¹ Eghe agọn ba, ada gbo kie mi okpebho, bhi sọ le, ọda taman ele. ² Imen mon itanan rẹ ji ọni okpebho nan ramide, eda sẹyẹ nẹ men dia bhi eni ikpede ea bi ebha li ebale. ³ Imen h je le ha khi uwa non sele, ebha da li ebale, irio, arọmiẹn eki dere bhi uwedẹ ran mu de, eso bhi ewe ele no di urele vae. ⁴ Odibo ne sọlẹ da wanonlen, ji iman ha da min ekala non bunbun bhi agba ẹbholo non dia yau, non ha sabọ khon eni ebho nan?'' ⁵ da non ele,eki ekala bha mọnlen? Eda tale, "Ihilon" ⁶ Oda taman eniokpẹbholo ne do tọa bhi otọ ọda hẹ eni ekala ihinlọn, ri ekhuẹnmen, khuenon ọni ekala a. da bi ọli ni odini eni okpẹbholo. ⁷ Eda sẹye ha mon ikpi ehenlen non khere eso, ọki ri ekhuenmen bho fo, ọda taman odibo ne sọle ne seye ghale. ⁸ Eda le, bi eda khon, eda bi enekẹre non guọ guọa, okhuale non, bhaile ihinlon. ⁹ Ebhobhi eni ha yi bọsi uli-enen. Okuese, oda ji ele da ha rie. ¹⁰ Egheni egheni, ọda de ba pdibo ne sọlẹ na bhi okọ, eda ha khin otọ idalmanuta. ¹¹ Okuọ se eni Ipharisi,nole ha gbugan ele da guani aman nọn ni eguaosẹ vae,nele re donmon ọlẹ. ¹² Oda maman len bhi orion non sọlẹ, oda tale, bezẹle nan da mien agbon irenan,emi ọhanilolo eguanọ? ẹmuata imen taman uwe ọhanilolo ri bho nan ha rẹni agbon-ire nan. ¹³ Egheni, ọda zele obọ, na bhi okọ kike, gkin obọ non kele. ¹⁴ Imiyan eni odibo ki da yelea rẹ ni ekala monlen. Bha ha monlen gbera uru ekala ọkpa non ha nele bhi okọ. ¹⁵ Oda jele, tale, bha ha ghe, muegbe re ji ugbeloghe si emi ebala non si Ipharisi bi ọsi iherod. ¹⁶ Eni odibo da negbe zi ilolo, iranmude ekale iri man bhọ be zẹ. ¹⁷ Ijesu kika loin ọnan,ọda taman ele, bezele ni ibha da ria eria ranmude de ekala ribhọ? Obha sẹ viohi su ibha? uwe bha len Iriọ ọkhọlẹ non sẹ bẹ gbi? ¹⁸ Uwẹ mon ẹlolo, uwe hi daghe uwe mon ẹhọ, uwe hi hemọnlẹn? uwe bha ye yelere? ¹⁹ Eghele ni imin ki rẹ khuen ni ọni uru ọlẹisen rẹ ji eni uli-esen, eki okhuale si ekala ne khuen nen kua uwe rolẹ si bhi otọ re? eda taman len, "Igheva'' ²⁰ Eghele ni imen ki re khuen ni ọni uru ọlẹ ihinlon rẹ ji eni uli-enen, eki okhuale si ekala ne khuen nen kua uwẹ rọlẹ si bhi otọ re? eda taman len, "Ihimlon'' ²¹ Ọda tale, "uwẹ bha sẹye len? ²² Eda vae bhiIbethsaida. Ebho ne ri bhi eni da mu okpia nọn ruelolo ji ọlẹ, eda bhi Ijesu non ri obọ su olẹ. ²³ Ijesu da mu oni okpia nọn ru ẹlolo mon bhi obọ si bhi ọni igule re. Eghele nọn ki rẹ tu ẹselẹn ọlẹ bhi elolo bi eghele non ọlẹ ki re ri obọ yanlen, ọlẹ dan nọn ọlẹ, "uwe be da ghe emi soso? ²⁴ Oda ghe okhulun, ọda tale, imen da ghe ikpia ne dia bi eran ne khian. ²⁵ Egheni, Oda kie ri obọ yanlen uki ẹlolo, ọni okpia da tuji ẹlolo non ọsole a, udaghe non sọlẹ da kiere, bi ọda daghe emin rebhe khiakhia non sen. ²⁶ Ijesu da ji ọlẹ akhin uwa non sọlẹ bi ọda tamanlen, "E na bhi ọni ahba ẹbholo ni." ²⁷ Ijesu da dokere bu odibo nonsọlẹ bhi igule non si ikaesaria bhi filippi. Eghele nele ki re khain, ọda non odibo non sọle, kọ eni ẹbholo tale imen khin? ²⁸ Ena wanọn len, tale, Ijoni ọnon mi amẹn enekele ọlẹ, "Elija; bi eni ekẹle, "Okpa bhi Osakhasẹ." ²⁹ Oda non ele, bo no ki dia rio, ko uwe ki yọlẹ imen khin? "Ipita da taman len, "uwe hi ọni Ikristi. ³⁰ Ijedu da si ekhale ni ele, he taman ọria soso emon ọlẹ. ³¹ Oda muke ha lue ele leghe, omi Osenubula de mamman wọ li Oya bhi emi nọn bunbun bi eni edion ki họlẹ, bi eni oji-ohen bi ene gbi ebe bhi otọ, bi ele ki gbọ lea, ikpẹdẹ ea ki gbe ra, ọlẹ ki kpaọ si bhi idin re. ³² Oda wọ tale, khiakhia lea. Egheni Ipita da mu da olẹ obọ, si bhi eni re, oda he nan lẹn. ³³ Okpa ki non, Ijesu fi ọdenegbe ghe eni ọdibo non sole, bi egheni ọda he ni Ipita, oda tale, "diọ bhi ikeke men, alimi-ebe! uwe bha dia okhole obhi eni emi non si Osenubula, ọkpa ki non, bhi emi non si eni ebho. ³⁴ Egheni ọda tatie eru okpebholo bi eni odibo non sọlẹ kugbe, ọda taman ele, ọnon ki rẹ khi nọn ho non rekhan imen, oki he egbe non ọsọle, mu oran ugbugbe non ọsole okhun rẹkhan imen. ³⁵ Ranmude, onon ho himin egbe nọn sọlo ọki nion len, bi ọnon ki re khin non mu iyenle fia ranmude imen bi ran mu di ẹmonlen non si Osenubula, oki himon len. ³⁶ Bo khi ni ọria ha mien bho, si onan min onin agbonan bhi elele? ³⁷ Bo khin ni ọria ha sabọ rere, non re min iyenlen non sọlẹ fan? ³⁸ Onon ki re khin ni ẹkho imen alo, bi ẹmonlen non si imen, bhi oni agbon si irenan ni emi ebe vuonlen bi odanlu, ọni omin Osenubula ki ha mon ẹkhole re ji ọle isade ọlẹ na vae bhi oriri non si aba bi ikhiale non si ehi.