¹ Kwatezile kwasyala amanda yawili ukuti kuwe ichakulya chakupitililwa iche mukate wino asi numutawa. Wasimapepo wakulu na wakawalika welenganianga muno wangamulemela Yesu mukwiwa nukumukoma. ² Awati, '' Tutize tuchite choo pamphindi ya chakulya ilyakuti patakawe imphokoto pakasi pa wanthu.'' ³ Pano Yesu walinji mu Betaniya walinji mu ng'anda ye Simoni wa mambombo, pano ayinama pi beche ilykulyela, a mayo ayiza ninsupa ya musanzi yinuntchile. Afwantha insupa nukupungulila amafuta manuntchile pamutwe wakwe. ⁴ Kweni kwalinji wamwi wino wizile awafulwa. Awalanda ati, ''Amulanduchi uwakononela choo? ⁵ Umusanzi wununtchile wanga wakazye indalama ukulusya imyanda yitatu, nukuwapa awalanda.'' Wamukalipila. ⁶ Kweni Yesu awanena ati, '' Musyani wenga. ngamuno chani chino mukumuchuzya? Wachita ichinthu ichizima kwe nene. ⁷ Mukawa nawalanda imphindi yonsi, mukasi mungachita ivizima kwe woliwo kweni mutaliwa na nene imphindi zyonsi. ⁸ Wachita chino akasi wapakazya umuwili wane ukuzikwa. ⁹ Muchisinkha nkhuwanena nkhuti konsi kuno ilandwe zima lililumbililwa munsi yonsi, chino enamyo wee wachita chililandwa nukumwizuka.'' ¹⁰ Apano e Yudasi Kaliyoti wenga mwikumi nawawili, waya kuwasimapepo wakulu uwakuti awatwalwe kwe woliwo. ¹¹ Pano e simapepo esongo wivwa hoo, wizile sechela awalayilizya ukumupa indalama. Atalika ukuvwambilizya ulongo ulwakumutwalila kwe woliwo. ¹² Po uwanda wakutalika wachakulya chino chisi nu mutawa, pawanda wuno awanang'onzi wachakulya chakupitililwa wakomile. Awasambilizi wati kwe weliwe, '' Ukulonda tuye kwinye ukusengania umwakuti ungalya ichakulya ichakupitililwa. ¹³ Atuma awasmbilizi wakwe ati kwe woliwo, '' Yanji mukaya mwandi musunkhanye umunthu wino anyamuzile aminzi munsembo, mukonkhani. ¹⁴ Pano akwinjila mung'anda, mukonkhani mwenemo swinya mumunene umwenecho uwang'anda, ' Umusambilizi akuti, '' Ing'anda yane yawalendo yilikwi muno nandi ndile ichakulya ichakupitililwa nawa sambilili?'' ¹⁵ Aliwalanjizya ing'anda inkhulu iyakusengania kali iya papela. Mutusenganizye sweswe kokoo.'' ¹⁶ Awasambilizi awafumapo waya mukaya. Wazanile ivinthu vyonsi muno wawalanjizye, swinya awpekania ichakulya ichakupitililwa. ¹⁷ Kumphindi yakumanguzi ayiza nawo ikumi lyonga nawawili. ¹⁸ Pano wisile pakulya, Yesu ati, '' Nkhuvwanga kwa kwe mwemwe, wumwi wenga mwakwe mwemwe wino tukulya nawe alinkhutilila.'' ¹⁹ Awaluwaluwa wenga na wenga awatalika ukumuwuzya awati, '' Chisinkha asanene?'' ²⁰ Yesu awatolelela ati kwe woliwo, ''Wumwi uwa kwe mwemwe uwikumi na wawili, wino akusofya nani itozi mulweso. ²¹ Umwana Wamunthu ndi apite ndivino chawalikwa kweweliwe akalanda kumunthu wino andi akutilile Umwana Munthu! Changa chizipe ndi umunthu weyo atangandi akwatwe.'' ²² Po