ngala-francis-yas_exo_text

Gɛgɛgɛda 14

¹ Kanɛ Mesúge go gálagala Mósɛsɛ, go mo oyana a amɔ́: ² Oyána baaná bá Ɛ́sɛlahɛ́ɛlɛ, ŋgá bá fíidie nnyimé, bá dága undukí naá busío bá Pí-Helilóte, naá kadɛ́gadɛ́ yɛ́ɛyɛ na Migidólo na máŋɛ́, cɛŋɛ na Baalɛ-Cɛ́fɔnɛ; Bó lɔ́mɔ́ cɛŋɛ na hoóma hɔ́ɔhɔ, gɔ́ɔ no ŋgaá dágá undukí hɔ́ɔ, mekúígíi na boayá bá maŋɛ́. ³ Falaɔ́ŋɔ a ná gálɛda go baana bá Ɛ́sɛlahɛ́ɛlɛ a amɔ́: "Bá á naná naá gɛdɔŋɔ, giolóo gɛ báa go bó buigene." ⁴ Yɔmɔ́ɔ nná lelie odɛ́má yá Falaɔ́ŋɔ, a lɛ go oba go bó bienene; kanɛ́ Falaɔ́ŋɔ na gitúu gɛ́hɛ́ gá benuí bidé bá ŋga ŋaáa goŋaá nigúmi námɛ nɛ́ dambɛmɛda, kɔ́ɔ batɔ gá Egíbítene bá ní íyimemú bá amɔ́ ndɛ́ Kanɛ Mesúge." Gɔ́ɔ baaná bá Ɛ́sɛlahɛ́ɛlɛ bá ŋamɔ́ nɔ́ɔnɔ. ⁴ Yɔmɔ́ɔ nná lelie odɛ́má yá Falaɔ́ŋɔ, a lɛ go oba go bó bienene; kanɛ́ Falaɔ́ŋɔ na gitúu gɛ́hɛ́ gá benuí bidé bá ŋga ŋaáa goŋaá nigúmi námɛ nɛ́ dambɛmɛda, kɔ́ɔ batɔ gá Egíbítene bá ní íyimemú bá amɔ́ ndɛ́ Kanɛ Mesúge." Gɔ́ɔ baaná bá Ɛ́sɛlahɛ́ɛlɛ bá ŋamɔ́ nɔ́ɔnɔ. ⁵ Kɔ́ɔ bá ncomɔ́ dóoginyo ufuŋe yá Egíbítene goŋaá boɛ́nɔ bó mba ságɛ́ná. Odɛ́má yá Falaɔ́ŋɔ na yɔ́ɔyɔ yá boyogóní bɛ́hɛ́ go núgenye naá boayá bá boɛ́nɔ. Gáábɔ́ go oyɛda bá amɔ́: "Ɛkádɛ́ gɛ́gɛ́ɛ dɛ á ná ŋaáa o, dɛ báá dɛ́ɛ́ná Ɛ́sɛlahɛ́ɛlɛ a dómba, dɛ dɛ ná gɔnɔ bɛa boyogóni gɔ́gɔ́ɔ o?" ⁶ Kanɛ́ Falaɔ́ŋɔ go yala naá nnyádɛ yɛhɛ́, a báá batɔ bá gɛdɔŋɔ gɛ́hɛ́. ⁶ Kanɛ́ Falaɔ́ŋɔ go yala naá nnyádɛ yɛhɛ́, a báá batɔ bá gɛdɔŋɔ gɛ́hɛ́. ⁷ A báá gɔ́lɔ́ bɛgaaga bá bɛkáládá bá bidé mantɛdɛ mátáanɔ na búmmue, tɔ́nɔ na bɛkáládá bá bidée biimée bɛ́ɛbɛ naá Egíbítene; gɛkáládá giimée na benuí bidé. ⁸ Kanɛ Mesúge go lelie odɛ́má yá Falaɔ́ŋɔ, ufuŋe yá Egíbítene, gɛ́hɛ́ go oba go bienene baaná bá Ɛ́sɛlahɛ́ɛlɛ. Baaná bá Ɛ́sɛlahɛ́ɛlɛ bá mba húmé ombɔ́gɔ go mmoɛná. ⁹ Batɔ bá Egíbítene go ɛ́da go bó gúnene; nnyádɛ iŋkimée, bɛkáládá bá Falaɔ́ŋɔ, benuí bidé bɛ́hɛ́ bá nnyádɛ, na gitúu gá bidé gɛ́hɛ́, go ɛ́da bó huenye mekúígíi na máŋɛ́, gɛayá gá Pí-Helilóte, cɛŋɛ na