Kə dǝ nyi lyen la +nǝnyyug naŋ ndyyad bǝ ǝnied ǝba ǝ lyen doka ji ni. Nwad doka ji nyyo tyog tuza ǝtyǝ ǝwo ǝ shyyo ǝced ni dâ? Nwad, doka ji ləb əbyyug nnyɨraŋ sag, kənaŋ ətyog gu wu əshyyo əced. Əwod kə ətyog gu wu ə ma hwu ǝ, ǝ fǝrog gu ǝ wod nyyo bǝ doka nnyɨraŋ ji. Kənaŋ ətyog gu wu əshyyo ǝced, ə sɨ dərog ətɨ swan bə ətyog əyyaŋ, əyed əbyyug əwo hwi +ətyog ni. Kənaŋ ətyog gu wu əhwu, əywan nnyɨraŋ ka tyad kyo ushyyo bǝ doka ji ni.Əna yed ǝtyǝ shɨshɨg kɨ nyyo dag, kǝ ǝtɨ nnyɨraŋ ǝtyog ǝyyaŋ. Kukwo mbyyo +nǝnyyug mba, nyin bwo nyi kǝ nhwu tuza doka ji mbwag lwam Kristi ku. Ku di ǝnnyǒ, nyî ga yed ǝkwaŋ ǝnyyuŋ bǝ ǝyyaŋ nyin, dǝnian gu ǝwo ǝku dǝrəg ndyo nyyo bǝ ǝnied kukwi ba ni. Kukwo na cyyo zɨ ga ngyed lwag ti Əgwaza u nnwan. Nyyo naŋ zɨ nɨ shyyo bumi lwam ku, nkyaŋ shushog ǝbun na nɨ nshyyo ced ku mbwag doka ji, byo ni nyyo ntǝm bǝ nkab lwam zɨ na nio ti əsum ǝhwu kyo ni. Əwod nini ǝkǝ nfǝrog zɨd ǝ wod mbwag doka ji. Zɨ kǝ nhwu tuza ǝbun ǝkyo bɨ byoŋ zɨd ni. Ku di ǝnnyo, zɨ ga nnyyo ntǝm dɨ yed ǝnied ǝfay bumi Zɨzǝrag Ntswa, kaŋ bǝ huhwob lyurug doka ji. Yag ə bǝd zɨ na hyyo? Doka ji bǝ ǝpyo ji ji yed ǝbun a? Sǝm ku di ǝnnyo dag. Bǝ kǝ ǝnnyǒ, sǝ nuŋ ndyen ǝbun wu dag, kǝ ku iyed mbwag doka ji dag. Sǝ nuŋ ndyen kyaŋ ǝkwo ǝ ngyi ta ǝli bɨ kyaŋ ǝyin ni dag, kǝ doka ji ji yog nyyo, "Kud, yog nta ǝli dag." Əwod ǝbun wu ku shyyo ŋwwo ku mbwag doka ji kwo bay bǝ nuŋ shushog nkyaŋ lwam. Kǝ doka ji nshyyo dag, ǝbun wu ǝhwu. Bə njen ə zəy, n ku nshyyo əced də bə doka, ǝwod naŋ doka ji mbay ni, əbun sɨ dərəg yoŋ əced, nsɨka nhwu. Doka əzo yed sɨ zo nə joŋ n sɨced ni, bwwag cyyo əhwu kyo bə nuŋ. Əbun wu ku shyyo uwwob mbwag doka ji, ji sɨ lyyen n. Mbwag doka kyo ku sɨ nhyad n. Dənian əkyo doka ji yed zɨzərag, fag əlyyad ku sɨ yed zɨzərag, ə yed saŋ əbun bɨ tan kwo. Ətan Kyaŋ wu ə yed əhwu kyo bənuŋ a? Səm, ku nɨ di ənnyo dag. Əwod əbun wu gwô ga twərag naŋ gwo ngyed əbun mbwag kyaŋ əkwo yed ətan ni, ku sɨ bay bənuŋ əhwu. Ku di ənnyo mbwag fag əlyyad, əbun wu ə ga yed ga bun saŋ sɨsag. Nwad, zɨ lyen doka ji yed kyaŋ Zɨzərag Ntswa kwo, nuŋ nshyyo bumi lwam kyo. Əkə ndyab n mbwag əbun dɨ nyyo hwo. Nfɨg kyaŋ əkwo n nyyo ni dag. N ka nfɨg ku shənsham dag. Kyaŋ əkwo ncad n nyyo ni, kukwo nnyyo dag. Əwod kyaŋ əkwo ndag ni, kukwo naŋ nnyyo. Əwod kǝ nyyo kyaŋ əkwo da ncad ni dag, nshim bɨ doka ji naŋ ji ngyed ətan. Əwod nini nuŋ ə kɨ nyyo kyaŋ əkwo nnyyo ni dag, əbun əwo bə nuŋ ni ngwo. Nwad, ndyen bə nuŋ, bɨ lwam nku, ətan nkyaŋ nshyyo dag. Ndyen naŋ nyyo tan ku nshyyo bə nuŋ, də nuŋ ngyəw n nyyo ku dag. Ətan nkyaŋ əwo ncad nnyyo ni, ngwo naŋ nnyyo dag, əwod kətug əkwo naŋ ncad ni dag, kukwo nwa nnyyo. Kə n nyyo kyaŋ əkwo də ncad n nyyo ni dag, i twərag naŋ nuŋ ə nnyyo ku bə əpyo ndag. Də kunuŋ əkyo, əbun əwo shyyo bə nuŋ ni ngwo nyyo ku. Nwad ənnyo, nshyyo mumwaŋ ku bə nuŋ, kwo nna nnyyo kyaŋ əkwo yed ni, ǝwod naŋ kətug əkwo wa nyyo tyog bə nuŋ. Bumi nka, nshyyo bə əsay ntsswo bəd bə doka Əgwaza ji bə ətyə əwo shyyo bumi nka ni. Ndi ndwag njyaŋ bə nkab lwam nna. Na nyyo uyarag bə ndwag nfay bə ncug dam nji. I byoŋ n naŋ əhwo ni bə ndwag əbun ku, nio shyyo bə nkab lwam nna ni. Ngyed ətyog sswo ubuŋ ə! Ənyan ə nə san n bə lwam əhwu əkwi ni? ²⁵ Ngway bə Əgwaza u mbwag Yesu Kristi Ətyə Uli z‌ɨd wu! Nwad ənnyo, nuŋ bə əpyo n, mbyoŋ doka Əgwaza ji bumi cug dam nji. Bə kə ənnyo, bə lwam nku, nsɨ byoŋ ndwag əbun nio.