N twərag nyin nənyyug zɨ wu Fibi, wo nyyo ntəm na bɨ tu dyeb əkwo shyyo bə Kankiriya ni. Nyi san gu bumi Əgwaza. Də ndwag əkwo myim ənied ŋwwag cucug ba ənyyo ni. Nyi byyaŋ gu bə kwo zan nkyaŋ əkwo gu cad ni. Nwad gu bə əpyo gu ə byyaŋ ənied bə dɨdɨd, mbyyaŋ n bwo. Nyi byyad Bilkisu mbyyaŋ Akila kpəndaŋ ntəm bumi Yesu Kristi. Ənied əbay ŋwwag sswan ba ji dənian nka. Ngway bə mba, nuŋ ə ənyin dag mbyyaŋ ukpa nnwan Əgwaza na. Ə byyad nnwan Əgwaza ənio shyyo uli ba ka ni. Byyad n Abanitas nsag əlyo ngu. Wo tsa ə ŋwwag cucug bǝ Kristi bə əbyin Asiya ka ni. Byyad Maryamu, wo nyyo zɨd ntəm na bəd ni. Byyad Andranikas bə Yuniyas, +nənyyug mba bə ənied mba byyo shyyo bu hwo ku dunduŋ bə nuŋ ni. Ba yed +əgwag ntəm byo, ba mun ə ŋwwo nyyo ntəm nna, byo ə tsa ə shyyo ba Kristi əwod ni. Byyad Afiliya nsag əlyo ngu bə Kristi. Byyad Ubanas kpəndaŋ ntəm zɨ wu bə Kristi, mbyyaŋ Istakis nsag əlyo ngu. Nyi byyad Abalis ətyo əwo Kristi ə cad ni. Byyad ənied əba shyyo buli Aristobulus ni. Byyad Hirudiya nənyyug ngu, bə ənied əbyo shyyo buli Narkissa, byo yed əshin Ətyə Uli ni. Byyad Tarafina mbyyaŋ Tarafusa byo nyyo ntəm Ətyə Uli nani. Byyad Barsisa wo nyyo ntəm bə Ətyə Uli. Byyad Rufus wo Ətyə Uli əkhay ni, mbyyaŋ əyaŋ gu wu bə əsɨn ngu. Byyad Asinkiritos, Filibuna, Hamis, Baturobas, Hamisu mbyyaŋ +nənyyug nuŋ əba shyyo dunduŋ məmba ni. Byyad Filobulus, Yuliyas, Niriyas mbyyaŋ +nənyyug ənab ngu mbyyaŋ kəkəb nnwan Əgwaza byyo shyyo dunduŋ bə mba ni. Nyi byad əyyaŋ bɨ Zɨzərag lwwug. Kəkəb nnwan Əgwaza na byyad nyin. Nnay nyin nini +nənyyug ba, nyi dam ənied əba nə fwo nyin pipyo ku əwod ə səraŋ nyin ni. Ba nyyed zan bɨ kyaŋ əkwo nyi lyen ni. Nyi bwwag ba ulyim. Ənied naŋ əsɨ bay, ə dyeb Ətyo Uli zɨ wu Kristi dag, sə ufa bana. Ba myay ŋuŋwad ba ku bə əlyyad ənio ba ndyyen ntsswo ənied əsaŋ əbun ni. Nwad, ə kwa ŋwwag əpyo nyin ku I gbyərom konyan. Ngway bə nyin, ncad nyi byyo mumwaŋ bɨ kyaŋ əkwo yed ni, nyi yog cyyo bwag bɨ kyaŋ əkwo yed kətug ni dag. Əgwaza əwo ŋwwad kay nda ku ni, əna cyyo zɨ shay utənyiraŋ ka bə tɨtag zɨ ba. Yog shog Ətyə Uli Yesu Kristi ji i shyyo dunduŋ bə nyin. Timoti kpəndaŋ ntəm ngu ə byad nyin, mbyyaŋ Lukiyas, Yason mbyyaŋ Susibataras +nənyyug mba. Tartiyas, nuŋ ə ndyurug kwa əkwi ntəm bə nyin ndyo, n byyad nyin bumi Ətyə Uli. Gayus, wo joŋ zɨd ulwo nswad ka mbyyaŋ əmbgəm ukpa nnwan Əgwaza na, əbyad a. Arastas, ətyo say kurum ukəraŋ wu, ə byad nyin, dunduŋ ba nanyug gu wu Kwartus. "Yog shog Ətyə Uli Yesu Kristi ji i shyyo dunduŋ bə nyin. zəm." Əna ŋwwag gu shi, wo cyyo nyi yoŋ bɨced bə əlyyad nna, naŋ nku shey nyin əlyyad Yesu Kristi na, naŋ ən twərag kyaŋ ǝkwo ə niad bə gbanbgaŋ əzəw ni. Nini ə twərag ku, nwad lyurug nkyaŋ ənio ənied lyyad əŋwwad Əgwaza kə lyurug ni, ku cyyo əsɨ lyen na ə kay +ukəraŋ na. Dɨ gag əkwo Əgwaza tuza saŋ sɨsag u əku nkam ni, dɨ ŋwwad əpyo ba bumi ŋwwad tsswo baku. Zɨ ŋwwag Əgwaza əwo bə ənyin gu ə byyo tsutswad tuza kozaŋ nkyaŋ ni, bɨ shi mbwag əyorog Yesu Kristi ətɨsan zɨd, tɨnad jen saŋ sɨsag ji. Zəm.