¹ Nyẹnẹ ọlọse ẹkẹ antiọk, emọi imiarlo bi elevbie eso evbi Ibanabasi, isimiọ (la eti Niaja), lusiuos si siari, mane (ọli vbomiẹ si ihẹrodi, lọ vbi itẹba), bi sọlu. ² Eberẹ gha ọlọmọima bi efiazemi, eti lọkurlan ghuere, " ri Ibanabas bi Sọlu ajukọ nẹ mẹ, le ẹ ekhien ọbia rẹ ji li za etie inyẹ" ³ Ebe rẹ faizemi bi egbadua le, bi erobọ sinyẹ svbi elemọkhe na, e ji inyẹ. ⁴ Ibanabas, bi Sọlu, ebi etilọkurln ke rẹ jinyẹ eyẹ vbo si sẹlusia, rẹ zani eye vbo si siaprọs. ⁵ Ebe rẹ rai ẹkẹ ẹvbo si salamis, evbevbe ẹmọ sọ Ọghẹna ẹkẹ ebazagha seli Jusi, egbo ri Ijọni gvbegbe lọ za kpajinyẹ. ⁶ Ebe re shain ẹvbo gbegbe si islandi yi Pafọs, emie, ọlọekhien mina ọdọdan ọkpa, imiarlo sekhẹn si ijus, li eni sọi khi bar Jesu. Ọlọekhien ọdọdan na ọ rẹgvbe ọliprokọnsu, sẹgiọs pọlulọs, lo vbi ọlọ mọi ẹghuan. ⁷ Ọlọmọkhena etie Ibanabas bi sọlu, bamọi ọkẹ kho lọ khọn ẹmọ sọghẹna. ⁸ Ama Elima, " ọlọekhien ọdọdan" ( inyọ khi eni sọi dele) ọkhinyẹ, ọ ekhien lọ re deli ọli Prọkọnsul shọi miekhọn. ⁹ Ama Isọlu, la etie Ipọlu, gvbe etilọkurlọn lọ rai ẹkẹ inyọ ọ gho ọ nẹsenẹse. ¹⁰ Ọrẹ ghuere, " unyọmọ si esu, utiemi sọdọdani bi ọbe lọ vọn ẹkẹ vbe, uki ọya ọbe rẹji emekhai gbegbe. Ukha ja lu ke dele ukpodẹ oshosimi si ọlọmọima, eru lọ ubinyo?" ¹¹ Nyẹnẹ gho, obọ si ọlọmọima rai ovbẹ, bi eru lo roarlo, u kha mio vọn ẹgẹgẹ eso". ẹjẹje ukpobi de fiọ Elimas; ọke shasha kho eya le lọ ro bọ si rẹshain. ¹² Ebi ọli Pronọsul mie emọ ekhien, omiekhọn, bamọi ọnyunua yọ uvbiẹmi lọvbi sọghẹna. ¹³ Nyẹnẹ Ipọlu bi ọmọsọi eshọi Pafọs erẹ vare ipẹga ẹkẹ Pamfilia. Ama Ijọni sinyẹ vbọ dele yi Ijerusalẹm. ¹⁴ Pọlu bi emo sinyọ eshọi ẹvba si pẹga re erẹ vare Antiọk i Ipisidoa. Ani e shan yi ẹkẹ ebaza gha eke Ereliẹfetiya erẹ ja. ¹⁵ Ebe rẹ zi ẹmọ si ukhi bi imiarlo, elereya sha ẹkẹ ebazagha eju khumi jinyẹ, eghuere, "omiẹma, akha gaze umọi ẹmọ si inwurude ni eya na, ghuọi re," ¹⁶ Ipọlu ke rẹ damuza ọ ninobo khuae, ọghuere, " emọkhe si izeri bi ovbẹ lu lofẹ sọghẹna, rekho yotọ. ¹⁷ Ọghẹna si eya na si izeri ọzi erama bi ọ rinyẹ bu ebe raja ẹkẹ ẹvbo si igibiti, bi rẹshain abọ lọ khua, ọ da inye sọ vbọ re. ¹⁸ Ama rẹdi ukpe igbede ọ khuẹ inyọ ẹkẹ ọdagbe. ¹⁹ Ebo ke rẹ gbi agbọn ikhiọn ẹkẹ ọlẹvbo si kena, ọri ni eya ma otọsinyẹ lọ khi sinye. ²⁰ Elemina na e ekhien rẹshain ukpe si 450. ebe na rẹ gbe relẹ, Ọghẹna ri eleghuẹzọi rẹdi Isamuẹl. ²¹ Ama eleya ke rẹ kho oje, Ọghẹna kere ri Isọlu unyọmọ si Kish, ọmọkhe si ẹvbo si ibẹjami, lọ ki oje