Gul 6
1
Nda Yeso i' nǝngɓǝ fa wuvah, lei muangɓuivou muacua langɓǝ.
2
Nda fiisaticue, nǝngɓǝ u' nilenasǝnǝng tangsa kumgũFih, leivǝ kpala liu' ha sǝɓi muale ha ei-na'a, U'chi bǝ ninasǝnǝngni ɓai,? U'chi yiurǝ binǝ ɓai,? nǝngcuesǝɓi ɓa deu cue ɓai naunei?
3
Nyivǝ pikanǝlou? yi Meri, ɓai yhui Yakubu, ɓai Yahuza, ɓai Saminu, ɓalei yhui a yihei nǝ ɓi cuehainilou?'' hualei ɓaisǝ Yeso.''
4
Yeso nale a ''yivǝ tawuacuamvǝFih ba chigãrǝ vahvouwau, ɓai tangsa le yhui;
5
Yeso sake bǝ cuenǝng sǝɓi kpalalou, ɓuasǝu du leina kuleivǝ nǝngʒi yang dǝ chi larǝ.
6
Ei-dʒaninisǝ Yeso lou, nǝngnǝ sǝɓimoo. Nǝngɓǝ Yeso ta'le hua'ahang dǝ ninasǝnǝng.
7
Nǝngɓǝ u ɗubǝ lei hua'irǝu na'iu ɓǝ, u fuɗi bǝ chumlei na'iu-na'iu, nǝngɓǝ u dǝle samɓai ai'ikǝ hua-aɓai.
8
U' boule a bi ei ɗǝnǝng-aka, kon nǝngtang, kon hou, kon wuaɓi tangsa tarǝvei, ɓuasǝu ƙa bana.
9
Amma ɓa bahũ, biɓa ɗǝnǝng yasǝbna'iunka.
10
U'nale a 'vahnǝha nǝɓatang, ɓakubibi, ha ɓa'ikǝ ɓa paibibi.
11
Vahnǝ ha nǝ bamuaɓau, langfǝ baliɓaun, nǝdǝɓa yibǝɓang, ɓa kuhua kabuɓa ɓa'eilela, nǝngɓǝ kǝ shaida.
12
Ei-ta dei narǝ a zaivǝ yilasǝ nǝng-aɓaivei.
13
Ei-ikǝ lei-hyua-aɓai kpala, nǝng ei-finũi kǝ levǝla kpala ei-chilarǝ.
14
yivah Hiridu libinǝ,don ing Yeso ɗabǝngha. Leivǝka dǝ na'a'' Yohana lei'babǝ-mǝng nǝngɓǝ iɓua nǝng dǝ cueleinǝng cuesǝɓinǝ.''
15
Lei-vaka na'a ''un Iliya. ''Langfǝ leivaka a nyivǝ-nabiFih akanǝ ilanǝ.
16
Da Hiridu libibǝ nǝn na'a Yohana nǝ nchumkunǝ u'in ɓua.
17
Don viɓi Hiridu u'chumbǝ, ei-mua yohana ai tseu vahbusǝna, bivǝ hei-hui Filibu nǝ u'kǝ Hiridu u'ʒanǝ.
18
Don vlɓi Yohana na Hiridu a ''lankunǝngalou, uʒa hei hui ukukǝ.
19
Yiheibǝ mua Yohana niniu, deu ƙǝbǝ nǝngã hyiarǝvou amma u bau.
20
Hiridu dǝ ɓiɓivǝ Yohana un yivǝ nǝng-agang, yivǝ biamla, nǝng u kan'nasǝu. du liurǝn yuodǝ ɓairǝsǝu, langfǝ dǝu liarǝ ɓai nini'alarǝ
21
Vi'aka wu kwaha ɓai fichirǝvǝ Hiridu, u'yuilei nǝngtang kǝ lei levangãvoula, ɓǝlei vangã-taɓuivou, ɓǝlei vangã yhua Galili.
22
Yi'ayihei vǝ Hiriduya wu œ'dang chille, u'lani Hiridu ɓǝlei ɗuwaivou. Nǝngɓǝ Yivah nau'a, ''una nǝngnǝ du yiɗi', rincueulancue.
23
U' hyui'nǝng u'na'a ''kon nɓaha dǝma yiɗi mindɑndǝ, ha ɓai wuaƙǝng vahm.''
24
Yimuayiheiɓǝ i'tasǝ nahvou, u'ɓiu' a'nɓaringũrǝsǝu? A'nau, '' ku Yohana yivǝbabǝmǝng.''
25
Tanghuaɓi, u'tasǝ Yivah, u'gũ'a u'dǝriku Yohana yivǝbabǝmǝng sosoenǝ.''
26
Nǝngnǝ vǝ'huayivahn, u'ba ulau', bivǝ nǝnghyui'nǝngnǝ ɓai leiɗuwaivou.
27
U'chum yitaɓui aka, ''utatau wukǝ ku Yohana. Yitaɓuiɓǝ tǝ chumku Yohana tangsa bursǝna.
