¹ Nomba ukuyana ni vyakusangula ku wanthu awatele wakwe Leza: ndi muno natunguluzile iviwanza vyaku Galatiya, amo muwawombela. ² Pa wanda wakutalichila wa sabata, wenga mwakwe afwile awike chimwi pambali nu kusunga chinecho ndi muno mungakwanisya. Muwombe choo alyakuti patakawe ivyakusangula pano niza. ³ Pano nafika nenji ndipa awakalata tumanyane ku wanthu mwemwe mukuzumilizya swinya ndituma woliwo ni chawila chinu ukuya ku Yerusalemu. ⁴ Ndi achizima ukuti naninye inje, waliya na nene. ⁵ Ukuwa ndiyiza kwe mwemwe pano napitila ku Masedoniya. Amuno ndipitila ku Masedoniya. ⁶ Pamwi ningiza nikale na mwemwe, pamwi nu kwikalisya mu mphindi yakutalala, alyakuti munganjavwilizya nene pa wulendo wane, kulikonsi kuno nkhuya. ⁷ Amuno nthakulonda ukuti imbalole mwemwe nomba muno nkhupitilavyenye ukuti mbasyungule. Amuno nenji nkhuchetekela ukuwa ni mphindi iyitali na mwemwe, ndi i Mfumu yazumilizya. ⁸ Kweni nenji ndiyikala mu Efeso ukufika mphaka pa wanda wa Pentekositi, ⁹ amuno umulyango uwukulu wiyuchila nene, keni indi na walwani awavule. ¹⁰ Nomba pano Timoti wiza, mulole ukuti ali namwe nanthi kutina, amuno akuwomba umulimo wakwe Mfumu, ndi vino nkhuwomba. ¹¹ Mutakaleke nanthi wenga amusule weliwe. Mumwavwilizye pa wulendo wakwe mu mutende, alyakuti weni angiza kwe nene. Amuno nenji nkhuchetekela weliwe ukwiza ponga na wanyina. ¹² Nomba ukuyana nu munyina Apolosi, nenji nachintchizizye weliwe namaka ukuti awasyungule panga na wanyina. Ukuwa kutalinji akulonda kwakwe ukuti ayize nomba. Kweni, weni aliyiza pano imphimdi anzima. ¹³ Lolechesyani, musimphisye mwi suwilo, muwombe ngati awonsi, muwome. ¹⁴ Muleke vyonsi vino mukuwomba viwombwe mu lukundo. ¹⁵ Mwemwe mwamanya ivya oa ng'anda yakwe Stefano, ukuti walinji wa kupiluka wa kutalichila mu Achayiya, swinya wayipile wonga awenecho ku kutewetela awanthu awatele wakwe Leza. Nomba nkuwachintchizya mwemwe, wanawitu, ¹⁶ ukuti mutonthele awanthu ngati awaa swinya wonsi wano wakwavwa mu milimo na muntchito na sweswe. ¹⁷ Nenji nichemwemwe pa kwiza kwakwe Stefano, Fotchunato, nu Achayikasi. Awanyosezya penepo ukusita kuwapo kwawo. ¹⁸ Amuno wanyosezya amaka mu muzimu wane nu winu. Achaleka, nomba, musalifye awanthu ngati waa. ¹⁹ Iviwanza vya ku Asiya vikulamuka mwemwe. Akwila nu Prisila wakulamuka mwemwe mwakwe Mfumu, ni chiwanza chino chili mu ng'anda yawo. ²⁰ Awanyina wonsi wakulamuka mwemwe. Mulamunkhane wenga nu muwuye nu kufyomphana ukutele. ²¹ Nene, Pauli, nawalika choo ni kasa lyane nenga. ²² Ndi wumwi atakunda i Mfumu, afwile atipwe. I Mfumu yitu, zanga! ²³ Uwila wakwe Mfumu Yesu wuwe na mwemwe. ²⁴ Ulukundo lwane luwe namwe mwensi mwakwe Kristu Yesu.( Iwatichi wakulondeka amakalata ya mu chi Griki chakali na yimwi imipiliwulile yakali yali nu Ameni pawumalilo. Kweni ayakulondeka amakalata ya chi Griki icha kali, swinya iyivule imipiliwulile iya kali, yisi nu Ameni pawumalilo.)