¹ Pano Yesu wakatuka ukufuma mung'anda yakwe, wamwi awasambilizi wakwe wati kwe Yesu,'' Lola amawe uwuzima ni ng'anda nzima sana!'' ² Awatolela ati,'' Walola ing'anda nkhulu? Patalisyala nanthi yimwi zyonsinye zilimongolwa.'' ³ Pano wiza wikala pamwamba we Olivi papipi ni ng'anda yakwe Leza, Petulo, Yakobe, Yohani ne Andreya awamuwuzichizya pambali, ⁴ '' Tunene, nkhe zyoo ziliwombwa linyi? Kuliloleka wuli pano viliwombwa? ⁵ yesu awatalika ukuwanena, '' Muwe aminso, patakawe nanthi wumwi wino awasovye. ⁶ Awavule waliyiza mwizina lyane nukuti, 'Anene,' swinya walisovya awavule. ⁷ Ndimwivwa impozela nivyakwivwa nivya kwivwa ivya wite mutakasakamale; viliwa wowonye, insilo yitandi yifike. ⁸ Insi ninsi vilisambuchilana, uwufumu nu wufumu uwuwuye. Kuliwa ivinzumanji mutwaya utuvule, ninzala. Koo akuli kutalika kwa uwulumila wa mphapo. ⁹ Muwachenjela. Waliwatwala pi pembo, waliwa wawuma munsaka. Muliyimila paminso ya nkhombe nawa mwene umulandu wakwe nene, fwe achiyanjililo ku weliwe. ¹⁰ Kweni ilandwe zima litalichila ukuwizya kunsi zyonsi. ¹¹ Ndi wawalema nukuwatwala, mutakasakamale vino muliwavwanga. Pakuti mumphindi yoyo, chino mulivwanga mulipwa; mutaliwa amwemwe wano wavwanga, kweni Umuzimu Utele. ¹² Awanyina walitwalana kumfwa, e baba nu mwana. Awana walipiluchila aw baba wawo nukulenga ukuti wakomwe. ¹³ Waliwapata umulandu wizina lyane. Kweni wensi wino wajimba mphaka pawumalilo alipusuka. ^{14 15 16} Ndimwiza mwalola ichmwiko chino chikatinya chili pana asapelipo, ''(wino wasambilila wandi wivwichisye) ''' Lekani wonsinye wawo wano wali mu Judeya wasamalile mu Myamba, lekani wano wali papela ipa ng'anda watakanyochele swinya pakusenda chino wiwilizile mwenemo, nawino ali muchalo atakanyochele swinya ukusenda ichakuvwimbana. ¹⁷ Kweni yiliwa nthazi kwa wano wali nuwula na wano wali nawana awatichi mu manda yeliwo. ¹⁸ Amwapepa yitakize yiwe mphindi iyakutalala. ¹⁹ Yaliwa amanda ayawipe sana, patatela pawe imphindi inchuzye ukutalichila pakutalika pano wapela insi, na nomba, swinya nakunkholelo chitalitela chiwombwe. ²⁰ Penga pano Leza wafupizya amanda, pataliwa nanthi wumwi alipusuka kweni umulandu wa wana wo wasola, amanda yalifupila. ²¹ Apo ndi wamwi wati, ' Lola, ali paa kiristu!' pamwi ' Lola weyo papo!' mutakasuwile. ²² Amuno awa kiristu awawufi nawatumwa awawufi waliloleka nukuleta uvilolesyo nivya kuzungusya ukuti wanga wepa wamwi, ndiachakuchitwa, nawano nasola. ²³ Chenjelani! Imbanenile mwensi vyoo kali. ²⁴ '' Kweni ndi ukutamika kwa manda yayo, ' Ilanzi lilifita, umwezi wulifita, ²⁵ inthanda zilipona ukufum mupela, namaka yano yali mwiyulu yaliyingana.' ²⁶ Apo walilola Umwana Wamunthu aliyayiza mumawingo namaka amavule nuwuchindami. ²⁷ Apo alituma awangelo wakwe ukufuma mu vikontchi ivine, ukufuma kuwumalilo wonsi na kuwumalilo wiyulu. ²⁸ Sambililani kuchisambilizyo icha mukuyu. ndiyalembuka, tukamanya ukuti imvula yilimupipi. ²⁹ Apo swinya, ndiwalola ivinthu vyo vikuchitika, muli manya ukuti ali mupipi, mupipi ni milyango. ³⁰ Nakuwuzyenye nkhuwanena, imphapo yoo yitalisila ukusita kulola vino vyoo ukuti vyachitika. ³¹ Iyulu ninsi vilisila kweni amazwi yane yatalitela yasile. ³² Kweni ivilanzi ni mphindi, pasi nanthi wumwi alimanya, nanthi awangelonye, kweni e Tata wakwe mphela. ³³ ''Chenjelani! Iyula aminso, umulandu mutamanyile ukuti amphindichi. ³⁴ Vilingati amunthu wino waya paulendo-- awasya ing'anda yakwe nukuwawika wawombantchito wakwe mwenemo, wensinye nichakuchitwa cha weliwe, awapatichisya malonda ukuti awe minso. ³⁵ Apano muwe minso umulandu mutamanyile uwanda wino umwweni ng'anda alinyochela ukwiza kung'anda; lumwi paliwa amanguzi, pakai pawusiku, pamwi kuwuche, pamwi umutondotondo. ³⁶ Ndiwiza zuwazuwa, atakize akuzane ulazile. ³⁷ Vino nkhuwanena, nawanjinye avyonye: Iyilani aminso!''