¹ Osuda nẹnẹ ọ ẹrẹro na mọ Ẹgayosi ọnẹnẹ bẹ fọ ugbugbodi nọ na, aka ẹfẹ na bi ni yẹ ga ikuwa ọrẹ nạ ² Ẹ gbadura ka fiyan fiyan nẹnẹ wa ka fuba yẹrẹ na, oboro akada, iwu ọgegan ayẹ a ka da weka. oboro a ka ke da nọ wọn ẹfunwẹfunwẹn. ³ Mi ibẹ rọn ṣu mọ ọgbẹn ọgbọ na mọ ero abẹ ṣa ga akọ usiye siye ikwa kọ̀ akọ̀ usiy jeje nọ ikwa ọrẹ na. ⁴ Mọ ebẹbẹn fẹẹ ọgbọna ẹ wo ka megbe na bẹ e jẹjẹ nọ ikwa ọrẹ na. ⁵ Mọ ero à á, ni jọmọ ti ki piya akọ bi sia fọkan mọ ọyẹrẹ ma bẹ kisiye aka mọ ọgà ki siyẹ na. ⁶ Nẹnẹ dina fọ nọọ́ unini yẹ nọ Osibina ubo iya orokoro ẹrẹn na. Nidi siye akọ nisiye fọ ba ta ọrẹ nẹnẹ wọ Osibina ọrẹ na ⁷ Yiwuru uba aya fọ ba ve yọ nẹnẹ bi ma na kenakide furo Egentili ro uba na. ⁸ Abọwọ ka atọ fọ ibe ọrọrọ kẹ yẹn ọgba akọ ti di ma bẹn ki siye akọ ọnẹ na ọnawọ ka atọ fiyafiya e siye utun mọ ọṣẹrẹ ọọrẹ. ⁹ Ẹwọra ẹpẹn nọ igule, ama idintepesi nẹnẹ ni ka aya wọ ẹfẹna ni ka ayẹ kẹ wa erero itiwu na má ṣa gure tu. ¹⁰ ma ṣa, maka fọ nayẹ yọ ekena esiyena nẹnẹ gẹga odudu nẹ ṣuwa tọ na. Ẹme jọmọ ẹfẹnẹbẹ a ma ṣa guie tero abẹ bilamo, e dina sẹ ẹnanẹ benika bẹ ṣa gure Osibina eèro na jọmọ, bile ka e gu ba furọ ìsoòsi. ¹¹ Mẹro à á, ni ma kẹ mọọẹga odudu ayẹn ti ki si ye oboro. Ẹna nẹ ẹ si yọ boro na, aba wọ Osibina ẹka; erokoro idudu abẹ e di na gbọ Osibina. ¹² Ẹdemetirusi fọ ikwa siọ ubẹdi ì nọ ero abẹ; bọ ubedi ayẹ dina wọ ikwa. ¹³ E su ẹga ọyọyọ nẹnẹ mẹnika e no gá na ama imenika ẹwọrẹ wije. ¹⁴ E dine di ka ma ka ṣana pila ṣa teke dina ma bẹ gẹga mọ ẹrẹ aba aga nọ nẹ ma tọ ga tẹrẹ abẹ ¹⁵ Osibina iwọbẹbẹrẹ aka ma ki gbẹ li nu.