¹ Nomba sweswe wano tuli na maka tufwile tunyamule uwutonthe wa watonthe, swinya tufwile tutakayisechelezye swenga. ² Lekani aliwensi mwakwe sweswe asechelezye umupalamani wakwe pa chino achizima, umwakuti amuzenge. ³ Amuno ne Kristu nye atayisechelezyanga umwenecho wenga. Mumalo mwakwe, chalinji ndivino chawalisilwe, ''Inthusi zya wawo wano watukanga mwemwe zyaponela pakwe nene.'' ⁴ Amuno chonsi chino chawalisilwe pansizi chawalisilwe ukutusambilizya umwakuti ukupitila mu kutepwa nu kupitila mu kuwomelezya kwa mawaliko tungize tuwe nu kuchetekela. ⁵ Nomba e Leza wa wutepwa swinya nu kuwomya awape mwemwe ukuti muwe na melenganio yaliyonga wenga nu muwuye ukuyana nakwe Kristu Yesu. ⁶ Awombe choo umwakuti na melenganio yonga mungatumvya nu mulomo wonga e Leza nu Tata wakwe Mfumu Yecv su Kristu. ⁷ Achaleka mupochelelane wenga nu muwuye, ndivino Kristu nawenye wapochelela mwemwe, ku kukutumvya kwakwe Leza. ⁸ Amuno nkhunena ukuti Kristu wawa we muzya wa kuputulwa mu malo mwa chisinkha chakwe Leza, umwakuti ya simichilwe amalayizyo yapelwa kwa wa tata, ⁹ swinya ukuti amakandi yachindamike Leza pa wila wakwe. Ndivino chawalikwa, ''Achaleka ndikupa ukutumvya mu makandi nu kwimba ukutumvya kwi zina lyako.'' ¹⁰ Swinya likuti, ''Muwe ni chimwemwe, mwe makandi, na wanthu wakwe.'' ¹¹ Na swinya, ''Tumvyani Imfumu, mwe makandi mwensi; lekani awanthu wonsi watumvye weliwe.'' ¹² Swinya, Yeseya akuti, ''Ikwatwa lyakwe Yese liliyiza, weyo wenga wino akukatuka ukulamulila pa makandi; mwakwe weliwe amakandi yaliwa nu kuchetekela.'' ¹³ Nomba e Leza wa chetekelo ayizuzye mwemwe ni chimwemwe chonsi nu mutende mwi suwilo, alyakuti mu maka ya Muzimu Mutele muliwa ni chetekelo. ¹⁴ Nene nemwenecho nanenye nasimichila ivyakwe wewe, wanawitu. Nenji nkhusimichila ukuti namwenye mwewenecho mwizula nu wuzima, mwizwile nu kumanya konsi. Nene nasimichila kuno namwenye mungawomyana wenga nu muwuye. ¹⁵ Ukuwa nkhuwawalichila nu kusinga ukukulu kwe mwemwe ivya vimwi ivinthu umwakuti imbizusye mwemwe swinya, umulandu wa nkhumbu zipilwe kwe nene nu Leza. ¹⁶ Ichawila choo chalinji achakuti imbe ne muwomvi wakwe Kristu Yesu natumilwe ku makandi, ukuti imphe ngati ne simapepo ilandwe lyakwe Leza, alyakuti ichawupi cha makandi chingazumilizwa, wapatulwa nu Muzimu Mutele. ¹⁷ Mwakwe Kristu Yesu ndi ni chifukwa ukuti injikwezye ku milimo yane muno Leza. ¹⁸ Amuno nthalitela mvwange icha chilichonsi ukufumavye chino Kristu wakwanilisya ukupitila mwakwe nene mu kwivwila kwakwe makandi. Vyoo avili vinthu vikuwombwa mu mazwi ni milimo, ¹⁹ mu maka ya vimanyilo ni vizungusyo, na mu maka ya Muzimu Mwimichile. Choo chalinji alyakuti ukufuma mu Yerusalemu, swinya ukuliwilila ukufika mu Ilirikumu, ningawizya ukufikapo ilandwe zima lyakwe Kristu. ²⁰ Mu nzila yoo, ukukumbwa kwane kwalinji ukuwizya ilandwe zima, ukuwa asa kuno Yesu wamanyikwa ni zina, umwakuti nthakazenge pa lufula lwakwe winji. ²¹ Chili ndivino chawalikwa: ''Wawo kwe wano watanenwa ivya kwe weliwe walimulola, swinya wawo wano wativwile wali yivwichisya.'' ²² Achaleka nanenye wandesizye imphindi mvule ukuti nthakize kwe mwemwe. ²³ Ukuwa nomba, nsi nanthi amasyo mu viputulwa vyoo, swinya nalondanga mu myaka iyivule ukuti nize kwe mwemwe. ²⁴ Nkhuchetekela ukuti imbalole pano ndipita ukupitila koko pakuya ku Sipeni, swinya ukuti munjavwilizye pa wulendo wane koko, lyo nawa ni chimwemwe pakuwa namwe pa kamphindi. ²⁵ Ukuwa nomba nkhuya ku Yerusalemu, ukuleta uwutuli ku wanthu watele wakwe Leza. ²⁶ Amuno kwalinji akuzima awa Makedoniya nu Achayiya ukuti wapange umusangulo wumwi ku wasaluke mu wanthu awatele wano wali mu Yerusalemu. ²⁷ Molimo, walinji a wuzima wawo, swinya chalinji wowonye umulandu wakwe woliwo. Amuno ndi amakandi yankhine mu vinthu vyawo vya wuzimu, muno awa Yuda ukuti wapyunjile woliwo ni vinthu vyawo ivya kuloleka. ²⁸ Achaleka, pano namala umulimo woo swinya nalolechesya ukuti wapochelele vyonsi vino napochezile, ndiya ku Sipeni swinya ndiwalola pa kupita. ²⁹ Imanyile kuno pano niza kwe mwemwe ndiyiza ni chizuzye cha chilotwa chakwe Kristu. ³⁰ Lelo nkhuwakomelezya, wanawitu, mwakwe Mfumu Yesu Kristu, swinya lukundo lwa Muzimu, ukuti mulwe ponga na nene mu mapepo yinu kwakwe Leza muno nene. ³¹ Mupepe ukuti mphokwe ukufuma ku wawo wano wanthivwila mu Yudeya, nu kuti umulimo wane kwe Yerusalemu wungazumilizwa ku wanthu wakwe Leza awatele. ³² Mupepe ukuti ningiza kwe mwemwe mu chimwemwe ukupitila mu kulonda kwakwe Leza, swinya ukuti ninga, apaliponga na mwemwe, zana ukupuza. ³³ U mutende wakwe Leza wuwe namwe mwensi. Ameni.