¹ Na oro nẹnẹ éme ṣile ọnawọ na, ume siyọ ọ ẹkarẹ oṣenṣen akọ ọsankata. ² Oro ọbẹn su ọnawọ ka yi je ẹpẹnkẹpẹn, oro ọbẹn nẹnẹ yo iwu eme ṣile na uwunpiri ayayẹre ayẹ ediye je. ³ Ẹfẹna eje ẹpẹn fenyan na ama fọ ayẹn wanọ ẹfẹna eme siye ẹgan na, aka ẹfẹna eme je ẹpẹn fenyan na, ama sẹn nọ ẹkarẹ nọ ẹfẹna éje ẹpẹn fenyan na. Ubaka Osibina nẹ ẹ. ⁴ Ẹra ọ wa, awọ nẹnẹ wa ṣẹn nẹ karẹ anọ oro ọbẹn yọ ọvan na? Ẹfẹna wa yọ ọga na ẹrẹn eke we jọmọn tabi afalẹ. Ama ba ka sẹ ya jọmọ, ubaka Osibina édi sẹga ẹjọmọ. ⁵ Oro ọbẹngba isubu ọbẹn ka afọrẹ isubu ọbẹn. Oro ọbẹn balẹ isubu fenyan ebori ebori. Jọmọ ororo esu á yenọsẹ iyọ ibe. ⁶ Ẹfẹna a balẹ isubu na, a balẹ ya nọ Idu, aka ẹfẹna eje na, eje nọ Idu, ubaka agan mọ Osibina ẹba. Ẹfẹna nẹ émèje na, e yuru ka ayẹ emeje nọ Osibina: ka ayẹ gan mọ Osibina ẹba ⁷ Ubaka eme su ka toro ọyẹrẹ nẹnẹ ma anẹ yiwu na, eme su ẹfẹna de fo nẹ yiwu na. ⁸ Ubaka ta ma nẹ rọ, itẹ manẹrọ nọ Idu, aka te fo, iti fo nọ Idu. Ọgbọnẹ te wo ẹrọ te fo, Idu ẹka tẹ wa. ⁹ Ọne uba, Ẹkraist fo e diye pila wẹrọ, ka ayi di da Idu nọ ẹnanẹ fo na aka ẹnanẹ ki wo ẹrọ na. ¹⁰ Ama awọ, ẹnanẹ ọṣẹn nọ ekarẹ abe anọ wọ ọbawọ na? Aka awọ, ẹnanẹ ọfọ ayẹn awan wọ ọbawọ na? Ubaka atọ fenyan eke jọmọ ẹkarẹ ọṣẹnsẹn ádàn nẹnẹ wọ Osibina ẹka na. ¹¹ Bẹ wọrẹ wije, "Aka isiye wo ẹrọ na," Idu agegan, "Nẹ mọ ikwin fenyan aka tọmẹn, ẹlarẹ fẹyan eke diya nowo nọ Osibina." ¹² Ọgba ọnẹbẹ, to ro ọyẹrọyẹrẹ aka ga akọ ayi siye siye na nọ Osibina. ¹³ Ọ́nẹbẹ uùba, ni me yaka ti pila ju abẹn orikpokpo tabi ka adọ ọ obebe nẹ yọ ọbawọ. ¹⁴ Idin e diye yemu Ijisọs Idu ka emesu ẹkẹna ama wọ ọnwọnwọn nẹ yi wu na. Efura ka ẹfẹna robalẹ ka ẹpẹn ọbẹn ka ama wọn na, nẹ oro ọnẹbẹ ama wọn. ¹⁵ Adaka ijen uba, wọ ọbawọ ágbọ ibe obibe, ume pole jenjen unini. Uma fọ wọ ijen be oro nẹnẹ Ijisọs pẹrẹ yọ uba fo na fuwa. ¹⁶ Ume ya ka ẹkẹna nẹnẹ uroro ka awọ oboro na, bẹ gẹ ka odudu na. ¹⁷ Ubaka ka Osibina ẹsẹn, ama wa Ijen aka ọwẹwa aya yẹrẹ, ama ọsẹrẹ osisiye, iwu ọbẹbẹrẹ, aka ibe orọnrọn ẹfunwẹnfunwẹn ọnwọnwọn. ¹⁸ Ubaka ẹfẹna nẹ siye okoto nọ Ẹkraist ọrẹ ọnẹ na Osibina nẹ ẹ aka kọ erokoro diya fọ uba wa mọ. ¹⁹ Ọnẹ uba, ni jọmọ ti ki guwọ ẹpẹn ne wọ iwu ọbẹbẹbẹ ėka na aka ẹpẹn ẹnanẹ ti di eki guru abẹn na. ²⁰ Úme bẹ Osibina utun fuwa, ijen uba. Ẹpẹn fenyan awọn, ama amarọn ka oro eje ẹkạna aka wọrẹ oro ọbẹn atọṣẹn na. ²¹ Arọn ka, oro ama tan mọ ọnẹ, tabi awọ ewayi, tabi e siye ẹkẹna qka wọrẹ oro ọben atọsẹn na. ²² Ọnawọ nẹnẹ usu na, e su amọ aka Osibina etin. Okukurubile nọ ẹfẹna eme be yiwu fuwa, nọ ẹkẹna a fọ ọ uba wo na. ²³ Ẹfẹna ẹke siyọ ibe ẹbọrẹ na, be sẹyan ebe, eje na, ubaka eme wo ọnawọ sa ẹpẹn nẹnẹ eme wọ ọnawọ sa na iluwe ya.