¹ Nga ukuwa mwemwe, mwafwile mu kuyipinzania kwinu na mumawembu. ² Kwalinji mapinzanio nye yaa ni mawembu yano mwatezile mwikala mwenemo ukulingana ni nzila zyansi yapansi yoo. Mwikalanga ukulingana nu wulamulilo wa nsambu zya mumphepo, umuzimu wuno wukuwomba mu wana wantayivwila. ³ Swensinye twatezile twikala mu wantu waa, ukufichilisya uwuwipe wa mwikalile ya mbembu zyitu, nu kunyamula ivya kulonda vya muwili na mumelenganio.Twalinji mumiwele awana wawukali, ndivino awantu wonsi. ⁴ Kweni Leza ayizwile nuwila umulandu wawukulu walukundo lwakwe luno watukunda sweswe. ⁵ pano twalinji swe wafwe mumawembuko, wapanzile sweswe ukuwa awawumi ponga ne Krisitu- twati tupusukwa muwila. ⁶ Leza wazyulupusizye sweswe ponga ne Kristu, nga Leza apanga sweswe ukwikala ponga mumasyo ya mwiyulu mwe Kristu Yesu, ⁷ alyakuti mumpindi yino yikwiza afwilu kulanjizya kwe sweswe uwila uwukulu wansawu izisita chipimo cha wila wakwe ichilandwe mu ichikuku kwakwe sweswe mwe Kristu Yesu. ⁸ Amuno mwapusukwa pa wila ukupitila mwi suwilo, swinya choo chitafumile kwe mwemwe, achawila che Leza, ⁹ asacha kufuma ku milimo, ukuti wumwi atafwilu kuyitutuwalika. ¹⁰ Amuno swe chipangwa chakwe Leza, ichilewulwe mwe Krisitu Yesu ukuti chiwombe imilimo iyizima yino Leza watanthisile kali pakwe sweswe, alyakuti twapita mwe yoliyo. ¹¹ Achaleka yizukanji kuno mwalinji mwe makandi mu muwili. Mukwitwa ''awanthaputulwa'' pechino chikwita e ''chiputulwa'' mumuwili uwupangwe namakasa ya wantu. ¹² Amuno pampindi yilyanye mwapawunkine ukufuma kwe Krisitu, wa mwizilila ku wantu wawa israeli, aweni ku kwivwana kyi layizyo, ukunthawa ni pechelo swinya uwusita Leza munsi yapansi. ¹³ Kweni kanonzi mwe Krisitu Yesu mwemwe wano mwatezile mwawa ukutali ne Leza twapalamikwa kupipi nu wazi we Kristu. ¹⁴ Amuno Yesu amutende witu. Wapanzile wawili ukuwa wenga. Mu muwili wakwe wononile uluwumba lwa wulwani luno lwapawunkinie sweswe. ¹⁵ Akulikuti, wamazizye isundo lyamapingulo ni mipisizye alyakuti alewule umuntu wonga umupya mwe weliwe wenga, ngapano apange apange umutende. ¹⁶ Kristu akuleta ponga swinya awantu wonsi mumuwili wonga kwe Leza ukupitila pa wuchingane, ukukoma uwulwani. ¹⁷ Yesu wizile nukuwizya u mutende kwe wano walinji swinya u mutende kwe wawo wano walinji mupipi. ¹⁸ Amuno ukupitila mwe Yesu swensi tungafika mu Muzimu wonga kwe Tata. ¹⁹ Apano, kanonzi mwemwe mwe makandi musi mwe weni swinya na wamwizilila. Nkhandi mwenji mwe wonga awikazi nawantu awatele awe Leza swinya awenecho wa ng' anda ye Leza. ²⁰ Mwati muzengwa pa lufula lwa wa positoli nawa kasesema, ne Kristu Yesu mwenecho awili liwe lya kulondeka nkhani. ²¹ Mwakwe weliwe ing'anda yonsi yikulemana ponga nu kukula vino i tempeli mu Mfumu. ²² Amwa kwe weliwe kuno namwenye mukuzengwa swinya ponga ndivino amasyo yakwikala penepo yakwe Leza mu Muzimu.