Nuŋ mbwo nyo, Əgwaza u əku lag ənied gu bâ? Səm, iku di ənnyô dag. Kukwo nuŋ bwo ngyed ətyə Isirela ə, nnyyo bə mbyin Ibrahim bə nkway Bilyaminu zə. Əgwaza u əku lag ənied gu ba dag, naŋ gwo ngyed əti lyen kyaŋ gbaŋ kəyəw ni. A lyen kyaŋ əkwo əlyyad Əgwaza na lyyad tuza Iliya ka ni dâ? Gag əkwo gwo ku ncuruŋ bɨ nay Əgwaza u bɨ ŋway kub Isirela ba uma ni a? Ətyə Uli, ba kə nhyay ənied əŋwwad əlyyad aba, basɨ bwo fwo +ulwo fi zənaŋ ana. Nuŋ ə bə əyin mbwad, kukwo ba cad hyad n. Əwod yag ə Əgwaza u sɨ shim gu ndyo? "Nkə niad əpyo ndyo +ətyog cyi kwob natad byo də ba kə ntəgbog duyi Baal ni dag." Ku ndi ənnyô ni, bə njen əji ni bwo, ə́ mbyyo əshin gu ba byo mbwad dənian khay shog gu ka ni. Əwod bə kə i yed shog zə, i yed shin nyyo ntəm kwo dag. kəlag shog ji bu na yed shog zə dag. Bɨ yag ə bəd? Kyaŋ əkwo naŋ Isirela əku cad ni, ba ku shyyo dag, əwod ba əbyo əku khay ni, ba byo shyyo, əkum ba ka əku byyo gbəb əpyo. I di bə naŋ ə́ ndyurug ni, "Əgwaza u əkə njoŋ ba tswa cyi nkyaŋ, əyyi əba ba na ncyyaŋ ni dag, tsutsswo ba, kəlag ba na ntswoŋ sag utswun əkay ni." Kukwo Dauda ə nyo, "Yog teburg ba wu ə yed ba kyaŋ jen bɨ tyərəm kwo, ə yed ba əfaŋ ntug tag ə bwo yed kyaŋ ntan ta kwo məmba. Yog əyyi ba ba ə cyyo lyin naŋ ba na nŋway di kyaŋ ni, ba ga gwwab +uma ba na tɨnad jen saŋ sɨsag." Nuŋ bwo nnyo, "Ba ku tug tag bǎ ga gud əkwa dâ?" Sɨm, yog i yog di ənnyo dag. Sɨm bə ənnyo, tuza shwod kwa ba ka, san ku bay bə +əkag ənied ba, i ga n ntəkyəm ntsswo ba na bɨ yed +nəndwan ku. Nini, bə kə shwod kwa ba ku kukwo na cyyo ənied swanta ba ə shyyo +zwa. Bə kə ŋway ba ku kukwo yed +zwa +əkag ənied ji. Ni ə kidě shi ba ji nɨ ngyed ba kə basɨ lay ə́sɨ yed +ətad əyyi? Nini ndyyad bə nyin əba yed +əkag ənied ni. Naŋ nuŋ ə ngyed əgwag ŋgwon ntəm bə +əkag ənied ba ni, nsɨ mwo gwud əgwuŋ bumi nyyo ntəm ənay ni. Tay dag ina cyyo "+nənyyug mba" əbyyo nyyo nəndwam dənian əyyaŋ ba ba shyyo san ku. Bə kə lag san ba ku twərag swanta ku i wa shyyo nyyo swad nyinyaŋ bə əyyaŋ ba, ni ə san ba ku na ndi naŋ sɨced nyyo bə ənied kukwi ni a? Naŋ əsum +ukwon əna nɨ tsa wurug ni, ənnyǒ əkum ka nɨ shwwod. Kə nɨnan ukwon ba ə nshyyo, ənyǒ nnay na bwo nâ nswan, bəd. Əwod kə əsɨ kpərəm nnay njyyaŋ bə na, kə nyi sɨ yed nnay ufad nyyo bə cucug, byo əshyyo bumi nyi ka ni. Kə nyi sɨ ma mbyyo kunuŋ duŋduŋ ba mba, ku na shyyo bumi ukwon ufad əkyo. Nyi yog gwud əgwuŋ dɨ yed ənay dag. Əwod bə kə nyi sɨ gud əguŋ, nyi byo na cyyo ənan ka gbugbag ku dag, əwod ənan əkyo əwa na cyyo nyin gbugbag