyɔ naá mamɔ́ nnyaŋá.
11
Ɛɛ́ŋ, go miisí mátáanɔ na búmuue, Asaŋa a mba bulíe mmoɛná, cí na máŋɛ́, na buimée bɔ́ɔbɔ bó lɔ́mɔ́ kɔ́ɔ, a báa lɛ gó dúugide naá buisí bá gátáanɔ na gáandɛ́ɛ: go busío moánɛ gɔ́ɔ Kanɛ Mesúge a fonamɔ́ buisí bá godúuge, a báá gɔnɔ́ bó sogona.
12
O búlugie tɛ́ɔ na yigúédíi, bó ŋa aŋa o lɔ́mɔ́ ba go bɛa bɛntaálala bá medúgúu naá gɛdɔŋɔ gɛ́ɛgɛ Kanɛ Mesúge, Asaŋa bahɔ, a go fáananamɔ́.
12
O búlugie tɛ́ɔ na yigúédíi, bó ŋa aŋa o lɔ́mɔ́ ba go bɛa bɛntaálala bá medúgúu naá gɛdɔŋɔ gɛ́ɛgɛ Kanɛ Mesúge, Asaŋa bahɔ, a go fáananamɔ́.
13
O do nó óna mɔtɔ.
14
O do ná ŋa gɛdáŋa.
15
O do ná íbene boóma.
15
O do ná íbene boóma.
16
O do ná bóso go básómbɛna tɛ́ɔbɛnɔ na gɛsɛnɛ gá kanɛ kɔ́ɔ.
17
O do bésésídínyée go boóma bá sɔ́gɔ́ɔ; o do bésésídínyée ogánɛ́ tɛ́ɔbɛnɔ, akɛ́ uyogóní bɛ́hɛ́ ba onɔ́mɔtɔ́, akɛ́ ba okɔ́dɔ, akɛ́ go gúlúge yɛhɛ́, a kɛ́ go abaŋabɛbɛa bɛhɛ́, akɛ́ go boóma bɛ́hɛ́ bá búmmue.
18
Boɛ́nɔ buimée bó mba lɛ́ bó bódolonyo mbalámandáa sɛ́ gide, na goómba gá cɛ́bá; bá mba lɛ́ tɔ́nɔ bá núune bɛlɛ́mbɛ bá íyuke naá ogɔndɔ aŋa yó dúugulemú ncóki. Naá gonúune buimée bɔ́ɔbɔ, boɛ́nɔ go ɛ́da go dagadana, bá gɛ́ga gɛyáŋɛ́.
18
Boɛ́nɔ buimée bó mba lɛ́ bó bódolonyo mbalámandáa sɛ́ gide, na goómba gá cɛ́bá; bá mba lɛ́ tɔ́nɔ bá núune bɛlɛ́mbɛ bá íyuke naá ogɔndɔ aŋa yó dúugulemú ncóki. Naá gonúune buimée bɔ́ɔbɔ, boɛ́nɔ go ɛ́da go dagadana, bá gɛ́ga gɛyáŋɛ́.
19
Kɔ́ɔ bó oyanamɔ́ Mósɛsɛ bá amɔ́: "Có gálágáláa maamɔ́ɔ moatɛ́ moatɛ, dɛ gaá go bódólónyóo; kanɛ́ ŋgá Asaŋa a dɔmbɔ go có gálagala, go bofoá bá ŋaá dɛ gaá gúénénée."
20
Mósɛsɛ go oyana Boɛ́nɔ a amɔ́: "No do gɔ́lɔ́nɔ́ɔ bofoá; bó lɔ́mɔ́ go go nco nyó magana gɔ́ɔ Asaŋa a báá ná úlé. Bó lɔ́mɔ́ tɔ́nɔ goŋaá no bɛa tíine naá busío bɛ́hɛ́, no do ɛ́dá go lɔgɔ."
21
Boɛ́nɔ go lɔbɛnɔ gɛyáŋɛ́; kanɛ́ Mósɛsɛ mɔ́ɔ go báyɛkɛna nogálámbá anáa Asaŋa a mbaá lɛ.
22
Kanɛ Mesúge go oyana Mósɛsɛ a amɔ́: "Náana gɔ́ɔ o ná gálagalamɔ́ baaná bá Ɛ́sɛlahɛ́ɛlɛ: 'No ɛ́ ɛ́ná goŋaá ŋgaá nyó gálágáláa yɔmɔ́ɔ pá́ábɔ́ naá mmɛná.
22
Kanɛ Mesúge go oyana Mósɛsɛ a amɔ́: "Náana gɔ́ɔ o ná gálagalamɔ́ baaná bá Ɛ́sɛlahɛ́ɛlɛ: 'No ɛ́ ɛ́ná goŋaá ŋgaá nyó gálágáláa yɔmɔ́ɔ pá́ábɔ́ naá mmɛná.
23
No do hóámá no do dúné baasaŋa na gɛkɔŋɔ gá muinyí ɛ́na baasaŋa na góolo, go go nnebiginye nabɔ́; no do ná boso go ŋa boóma bá nɔ́ɔnɔ go buisí.
24
O ná mbúluginye gɛdálɛ́ná na cánɔ́, naá mmoɛná ya gɛ́ o lɛ go fáanana kɔ́ɔ bɛfoafoa báhɔ bá nnyama go bɛbáágá, gɔnɔ́ tɔ́nɔ na bɛbáágá báhɔ bá mbéhiigí, bɛdómbáa na gúlúge. Hoóma hiimée háaha ka ŋguú uncúgínyée ufíno yámɛ, nnú úle anáa o lɔ́mɔ́, kɔnɔ go fona.
24
O ná mbúluginye gɛdálɛ́ná na cánɔ́, naá mmoɛná ya gɛ́ o lɛ go fáanana kɔ́ɔ bɛfoafoa báhɔ bá nnyama go bɛbáágá, gɔnɔ́ tɔ́nɔ na bɛbáágá báhɔ bá mbéhiigí, bɛdómbáa na gúlúge. Hoóma hiimée háaha ka ŋguú uncúgínyée ufíno yámɛ, nnú úle anáa o lɔ́mɔ́, kɔnɔ go fona.
25
Kanɛ́ go amɔ́ búlugie gɛdálɛ́ná gá adánɛ́ go busío bámɛ, o do hóámá o do yá cɛ́cáa; goakɛ́ gɔ́ɔgɔ o ná cɛ́camɔ́ adánɛ́ na bɛcɛ́ca báhɔ, o ná yá (dómbɛna)ága biílo.
26
O do hóámá o do bólɛ́gá naá yɔmɔ́ gɛdálɛ́ná naá ŋŋondá, goŋaá o do dúfíe nnú gɔdɔɔ́ yahɔ.