walyanga, Yesu asenda ichkulya apepa asalifya, swinya amonthola. Apa awasambilili wakwe ati, '' Mulye. Woo umuwili wane.'' ²³ Asenda ulupindi asalifya swinya awapa swinya awamwela mwenemo. ²⁴ Anena kwakwe woliwo, '' Woo awazi wane uwilayano, uwazi wino wazwila awnthu awavule. ²⁵ Nakawuzyenye nkhuwanena mwemwe, Nthalitela swinya ing'we vyoo swinya ivikomwa vyamutawa mphaka uwanda woo wuno nding'wa uwupya mu Wufumu wa kwe Leza.'' ²⁶ Pano wimbila ulwimbo, awapita kunzi kumwamba wa Olivi. ²⁷ Yesu anena kwe woliwo, '' Mwensinye mwemwe mulipona, amo lyalembwa, ' ndikoma umuchemi swinya ning'onzi zilisamphanika.' ²⁸ Kweni ndi nazyulupukwa ndiwakolela ukuya ku Galileya.'' ²⁹ Petulo amunena ati, '' Napano wonsinye wangapona, nenji pole.'' ³⁰ Yesu awanena ati, '' Nakauzyenye nkhunena ne wewe, ilelo¬ee, uwusiku wilelonye¬pano mukolwe atani alile kawili wandi unkhane nene katatu ,'' ³¹ Kweni Petulo anena ati, '' Nanthi kufwa nawewe, inthalitela inkhukane. '' Wonsinye awavwanga chilichonga. ³² Awiza kumasyo aya Getisemani, swinya Yesu awanena awasambilizi wa wakwe, ''Ikalani paa pano nkhupepa.'' ³³ Asenda Petulo na Yakobi na Yohani apita nawo swinya watalika ukutamika swinya nukuyimba nkhaninye. ³⁴ Awanena ati, '' Umuzimu wana awuchulika nkhaninye ukwiza ukufika nakumfwa. Ikalani paa namuwalola. ³⁵ Apita katichi pankholelo, Yesu apona pansi swinya apepa nga chingazumilizwa imphindi yoo yimupitilile. ³⁶ Alanda ati, '' Aba, Tata, vyonsinye vingachitwa nawewe. Syembusya ulupindi loo kwenene. Kweni asakulonda kwane, suka mwemwe.'' ³⁷ Anyoka azana walazile, amunena Petulo, '' Simoni ulazile? Mutanga muwe minso ni ola lyonga?'' ³⁸ Pepanji nukulola ilyakuti mwize mupone mukwelezwa. Umuzimu nakuzyenye wukulonda, kweni umuwili wusi namaka.'' ³⁹ Swinyanye apita apepa, swinya awomvya amazwi yalyanye. ^{40 41 42} Pano wiza swinya, azana walazile, amo aminso yawo yang'wamile. Awasowa ivyakumunena. Ayiza ilya chitatu nukuwanena ati, '' Muchili nanomba mulazile swinya mukupuza? Amphela! Imphindi yafika. Lolani! Umwana wa Munthu wamulonjelela mumakasa yawawembu. Nyamukan.i; Tuyani tupite. muno wino akundonjelela nene ali papipi.'' ⁴³ Pano achili akulanda, e Yuda wumwi mwawawo ikumi na wawili, afika swinya iwumba ilikuli lyalinji nawe, nawapanga ni ndugu, ukufuma kuwa simapepo awasongo nawa kawalika, nawasongo wachiwanza. ⁴⁴ Nomba kalonjelela wakwe wizile lanjizya ichilanjililo, anena, '' Wino nkhumufyofyontha awili munthu. Mulemani swinya musendani nawavita. ⁴⁵ Pano Yudasi wafika, paponapapo afika kwe Yesu ati, '' Rabi,'' Amufyofyonyontha. ⁴⁶ Apo awamulema, nukumunyepa. ⁴⁷ Kweni wenga wino wimilizile wasenda e panga nuku mupupa nuku muputula umuwomvi wawa simapepo awasongo