¹ Ẹ fọ Iphoebe tọ ọda iyaro, nẹnẹ wọ Osibina ubowo okotoro nẹnẹ wọ Cenchrea na. ² Ubaka ni di nẹ fọ mọ Idu. Siye ọnẹ ọrẹ nẹ bọwọ nọ Osibina yọ ero ọnwọnwọn na, u diye siye uba ugu guwe nẹ yan ẹkẹnẹ kẹna e ni iwu uba na, ubaka esiye uba uguguwe ọkẹka nọ ero ọyọyọ aka amẹ ẹbẹba. ³ Gan mọ Ẹpriscilla akọ Aquila, mọ ero nẹnẹ tá bile esiyọ utun Ijisọs Ẹkraist na, ⁴ Nẹnẹ bẹ kpẹrẹ mẹ ẹrọ bẹ fọ be ẹrọ wo ya nẹmọ. Ẹ gan ba ẹba, ama wa ama a yẹrẹ, diye bi lọ Ẹṣọṣi ubowo nẹ wọ ikuwero abẹ ẹka na. ⁵ Gan mọ Osibina ubowo nẹnẹ wo ubowo na. Gan mọ Ẹpaenetusb mọ ẹfẹna ini na, nẹnẹ wọ ilukutu oṣoro Asia nọ Ẹkraist na. ⁶ Gan mọ Imary nẹnẹ fọ iwu siyọ utun oṣisile ne wọ na. ⁷ Gan mọ Andromicus aka Junias, mọ ero aka mọ ẹwan ro abẹ. Apostu abẹ bi din ba dada, aka bi wọ Ẹkraist ṣa na ami diye diyan. ⁸ Gan mọ Ampliatus, mọ ẹfẹna ini Idu na. ⁹ Gan mọ Urbanus, tọ utun ro Ẹkriast, aka Ẹstachys, mọ ẹfẹna ini na. ¹⁰ Gan mọ Apelles, ọnẹbẹ fọ uba wo Ẹkraist na. Gan ẹnanẹ wọ Aristobulus yọ ubowo ro na. Gan mọ Eherodion, mọ oro. ¹¹ Gan mọ ẹnanẹ wo Ẹnarcissus yọ ubowo ro nẹnẹ wo Idu na. ¹² Gan mọ Ẹtryphaena aka Ẹtryphosa, utun ro Idu ẹka. Gan mo Ẹpersis mọ ẹfẹna ini na, nẹnẹ kayẹ afọ iwu siye utun nọ Idu dádá na. ¹³ Gan mọ Irufua, ne bi tiye Idu na, aka wiya aka mẹka. ¹⁴ Gan mọ Asyncritus, Ẹphlegon, Ijermes, Ẹpatrobas, Ihermes, aka yọ ẹda iforo abẹ nẹnẹ wọ ibẹfa na. ¹⁵ Gan mọ Iphilologus aka Ijulia, Enereus aka yọ ọda iyaro, aka Olympas, aka Osibina yọ ero ọnwọnwọn fenyan nẹnẹ wo ibẹfa na. ¹⁶ Ne gan ma bẹn akọ owo odo wo ọnwọnwọn. Osibina yọ ubowo Ẹkraist ėoka fenyan ágàn nọ. ¹⁷ Akana ọnẹ igbe nu loko mọ ero abẹ, ni roro ẹnanẹ eruwa bi diya tọṣẹn na. Bi ṣun mọ otite nẹnẹ ni kpiya na. Bila fura bọ rẹ. ¹⁸ Ka ero ọla akọ ama yẹrọ rọ Idu Ẹkraist ama bọ epuru. Aka bọ ega oyinyin bawọrẹ ẹnanẹ emedin na uloko. ¹⁹ Nẹ wọ ọbale siye ọtọnmọwọwọ eto fẹyan. mọ ibe rọn towu, ama me ni ka ygben nayẹn nọ ẹkẹna rọnmuro na, aka uma fọ iwusẹ ẹkẹna wọ odudu na. ²⁰ Osibina nẹ wọ iwu ọbẹbẹrẹ ẹka na, èke fon ama wọ fọ wọṣẹn dẹn nọ eṣu si je. Ijisọs Ẹkraist Idu yọ ese eke jọmọ gbeli wu. ²¹ Itimothy mọ utun ro, a gan wọ, aka Ilucius, Ijason aka Ẹsosipater, mọ oṣin ro. ²² Ẹtertius nẹnẹ wọ rọ epistol ọnẹ wọ ije na, agan wọ Idu ọrẹ. ²³ Igaius nẹ namọ wọ ubowo na aka Osibina ubowo fẹnyan na, agan wọ. Erastus, nẹnẹ da fọ uwuru ikiba ki su na a gan wọ, akọ Equartus yọ ọda. ²⁴ Tọ Idu, Ijisọs Ẹkraist yọ ese eke jọmon gbeli nano fenyan. Aamin. ²⁵ Akana ọnẹ nọ ẹfẹna nẹnẹ di fọ wọ iwu eṣile na, akọ ọ imọ ẹpẹpannoboro ako Osibina ẹga nẹnẹ Ijisọs ga na, akọ ọ ọfọyẹn ojinọ oro owofuwa nẹnẹ biya bẹbẹ nọ ọgba nẹ fon na. ²⁶ Ama akana bẹ fuwẹ yẹn ẹsẹ ọgẹga ọwọwọrẹ nọ iken fenyan itọ Osibina nẹnẹ emese ọta na yọ buru, ediya fọ ọtọn mọwọwọ ọnawọ eka. ²⁷ Nọ ọ Osibina aya yẹrẹ nẹnẹ gben nanyẹn na, Ijisọs Ẹkraist yọ ugbugbodi otutumotuntun. Aamin.