Baalɛ-Cɛ́fɔnɛ. ¹⁰ Falaɔ́ŋɔ a báyɛkana. Baaná bá Ɛ́sɛlahɛ́ɛlɛ go fediginye oŋgíso, gáábɔ́ go ɛ́na batɔ bá Egíbítene naá olɔŋɔ bá bó bienene naá nnyimé yabɔ́. Gɛantá gá bofoá go gumbene baaná bá Ɛ́sɛlahɛ́ɛlɛ, bá ná go ágana kókóo naá Kanɛ Mesúge. ¹⁰ Falaɔ́ŋɔ a báyɛkana. Baaná bá Ɛ́sɛlahɛ́ɛlɛ go fediginye oŋgíso, gáábɔ́ go ɛ́na batɔ bá Egíbítene naá olɔŋɔ bá bó bienene naá nnyimé yabɔ́. Gɛantá gá bofoá go gumbene baaná bá Ɛ́sɛlahɛ́ɛlɛ, bá ná lɛ́ go ágana kókóo naá Kanɛ Mesúge. ¹¹ Gáábɔ́go oyana Mósɛsɛ bá amɔ́: "Bɛbɛ́lá bɛ́ mbáa lɛ naá Egíbítene, bó húme goŋaá go úle nɛcɔ́ dɛ nco gúenene naá giolóo? Ɛkádɛ́ o lɔ́mɔ́ có ŋaáalú o báá có húmíe naa Egíbítene o? ¹² Ábɔ dɛ dɛ mbáa lɛ dɛ go oyanɛna dɛ gá lɛ́ naá Egíbítene dɛ amɔ́: 'Có dɛ́ɛ́náamɔ́ dɛ bɔ́yɔgɔnɛnɔ batɔ bá Egíbítene, goakɛ́ dɛ maamana bese go bɔ́yɔgɔnɛnɔ batɔ bá Egíbítene, bó dómba go nco gúenene naá giolóo!" ¹³ Mósɛsɛ go gundie boɛ́nɔ: "No do dííné boóma, lɔbɛ́nɔ nɔnɔ undukí yúmmue, no gɛɛ́ ɛ́ná gisódio gɛ́nyɔ́ gɛ́ɛgɛ Kanɛ Mesúge a lɔ́m^ na gɛ́ ínoni; goakɛ́, batɔ bá Egíbítene báaba no núune ínoni yɛ́ɛyɛ, no do ná gɔnɔ bó ɛ́na akɛ́ go buisí. ¹³ Mósɛsɛ go gundie boɛ́nɔ: "No do dííné boóma, lɔbɛ́nɔ nɔnɔ undukí yúmmue, no gɛɛ́ ɛ́ná gisódio gɛ́nyɔ́ gɛ́ɛgɛ Kanɛ Mesúge a lɔ́mɔ́ na gɛ́ ínoni; goakɛ́, batɔ bá Egíbítene báaba no núune ínoni yɛ́ɛyɛ, no do ná gɔnɔ bó ɛ́na akɛ́ go buisí. ¹⁴ Kanɛ Mesúge a gaá noanánáa gɛ́nyɔ́, gumbéne nɔnɔ dogálɔ." ¹⁵ Kanɛ Mesúge go oyana Mósɛsɛ a amɔ́: "Kókóo sɛ́ɛsɛ sɛ́ lɔ́mɔ́ sákɛ́? Gálágáláa baaná bá Ɛ́sɛlahɛ́ɛlɛ, ŋgá bɛ́ ɛnda." ¹⁵ Kanɛ Mesúge go oyana Mósɛsɛ a amɔ́: "Kókóo sɛ́ɛsɛ sɛ́ lɔ́mɔ́ sákɛ́? Gálágáláa baaná bá Ɛ́sɛlahɛ́ɛlɛ, ŋgá bɛ́ ɛnda. ¹⁶ Maamɔ́ɔ, fedígínyée gidímbo gáhɔ, o dóŋio ombɔ́gɔ yáhɔ naá máŋɛ́, o má sala; baaná bá Ɛ́salahɛ́ɛlɛ bí íŋene naá tɛ́mádɛ́má ya máŋɛ́ kótáŋɛ́. ¹⁷ Manɛ́ yɔmɔ́ɔ ka ná lelíe odɛ́má ya batɔ bá Egíbitene, goŋaá bɔ́ɔ tɔ́nɔ bí íŋene naá máŋɛ́ naá nnyimé yabɔ́: manɛ́ Falaɔ́ŋɔ na gitúu gɛ́hɛ́ gá