ku. A nɨ yəw a nyo bwo, "Ə́ bud ənay ka dənian ə ga nshyyo ntib n bumi ka." Sɨkwɨ ni yed cucug ə! Dənian ŋway ŋwwag tsswo ba əkwo mbyyo əku bud ba ə́tɨn bə nnay na, əwod nyin nyi yoŋ bə tɨtag əfyyaŋ bumi ŋwwag tsswo nyi ka. Nyi yog kwog əpyo nyin sswag gag əkwo nyi ngyed ni dag, i myim nyi byyo fəg uwun. Dənian kə, naŋ Əgwaza u əku gwod ətsag ənay wu dag, gu bwo əna wod nyin dag. Nyi cyyaŋ gag əkwo təŋkəy ntəm sswo ubuŋ əkwo ni mbay tuza Yahudawa əbyo ə́ gud əkwoy ni. Kukwo mbyyo had utswun əkay fəg kunag Əgwaza ku mbay bə nyin, kə nyi ya uswon bumi nshog gu ji, ə́na tyab nyin ətɨn dag. Bə ənnyo, kə basɨ ya uswon bumi ŋway ŋwwag ntsswo ba na dag, əna bwwog məmba ə cyyo bumi ukwon ka. Dənian Əgwaza əna yəw bwwog bə mba bumi ka. Kə əsɨ ma ntyab ənay ka nyyo bumi ukwon ufad əkyo u shyyo uyid ni, had ə̀sɨ yəw ə́sɨ mwun ka bumi ətsag ukwon ufad wu, ni ə bəd əna ŋway bwwog ba Yahudawa əbyo ə nshyyo bə ətsag ənay wu ni, naŋ əna mbwwog məmba ə cyyo bumi ətsag ukwon ufad wu ni? +Nənyyug mba, ncad nyi yog swan bumi ndyin dag tuza əlyyad ənio əniad ni. Kəlag nyi na swan bumi tsutswad nyin əkwo bumi dɨdam nyi ka. Kyaŋ əkwo ə kub ə sag ni kukwo yed gbəb əpyo əkwo shyyo ənied Isirela ba ni, had ku sɨ cyyo +əkag ənied ba əsɨ shyyo ŋwwo bumi ka. Nwad ənnyo, kəkəb ənied Isirela ba na shyyo san ku, bənaŋ ə ndyurug ni nyo, "Nyyo bumi Siyona, ətyi san ba wu əna ngurug, əna tɨn ə jɨb kozaŋ shɨshɨg nyyo bumi Yakubu. Sɨkwi ni na yed lɨkəwəli gu wu bə mba, kə naŋ mma ntɨn njɨb kəkəb əbun ba wu. Bə əfam əkay ni, tuza Usham əlyyad ka, ba yed +nəndwan byo də kunuŋ nyin, bə əfam əyyaŋ bɨ khay Əgwaza kwo byo gwo cad bəd ni dənian +əcyo əhwob. Kukwo mbyyo +zənaŋ ji bɨ yoroŋ Əgwaza ku shyay dag. Kukwo mbyyo nyin əba ku lag hwi Əgwaza ku ni, əwod nini nyi shyyo fəg kunag dənian lag hwi əlyyad gu na ni. Bə ndwag əkwi kəm, Yahudawa əbay əku swan ə yed ənied lag hwi əlyyad. Kyaŋ əkwo sɨ nhwi ni kukwo yed fəg kunag əkwo ə twərag nyin ni, ba bwo ba ma nshyyo fəg kunag ku nini. Dənian əkyə Əgwaza ə sɨ kub konyan bə lag hwi əlyyad, gwô ga twərag konyan fəg kunag gu ku. Ni ə bəd na yed kidě dɨdɨd nzwa guwu bumi tsutswad bɨ lyen Əgwaza ku! Fag əlyyad tuza byyo əbun gu ku sswag ə fɨg! Ənyan ə bəd əna lyen dam Ətyə Uli kù? Ənyan ə bəd ə may gwo ŋwwag Əgwaza u əlyyad? Kwo ənyan ə na tsa ŋwwag Əgwaza u kyaŋ bəd. Kwo na cyyo ə̀ tan gu ni? " Nyyo mbwag gu kyo, bumi gu ka ə, mbwag gu kyo kəkəb, kwo yag ə wurug nyyo bə ngu. Kəkəb dyeb bɨ shi shyyo tuza gu kyo tɨnad jen saŋ sɨsag, zəm.