¹ Vii gin yi jom jomi: Gon won yan citǝ raa tǝ naa nǝ munvar mǝn laaɓkǝni, citǝ raaghǝ laaghǝ ndarani. ² Durghǝ gi, aa naa ciɓ munvar kǝ laaɓkǝnnes tǝ naai nǝ muryo ɗaŋ ta kon kuskǝ ngǝtn won a dulgamas hŋ. Tǝ naai nǝ murghǝ gǝɗ namboŋ. A naa jom jomi tǝ naai nǝ murghǝ ngaɓkǝn gaam, tǝ mbutarghǝn gaam, tǝ laaɓkǝn ngǝtn a vi a vi tǝ kaɓkǝn sǝmmbǝrsǝ. A naa taŋ taŋ tǝ yisǝŋngǝn giɗkǝn ngǝtn zarsǝ. ³ Tǝ naai nǝ murghǝ tlyaghǝn ɗuu hŋ, tǝ wutlǝŋngǝn hŋ. A cik tǝ naa nǝ murghǝ suughǝn wurɓa hŋ. ⁴ A naa ciɓ tǝ naai nǝ murghǝ yaalghǝn ɗa nǝ dǝnwos ndaara, tǝ mǝri wos tǝǝ naai nǝ mǝn wumngǝn kǝǝm wos ɓuruk tǝǝ luutǝ. ⁵ Zaar yo ɗaŋ a ɗyaa ndǝrghǝn dǝn wos hŋ, wo fi wur ǝnnda wo paŋ mǝn laaɓkǝn Cokese? ⁶ A ndara tǝ tǝ naai nǝ muryo ɗaŋ a kaɓ Cogn ɗaŋnin hŋ. Duryo tu tǝ gaa gǝǝɓ tu gaam wos a luui hŋ, tǝ ndaaɗi a giɓkǝ ngyerghǝn vii ɗaŋ tǝ fi Shetan mǝni hŋ. ⁷ A naa ciɓ tǝ naai nǝ murghǝ tlyaghǝn zha ndarara nǝ gya gyo ɗaŋ ci nǝ mǝn laaɓkǝn hŋ, nǝ duryo tu ndzuutn tǝ ngaɓtii a lǝǝɓ Shetan hŋ. ⁸ Cikkǝn mǝn varaŋsǝ laaɓkǝn tǝǝ naa tǝ konngǝn vi namboŋ nǝ mǝn vi mbǝtlǝm hŋ, tǝ naa nǝ mǝn tlyaghǝn ɗuu tǝ swaari hŋ. ⁹ Tǝǝ naai nǝǝ mǝn numghǝn jom joni ɗaŋ taa nyolarɗi tǝ raaghǝ sǝrghǝɗe kǝ ndarani. ¹⁰ Yi ɗa giri tǝǝ yisǝŋ tu taa caa vwaa wasǝŋǝi kǝnnda tǝ nguɓ laa wasǝŋ, durghǝ tu citǝ ngǝtnngǝ kushi yo ɗaŋ taa kon ɓashi hŋ. ¹¹ Yan yi tu guɗi tǝ naai tǝ tsǝtnngǝn wusni tǝ zarsǝ. A ndara tǝǝ naa nǝ mǝn gǝskǝ vi hŋ, beɗ tǝ gi tǝ naa nǝ mǝn ngaɓkǝn gaam, tǝ naai nǝ gyo ɗaŋ tǝ caa vwa woshi a koni. ¹² A naa ciɓ mǝn varaŋsǝ vin ladi tǝ naai nǝ mǝn guɗi namboŋ namboŋ. Tǝǝ naa nǝ mǝn paŋngǝn mǝri wasǝŋ tǝ dǝn wasǝŋ. ¹³ Tǝǝ gya gyo ɗaŋ tǝǝ fi laa ndara, tǝ tu dlǝǝrghǝn tlya tlyaa a giɓkǝ caaghǝn raabɗaŋ yigha Yesu ɗaŋ nǝ Ɓorghǝnni. ¹⁴ Mya dlyaaɗ kǝ gya gin mǝnɗi tǝ gaaghǝn raa tu ma man ɓaskǝ kyaaɗ ɗaŋ wo gǝrǝ hŋ. ¹⁵ Beɗ tǝ gi, ǝŋ mya naai ɗ, mya dlyaaɗ kǝ mǝnɗi nǝ durghǝ tu a yisǝŋ ngǝtn yo ɗaŋ ka fi a dǝnngǝ Cognvon, yan nǝ zarsǝ ghǝ Cogn ɗaŋ ci gwaami, nǝ daɗkǝn tǝ gaanngǝn tǝ jom jomni. ¹⁶ Ɓak ci vi hŋ, caa giɗ tu jom jomni ghǝ ngǝtn Cogn nǝ vari. ''A giɗ gamas a dlii, zhipti tǝ coɓti, gya zhiɓti shinngǝn Cogn tǝ yeltǝ.. tǝ gǝǝm vi wos a giɓkǝ zarsǝ yo ɗaŋ taa yisǝŋ Cogn hŋ.. tǝǝ caa raa wasǝŋ ɓastǝ a ɗǝkes, a kili ges tǝ mbitǝ gaami a giɓkǝ ndzǝkni wos.