1
E gbi osughu eghegha rẹ khe fo, ipaul etei ididbo sọ ọ rẹ ri utoto ni yẹ, ọ ghue re ma lọ kh mi egbe ọ rẹ khiọ re.
2
E gbo khe khiọ ọ ni ẹwo ọ rẹ vbare igiriki.
3
E gbọ dia nwọ ukhin eeya, eya si iju rẹ mani ekhẹ nwọ e gbo kho lọ yi isyria, ọ rẹ khe yi imacedonia.
4
Eya le rẹkhian ọọn li khi ovbi isopatar si ipyrrhus si iberea; iaristachus gbi isecundus, e nyiẹ evbe-vba za eya le miekhọn si ithessalonicavbare; Gaius si iderbe; itimoti gbi itychicus gbi itrophimus e za iasia vbare.
5
E ni imọkhe na e khe kpao khiọ re khẹ ma, e muza khẹ ma itroas.
6
E za iphilipi khiọ, ukpẹ ma ikhen ma vbare itroas. E wọ ma dia ikpẹ ikhen.
7
Ukpẹ lọ kpao si ọsẹ, e gbo khokho re e lọ ei ọsueko, ipọlu, ghue miẹ eya le miekhiọn, ọ kho lọ khiọ re ukpẹ nọ, ọ rẹ ghui ẹmọata miẹ yẹ di enwa.
8
Urukpa le gbu za ra ẹkhẹ we le khokho re.
9
Ọmọkhe za dia iface la etie ieutychus, lọ za mẹkhẹn. E gbi ipọlu kpẹ ghui eta, ọ ni ọmọkhe na za kpẹ mẹkhẹn ọ za ukhumi ighue da re ọ rẹ wu.
10
Ipọlu yi okpotọ, ọ rẹ nwọ ma egbe. Ọ rẹ ghue re, ''E gbiokhian, ama ọ ra agbon.''
11
Ọ rẹ yi okhumi ọ rẹ khoji ọsueko ọ rẹ ee. Ọ rẹ khiọ re ukpẹ nọ.
12
Ọ ni ọgbọma rẹ tiegbe vbare agbon, e za rẹ mọ eghọghọn.
13
I ma rẹ kpao ni ipọ̵lu yi iasso, e gbi ipọlu lọ za rẹkhian ma o okhọ.
14
E gbọ gha ma ze iasso, ma rẹ yi imitylene.
15
Ma rẹ khiọ re ma rẹ di iehios ukpẹ nọ. Ukpẹ nọ ma rẹ yi isamos, ukpẹ la khe gbo miẹ ma rẹ yi ẹwo si imiletus.
16
Ipọlu khe ghue re yọ ọ lọ yi iehphesus, ọ kho lọ yi iasia; gba mọ ọ za kho lọ yi ijerusalem gba mọ isese si iju.
17
Rẹza imiletus ọ ji eya yi iephesus ọ rẹ etie idiọma si ọsẹ.
18
E gbe vbare, ọ ghue miẹ yẹ, nwa ẹẹn, re za ukpẹ li o iasia, e gbi kpa je nwa nyee.
19
I kpẹ ri udu mẹ eghegha gi ọlọmọema rẹ khi e gbi iju rẹ mani ekhẹn mu mẹ.
20
Nwa ẹẹn e gbi ri emina gbegbe nwa kho na wa, gbi e gbi vbiẹ nwa,
21
Rẹ ji iju gbi igiriki ẹ mọ igbekua si ọghẹna gbi amieghọn si ọlọmọema Ijesu.
22
Ghuo, i lọ yi ijerusalem, gbi etilọkurlan, i ẹẹn e ma lọ miẹ.
23
Ama etilọkurlan do kpai ọ lọ ma ti ghue miẹ mẹ ẹsion lọ mu za khẹ mẹ.
24
I khọkhọ agbon mẹ emina soso rẹ ji mẹ, a kha ga ze i lọ ma ti fo ogbọ ogbia li za ogbọ si ọlọmọema Ijesu mie, li rẹ ghui ẹmọata si ese ọkhẹn si ọghẹna.
25
Nwa ghuo, i ẹẹn nwa eghegha, li ma kha gba vbue-vbue ẹ mo ije ọghẹna, nwa kha mi arho mẹ.
26
I ghue miẹ nwa ukpẹ na, yọ imọ ogbọ yọ ọ ni ẹrlo si ọmọkhe soso.
27
I se khin egbe mẹ rẹ vbue-vbue ẹmọata si ọghẹna na wa.
28
Nwa khuegbe ọọ si egbe nwa, gbi eya li etilọkurlan khe rẹ na wa ọsẹ gbegbe. Nwa khugbe ọọ si eya si ọsẹ si ọghẹna, lọ ri ẹrlo sọ dẹ.
29
I ẹẹn i kha khiọ re, eya lebe lọ vbare use sa nwa e rẹ ri ukpo-kpomi na nwa.
30
I ẹẹn yọ ẹkhẹ use sa nwa eya lọ kho e rẹ ri urlolo fiọ otọ li idibo e so rẹ rẹkhian yẹ.
31
Nwa nwegbe. Nwa ẹẹn ukpe eeya e sẹ mu za ẹmọata li ghue miẹ nwa gbegbe.
32
I rẹ nwa yọ ogbọ si ọghẹn gbi ese ọkhẹn sọ, inyiọ ọ lọ ma ti utoto nya nwa li nwa rẹ ma ti ri ọsẹ na khian.
33
E sẹ mie ọya soso emina ọso.
34
Nwa ẹẹn e li kpa ji egbe mẹ gbi eya gbe le rẹkhian mẹ.
35
I rẹ miẹ nwa, yọ nwa kpa ji eya li amieghọn si yẹ gbe toto, gbi nwa lọ rẹ yere ẹmọata si ọlọmọema ijesu, ẹ mọ lọ ghue re: E lọ khume lu rẹ ni ọya dan u mie''.
36
E gbọ ghui ẹmọ na ne, ọdighua e rẹ kho gbadua.
37
Eya za vbiẹẹ e re za fa nwọ.
38
E sẹ khe za ghọghọ gba mọ e mọ ghue, yọ e kha gbo mio. E rẹ rẹkhian ọọn yi e gbi okhọ e.