1
Ei dǝm ki ɓǝ la ɓaman ka nyi nasǝ nǝng. Ei nam la a, "A i a a nyi kom vǝ Fi ɓai bagadi, ɓa le vǝ nǝ dǝ hyĩaunǝng tangsǝu ni.
2
Bie nyi cwa kom ɓǝ baifang ka, bǝ ɓǝ ei dǝ kǝ le Yuavang. Ei tam van'ngã garǝ bu fihwĩm hung'iu iriu na'iu.
3
Min dǝ tsarǝ bǝ nabi kǝ le na nwam na'iu bu 1,260 ei ya nǝng'yasǝ nyibi."
4
Le na nwa bi ɓǝ kǝ le ka zaitun na'iu ɓa le ka'djĩ-ɗua nǝ dji ci Yicueva fangwam ni.
5
Nǝ yivaka la dǝ yiɗi bǝ nauni le rǝng, ɗua i nwa le li le buei vai. Yivǝnǝ ha gwala tan hyia le rǝng ng'ɓui mangɓǝ.
6
Le na nwa nǝ la ɓai tsarǝ nǝ eing lam ɗuiye yan mǝng ba nãun daide nǝ de nakǝ bi nǝ. Le la ɓai tsarǝ nǝ ei mem mǝng kǝng hwyĩ yang ei gba fangwam ɓai le nǝngzhĩ ha yua le dǝ ɗǝ nǝ.
7
Nǝ ne tǝngkǝ bǝ nabi vǝing, yang hyĩam-ɓǝngvu nǝ i bua ni bǝ tǝngrǝu yaun nǝ wun ta ɓui ɓa le kǝ. Un tang leng tang ɓai ɓui kǝ.
8
Kwamɓui leng ei ku nǝng'ngã vang'ngã (Nǝ dǝ ɗu a Sodom ɓai Masar) ɓǝ nǝ ei pi Yicueva vai la nǝ.
9
Bu nata ɓai cũrǝ nwã, le vaka tangsǝ le zaivǝ, ɓa le nwãkava, ɓa le nwã ɓa le hyia ng ɓa le kwamɓui le, ei gwala ei cui le kwamɓui ɓǝ dzum wa.
10
Levǝnǝ ku fangwam nǝ ng li larǝn li, ei gbǝ-gbãn ku le. Eing cuo le nǝngdǝnǝng kǝ hala nǝngnǝ cue nǝ le na'nwa nǝ na'iu nǝ nauni levǝnǝ ku fangwam ni.
11
Cue bu nata ɓai ka cuani, hũrǝ tsǝ Fi wung ta sǝ leng ta yang ei i eing djirǝbu dji. Bǝ ɓiɓi tsala o ku levǝ ni ɓa le nǝ.
12
Yang eing li wui ɗuiye dǝ na le la a, "Ɓa wu bǝnǝ! Yang eing i ǝng ta ɗuiye ɓǝng le ci, le buei vai mɓa le ɓai nǝng.
13
Vie ɓi, hyuan yiyău ɓai tsakǝ, hyua nwã tangsǝ va ɓi dei, nyi levǝnǝ i bǝbi ni, ɓi mua le, ei dǝ ngãrǝ kǝ Fi nǝ ɗuiye ni.
14
Ɓa ɓaa! Yiɓai ana'iu pai. Yiɓai anata dǝ wurǝyemla.
15
Malaika a hwĩ'iu i tsuambua vau, wui ɓǝ la nabi ɓai tsa a, "Va fangwam memkǝ va vǝ Yicueva ɓing ɓai Kristi vaung, ung muana ka'ing ka'ing."
16
Nǝngɓǝ le vangã nǝ ku ku le kakurǝ ci Fi ni, ei fa ebai hyua ei hyĩau Fi.
17
Nǝngɓǝ ei na a, "Ɓi daa nkãrǝn, Yicueva Fi Angã, yivǝnǝ la ɓai yivanǝ la nǝ. A ɗǝ ngãrǝ ma a tsang, a banyi bǝ lue yiva mang.
18
Yua le kuhyua ɓankǝng, ci ma wuyang. Vie wung nǝ man cue kita kǝ levǝ nǝ la ɓui nǝ, le muangsǝm ma nǝ dǝ na nwamanǝ, levǝ nǝ dǝnyi-nyi le tsǝ mai ni, ɓa levǝ nǝ dǝ ɓiɓi ĩng ma nǝ, levǝ vangã ɓa le mong. Vi wung nǝ man nauni kǝ levǝ nǝ ɖ nauni fangwam nǝ.
19
Nǝngɓǝ va Fi ɗuiye ɓai , nǝngɓǝ ei ɓa akwama (ark) gwanwa vau tangsǝ va Fi. Le ɗua hyĩm, dǝ wa ɓai tsa, gamvau gbam, hyua yeu, nəngɓə mǝng nǝng hwãtai na ɓai tsa.