benuí bidé giimée; bɛkáládá bɛ́hɛ́ na benuí bid́e bá nnyádɛ bá gaá ná dambɛ́gá nigúmi námɛ. ¹⁸ Kɔ́ɔ Batɔ bá Egíbítene bá gaá ní íyímé bá amɔ́ ndɛ́ Kanɛ Mesúge, aŋa Falaɔ́ŋɔ, bɛkáládá bɛ́hɛ́, na benuí bidé bɛ́hɛ́ bá nnyádɛ, bá gaá ná dambɛ́gá nigúmi námɛ. ¹⁹ Ɛ́ngɛlɛsɛ ba Asaŋa mɔ́ɔnyɔ a mbaá ɛ ɛnda naá busío bá baaná bá Ɛ́sɛlahɛ́ɛlɛ, go úlukie naá busío a báá ncó go úle naá nnyimé yabɔ́; tɔ́nɔ olɔŋɔ yá nogálámbá yɔ́ɔyɔ yó mbaá lɛ yó dóanana naá busío, go no gunde naá nnyimé yabɔ́. ¹⁹ Ɛ́ngɛlɛsɛ ba Asaŋa mɔ́ɔnyɔ a mbaá ɛ ɛnda naá busío bá baaná bá Ɛ́sɛlahɛ́ɛlɛ, go úlukie naá busío a báá ncó go úle naá nnyimé yabɔ́; tɔ́nɔ olɔŋɔ yá nogálámbá yɔ́ɔyɔ yó mbaá lɛ yó dóanana naá busío, go no gunde naá nnyimé yabɔ́. ²⁰ Yó báá gó bábambɛga naá kadɛ́gadɛ́ yɛ́ɛyɛ na baaná bá Ɛ́sɛlahɛ́ɛlɛ na baaná bá Egíbítene. Nogálámba nɔ́ɔnɔ nó mba lɛ́ mbíno boayá búmmue, giseé boayá bɔ́ɔbɔ búncodío, no seemenye budúgú buimée. ²¹ Mósɛsɛ go sancona ombɔ́gɔ yɛ́hɛ́ naá máŋɛ́. Asaŋa go gundinye miimpo má máŋɛ́ na ufufu yá mbálɛ́ná buisí, yɔ́ɔyɔ yó báá fufée na bogaaga budúgú buimée;bileŋi bɛ́andɛ yó báá ségíe máŋɛ́; yó báá gundíe máŋɛ́ kótáŋɛ́, miimpo go salɛga go bileŋi bɛ́andɛ́. ²¹ Mósɛsɛ go sancona ombɔ́gɔ yɛ́hɛ́ naá máŋɛ́. Asaŋa go gundinye miimpo má máŋɛ́ na ufufu yá mbálɛ́ná buisí, yɔ́ɔyɔ yó báá fufée na bogaaga budúgú buimée;bileŋi bɛ́andɛ yó báá ségíe máŋɛ́; yó báá gundíe máŋɛ́ kótáŋɛ́, miimpo go salɛga go bileŋi bɛ́andɛ́. ²² Baaná bá Ɛ́sɛlahɛ́ɛlɛ go íŋene naá tɛ́mádɛ́má ya máŋɛ́ kótáŋɛ́, miimpo má báa go ága kíé aŋa bɛcába, naá ombɔ́gɔ onɔ́mɛ aŋa naá ombɔ́gɔ odádɛ́. ²³ Batɔ bá Egíbítene go ɛ́da go bó bienene; kɔ́ɔ nnyádɛ iŋkimée sá Falaɔ́ŋɔ; bɛkáládá bɛ́hɛ́ na benuí bidé báaba naá nnyádɛ, go bɔ́yɔdɛgɛnɔ naá tɛ́mádɛ́má ya máŋɛ́ naá nnyimé yabɔ́. ²³ Batɔ bá Egíbítene go ɛ́da go bó bienene; kɔ́ɔ nnyádɛ iŋkimée sá Falaɔ́ŋɔ; bɛkáládá bɛ́hɛ́ na benuí bidé báaba naá nnyádɛ, go bɔ́yɔdɛgɛnɔ naá tɛ́mádɛ́má ya máŋɛ́ naá nnyimé yabɔ́. ²⁴ Naá