ikutwi. ⁴⁸ Yesu awanena ati, '' Mukwiza kwenene nge achipondo, namapanga, nindugu pakundema nene?'' ⁴⁹ Pano nalinji namwe amanda yonsi swinya nukusambilizya mung'anda yakwe Leza, mutandemanga. Choo chachitisilwe ukuti amawaliko yafichiliswe.'' ⁵⁰ Wonsi wano walinji ne Yesu awamusya nukumusamala. ⁵¹ Umonsi wino wazwite umwenda ukumuliwilizya wakonkhanga e Yesu. Pano awanthu wamulema ⁵² walesile umwenda wasamala ichitali. ⁵³ Awamyusenda Yesu kuwa simapepo wasongo. Awamuwunganila wonsi wasimapepo wasongo, awasongo wachiwanza nawamanya masundo. ⁵⁴ Apano Petulo amukonkha patali, ukufuma kwipembo lya wasimapepo wasongo. Ayikala pakasi pawa vita wano wotanga umulilo. ⁵⁵ Nomba wasimapepo wasonga nawonsi wasongo wasongo wipembo lyawa Yuda wavwambilizyanga uwumboni uwakususyania na Yesu umwakuti wamukome, kweni watauzanile. ⁵⁶ Pakuti awavule wizile nuwumboni uwawufi peweliwe, nuwumboni wawonye wutalemelananga. ⁵⁷ Wamwi wizile nuwumboni uwawufi pe weliwe ati, ⁵⁸ ''Twivwile alanda ati, 'Ndiyonona ing'anda yakwe Leza namakasa yane mumanda yatatu ndizenga yinji ukwaula ukuzenga namakasa.''' ⁵⁹ Naponye uwumboni wawo wutayanine. ⁶⁰ Awasimapepo awasongo awayimilila awamukolowozya e Yesu, ''Utakwasuka?'' Achani chino awanthu waa wakulandana pe wewe?'' ⁶¹ Kweni amyalala swinya nokwasuka? Swinya wasimapepo awasongo wamukolowozya awati, '' Awewe Kiristu Umwana wa Mulotwe?'' ⁶² Yesu wati, '' Anene; swinya mulilola Umwana wa Munthu yisile pachilimba nukwiza pamawingo yakupela.'' ⁶³ E simapepo esongo alepula ichizwalo ati, '' Tukuvwamba swinya uwumboni wunji?'' ⁶⁴ Mwayivwila amasiku, Amelenganio yinu yakuti chani? Wonsinye wizile wamusya ukuti afwange. ⁶⁵ Wamwi wizile watalika ukumuswilila amati nukumukupikila kuminso swinya nukumuyempha swinya nukulanda peweliwe ati, '' Lota! Awasongo wizile musenda nukumuma. ⁶⁶ Peturo wachilinji ali pa musolo pano umuwomvi wakwe simapepo mukuluumukazyana apolamila kweweliwe. ⁶⁷ Walile walola e Peturo akota uulilo, amulolechesya nkhaninye ati, '' Nawewenye walinji nu Yesu waku Nazareti.'' ⁶⁸ Ukuwa akana ati nthamumanyile nanthi akwiluka nthilusile chino ukutaka, afumila kumulyango napaponye emukolwe ati nukulila. ^{69 70} Umukazyananye weyo amulola swinye atalika ukunena wano wimilile ati, ''wee awumwi wakwe woliwo!'' Swinyanye akana. Apala pazimba wano wimilile awasinila Peturo awati, '' Amwelimonye we wonga wa woliwo amulandu we mu Galileya nawenye.'' ⁷¹ Apano atalika nukuyitipilila swinya nu kulapa ati, '' Nthamumanyile umunthunye weyo wino mukutaka.'' ⁷² Paponapapo mukolwe ati nukulamula imphindi yachitiwili angapano Peturo ayizuka amazwi wano Yesu wamuwuzizye ukuti, '' Mukolwe atati alamule kawili lyo wankhana katatu.'' Apo watalika ukulila.