28
U' wukǝ ku Yohana tangsa tǝ'rei, woudǝ kǝ yimuayiheiɓǝ, nǝngɓǝ u'dǝkǝ Navou.
29
Nda lei-muangɓuivou libibǝ, nǝngɓǝ weiɗǝ nisǝ Yohana ɓǝ ei cuii.
30
Lei-tawuacum, fata sǝ Yeso tǝnau nǝngnǝ cuesǝ hakpam bibini.
31
Yeso nale'a ''ɓawuka ɓãnvunǝ ɓainaɓa wuɓahũ cuoni, Don zaivǝ kpala dǝ wurǝ, dǝ pairǝ, ha ei-chinanǝ eintangkǝ nǝngnǝlou.
32
Nǝngɓǝ ei-pai tangsa fă, ei-taɓavuɓa ɓai nalekǝ.
33
Zaivǝ kpala ɓapairǝvǝin, kuma ɓale-ing, nǝngɓǝ nyamchulei ɓaiboukǝ leivah nǝha, ei-wurǝ zaivǝ kuhuanha.
34
Nda ei-wu bapi, U ɓa zaivǝ kpala nǝng u ɓa yiɓaivei don lei ɓaman nǝngboungam, yigɓărǝvei yau. Nǝngɓǝ u fuɗibǝ nilenasǝnǝng kpala.
35
Nda ɗunɗui chue, le-muangɓwevou wusǝu na'a ''Bǝnǝngn ɓǝvu, langfǝ bǝɓin,
36
A'nyamlai, ei-ta lai vah'abapi ailianǝng aka eitang.''
37
U' gwalela u'na'a, ''ɓadǝle nǝngtang ei'tang.'' Ei-nau'a, ''Ɓinba ɓinta taɓin lya kumbam denarii hunhui' na'iu, kǝɓi dǝle' ei-tang?.
38
U'nale'a, ''Nauna'ũ'naɓai?'' ta'ɓaɓa.'' Nǝngtai ɓa einau'a ''Nau na'hui ɓai yhing na'iu.''
39
U' dǝwua kǝ levǝha a'kukurǝ kǝn ɗjung kuvũ.
40
Ei-kukurǝ kǝn ɗjung; nɗung hunhui, ɓai hun'iu-irǝuhyua.
41
U' ɗǝ na'kumbam na'hui, ɓai yhing na'iu, nǝng u ɗǝ ku ye ugũFih nǝng u'cuĩ kumbambǝ u dǝkǝle muangɓuivou ei-tsakǝ leivǝla. U'tsayhingɓǝ langɓǝ kǝlelaha.
42
Lekpam ei-tang ha kǝ yuatsarǝ.
43
Ei-ɓuiniu le-chuwua kumbam, khalou-yila hyua na'iu ɓai yhingɓǝ langɓǝ.
44
Zaivǝ nǝ tangnǝnǝng lei Hunhui hyua'na'hui.
45
Tanghyua'ɓi, Yeso nalei muangɓui ei ta tangsa ƒa, ei-hya ei-ta gum'a Bethsaida ei-yiri. U yawua kǝ zaivǝ pai.
46
Nda ei- pai, U' ta tu tsũ tei u gũFih.
47
Ɗunɗui cue, ƒa ɓǝ ta nini'mǝng wuam, u ɓain ɗʒau gum.
48
Nda u ɓa dǝi cueyiɓai ɓai ƒa, a'arǝ, bisǝu hyua paisamɓaivai. Ɗǝchibǝ cue tangsa ɓi' nanyã, nǝngɓǝ u hookumǝng u wu kasǝlei, u'cue ɓama dǝu paisǝle.
49
Nda eiɓua du hookuwuam, dei ɓana'kǝtei hyua nǝngɓǝ ei boubo,
50
Bisǝu ei-ɓa nǝngɓǝ sǝɓimuale. Tanghyuaɓi u'naɓi ɓalekǝ u'nale a, ''Ɓa tsanini, nmi! Biɓa ɓiɓinka!''
51
U' tatangsa ƒa ɗuhei ɓǝlekǝ, nǝng hyua ɗʒihua bǝ warǝ. lekpam sǝɓi muale.
52
Ei iɓǝ bi kumbam nǝlau, langfǝ ninile lamǝng.
53
Nda ei hya ei ta gum wuam, ei-ta hua Janisarata, ei tsa ƒavei wuangwam.
54
Ei chũ tangsa ƒa, zaivǝ kpala i'bǝle tanghua,
55
nǝng ei huiɗjum ei talekuhuaha dei wukǝ leivǝ nǝngɗʒi kǝbǝnǝ ei-li sǝulanǝ.
56
Bǝnǝha u talaha, levah-ahang, ko levah-angã, kon kuhuayang, ei ɓuilevǝ nǝngɗʒi dei wukǝ faangã. Dei gũ a u yile tam nǝngyasǝvou, lenǝha nei tanyang dei chilarǝ.