go ɛ́da bélie na gɛyɛ́nɛ́, Kanɛ Mesúge, mɔ́ɔ naá olɔŋɔ yá íyuke na yá nogálámbá, go núunide bálɛ́gá ya batɔ bá Egíbítene, gɔ́ɔ a beŋgelidiemú bálɛ́gá ya batɔ bá Egíbítene. ²⁵ Kanɛ Mesúge go dóbona bɛgɔ́ndɔ́ bá bɛkáládá bábɔ́, go ɛnda gá bɛ́ gó báá bɛ́mbá ndɔlɛ. Batɔ bá Egíbítene go oyɛda kanɛ́ bá amɔ́: "Ŋgáa dɛ no díine batɔ batɔ bá Ɛ́sɛlahɛ́ɛlɛ, goakɛ́ Kanɛ Mesúge a noanana na batɔ bá Egíbítene gábɔ́." ²⁶ Kanɛ Mesúge go oyana Mósɛsɛ a amɔ́: "Sancóna ombɔ́gɔ yáhɔ naá máŋɛ́; manɛ́ miimpo má ncomɔ́ gundine batɔ bá Egíbítene, naá bɛkáládá bábɔ́ na naá benuí bidé bábɔ́ bá nnyádɛ." ²⁶ Kanɛ Mesúge go oyana Mósɛsɛ a amɔ́: "Sancóna ombɔ́gɔ yáhɔ naá máŋɛ́; manɛ́ miimpo má ncomɔ́ gundine batɔ bá Egíbítene, naá bɛkáládá bábɔ́ na naá benuí bidé bábɔ́ bá nnyádɛ." ²⁷ Mósɛsɛ go sancona ombɔ́gɔ yɛ́hɛ́ naá máŋɛ́. Na gɛyɛ́nɛ́ háalá, máŋɛ́ go gɔnɔ bayɛga go bɛlɛmɛncana, batɔ bá Egíbítene go díine aŋa bá mbaá má ɛ́ná mó úlene; kanɛ́ Kanɛ Mesúge go kúbe batɔ bá Egíbítene naá tɛ́mádɛ́má ya máŋɛ́. ²⁸ Miimpo go nco gundene, go mɛna bɛkáládá, benuí bidé báaba naá nnyádɛ na gitúu giimée gá bidé gá Falaɔ́ŋɔ, biimée báaba bá mbií íŋéné naá máŋɛ́ naá nnyimé ya baaná bá Ɛ́sɛlahɛ́ɛlɛ, akɛ́ ummue táŋɛ́ ba go pamba a lɛ́ kanɛ go bɛ́ɛmba hɔ́ɔ. ²⁹ Kanɛ́ baaná bá Ɛ́sɛlahɛ́ɛlɛ bɔ́ɔ bá bɛ́ɛ́ ɛndáa naá máŋɛ́ kótáŋɛ́, miimpo má báá ágánáa aŋa bɛcába bá omɛndɛ́, boayá bá ombɔ́gɔ onɔ́mɛ yábɔ́ na yá odádɛ́. ²⁹ Kanɛ́ baaná bá Ɛ́sɛlahɛ́ɛlɛ bɔ́ɔ bá bɛ́ɛ́ ɛndáa naá máŋɛ́ kótáŋɛ́, miimpo má báá ágánáa aŋa bɛcába bá omɛndɛ́, boayá bá ombɔ́gɔ onɔ́mɛ yábɔ́ na yá odádɛ́. ³⁰ Naá buisí moánɛ bɔ́ɔbɔ, Kanɛ Mesúge go dúgune Ɛ́sɛlahɛ́ɛlɛ go magálá má Egíbitene; gɔnɔ́ Ɛ́sɛlahɛ́ɛlɛ go ɛ́na naá cɔ́lɔ ya máŋɛ́ batɔ bá Egíbítene báaba bá mbaá gúénénée. ³¹ Ɛ́sɛlahɛ́ɛlɛ go ɛ́na ombɔ́gɔ yá bogaaga yɔ́ɔyɔ Kanɛ Mesúge a mbaá bócócóo batɔ bá əgíbítene na yɔ́. Kɔ́ɔ boɛ́nɔ bó hálamanamɔ́ Kanɛ Mesúge, bá báá gundé bá bóó olímínyóo Kanɛ Mesúge, na uyogóní bɛhɛ́ Mósɛsɛ tɔ́nɔ.