¹ Wakundwe, pano tuli na malayano yaa, zanji tuyiswefye twenga ku vyonsi vino vikutufisya mu muwili na mu mupasi witu. Zanji tulemansye uwutele mu kutina kwakwe Leza. ² Mutufunthuchile! Tutononezile kwe nathi wumwi. Tutachile nanthi wumwi pamwi ukuwipila nanthi wumwi. ³ Asa kuwapingula mwemwe chino navwanjila choo. Amuno imbanenile kali ukuti muli mu myenzo yitu, ukuti sweswe tufwe apaliponga na mwemwe swinya tuwe swe walanzi apaliponga. ⁴ Nene ndi ni suwilo ikulu mwakwe mwemwe, swinya nkhuyitemwa muno mwemwe. Nene nizula nu kutenganikwa. Nene nizula ni chimwemwe na mumachuzyo yitu yonsinye. ⁵ Pano twiza ku Masedoniya, imiwili yitu yalinji nanthi kupuza. Mu malo mwakwe, twachuzizwe munzila yonsi nu kupazinkhana kwa kunzi nu kutina kwa mukasi. ⁶ Ukuwa Leza, wino akatenganika awafoke, atutenganisile sweswe nu kufika kwe Tito. ⁷ Asa kufika kwakwe kwenga kuno Leza watutenganisile nako sweswe. Kweni swinya nu kutanganikwa kuno Tito apochezile ukufuma kwe mwemwe. Atunenile ivya lukundo lwinu ulukulu, amalanda yinu, swinya ukunsayila nene kwinu ukukulu. Achaleka ichimwemwe chane chakulisya. ⁸ Napano e kalata wane awapile ichilanda, nthakusakamala. Lelo nasakamazile lyo nalola ukuti e kalata wane awapile mwemwe ichilanda, naponye pa kamphindi akatichi. ⁹ Nomba indi ni chimwemwe, asa pa mulandu uwa kuti mwasakamalazile, kweni umulandu ichilanda chinu chiza nu kutontholokwa. Mwaweni ichilanda cha wu leza, achaleka musovizye nanthi chimwi muno sweswe. ¹⁰ Amuno ichilanda cha wu leza chikaleta ukutontholokwa kuno kukafisya ukupokwa nanthi kuyilizania. Ichilanda chansi ya pansi, cheni, chikakwiza nimfwa. ¹¹ Lolani ukulondesya kuno ichilanda cha wu leza choo chikuleta mwakwe mwemwe. Awukulu wuli ukulondesya mwakwe mwemwe ukuti muyilanjizye kuno musi nanthi a luwembu. Akukulu wuli ukuyilizania kwinu, ukutina kwinu, ukulonda kwinu, amaka yinu, nukulondesya ukuti mulole kuno ukupingula kwa kusimichila kuchitwe! Mu vyonsi mwayilolesya ukuti mu vyoo mwemwe musi nanthi a luwembu. ¹² Napano nawalisile kwe mwemwe, nthawalisile muno awa wawembu, pamwi wino wapochezile ichiwipe, kweni alyakuti ukulonda kwinu ukuzima ukwiza kwe sweswe kumanyikwe kwe mwemwe mu minso yakwe Leza. ¹³ A kupitila mu choo tukuyiwomya. Ukunjelezya pa kutenganikwa kwitu, twalinji swinya ni chimwemwe muno ichimwemwe chakwe Tito, umulandu u mupasi wakwe wavilizizwe na mwemwe mwensi. ¹⁴ Amuno ndi nayikwezyanga kwe weliwe ivya kwe mwemwe, nthalinji ni nsoni. Ukuwa, ndivino vilivyonsi twawanenile mwemwe vyalinji vya kusimichila, ukuyikwezya kwitu kwe Tito kwiza kwawa kwa kusimichila. ¹⁵ Ulukundo lwakwe pakwe mwemwe lwakulisya lyo akwizuka ukutonthela kwa mwemwe mwensi, muno mwamupochelezile ni nthete nu kuzekema. ¹⁶ Indi ni chimwemwe umulandu indi ni suwilo lyonsi mwakwe mwemwe.