rẹdi ukpe igbe ele. ²² Ebi Ọghẹna ke rẹ rọi shọi oje rẹ ọ ri iendi re lọrẹ ki oje sinyẹ rẹji ẹmọ si devidi li Ọghẹna ke ghuere, i khe mi idevid unyọmọ si Ijesi lọ rẹ rọmọkhe si udu mẹ, lọ ekhien emina gbegbe li kho lọ ekhien. ²³ Rẹshai amai rai sọmọkhe ra Ọghẹna ro ji izeri ọlọlọ suminye, Ijesu, abi inyọ ghuere ọlọkhien. ²⁴ Kparlo khe ẹgẹgẹ li Jesu vare, Ijọni vbevbe isamẹ si adelunwe rẹ jeya si izeri. ²⁵ Ebi Ijọni rẹ biabia sọifo, ọghuere, ọ vbe ye i wi? i vbolọya. Ama ta ekho ya, Ọya vade li ibada sọi i kha mati tunyi kpi sọi ya. ²⁶ Omiẹma, iyekhan si amai rai si Abrahamu bi eya le rai ẹkẹ esẹ savba le lofẹ Ọghẹna, rẹji ma li ọluhumi si usumemi ake je ọ ji. ²⁷ Ama eya le ja ẹkẹ Ijerusalẹm bi ele inyẹ shan esẹ ẹ inyọ, bi ere ri urorlo si imiarlo la zẹ ereliefetia ghẹghẹ gbegbe gha, abe rainyọ ya. ²⁸ Akha ke rẹ miẹ esẹ mọi emọ ye ọwu la rẹ igbọi, e etie Ipaleti lọgbọ inyọ. ²⁹ Ebe ke rẹ ehien rẹ gha ema viọ Isiọ, e da ọ shọi ọlora re, era rinyọ ẹkẹ idi. ³⁰ Ama erọghẹna shọi ẹkẹ elewu re. ³¹ Amiọ ukpe le bu, rẹshain eya le rẹshain inyọ shọi galili re rẹ di ierusalẹm, eje ya na nyẹnẹ eke ki ọsẹyi rẹ je ya. ³² Ama ma ke ghua ọlẹmọ si ẹmọarlo lọhume lọgbọn, ọli emọ Ọghẹna ta ọlu wu ọvare ji erama's. ³³ Ọke rẹ gha nama, iyekha sinyẹ, ebọ rẹ rọi shọi elewu re. aba viọ ẹkẹ isami sevai ukhi unyọmọmẹ, ẹna i ke ki erai. ³⁴ Yọ ọ rọi shọi elewu re lọ gbo ye vbọ, Ọghẹna ke ghọleta rẹshai ukpo dẹna, i lọ ri ọlọkhai bi nyama linyo ilọ ekhien rẹji idevidi. ³⁵ Bamọi ọna oke ghue ẹkẹ isami ọvbe, ukha zi unyomọ sẹ lọkhai sẹ lọkhai rẹ mi urimi. ³⁶ Ama ebi idevidi ke re ekhien emọghẹna kho lọ ekhien ẹkẹ araimi sọi. Ọmu; a rọi to gvbe erai sọi bi egbe sọi o rai. ³⁷ Ama ọlọya li ọghẹna reshọi elewure egbe sọi sẹ rai. ³⁸ Ama omiema, uba ke ẹn, rẹ shain ọlọmọkhe na lo vbevbe rẹji ugbekvba oi ese. ³⁹ Rẹshain inyẹ eya gbegbe le miẹkhọn ọ ke ni fa vbo. ⁴⁰ Ama ẹn shan li emi imiarlo ke ghue lu kha miẹ ọ. ⁴¹ Gho, vbavba li vba rarlo gbeya, uynua, lukpẹ fua, ama ikeribia vade ukpe vba obia lu kha "miekhọn yọ vbo ghoe, oyah ọkha ma ghuọ miẹovbẹ." ⁴² Ebi Ipọlu bi banabas ke rẹ shore, eleya avba bọ ninyẹ le rẹ gbo ghueta ni na evbẹfetia lọ vade. ⁴³ Ebi ọlokoko re ke re vẹn, eya le bu si Ijusi bi Iprosititu e rẹkhian Ipọlu bi banabas, le ke ghueta bi egu minye la kpe rai ẹkẹ esẹọhẹn sọghẹna ⁴⁴ Ọli erlefietia ke rẹ vare, ikore sọ lẹ vbo gbegbe ekokore le khọn ẹmọ si ọlọmọima. ⁴⁵ Ebi eli Jusi mie le ya, erẹmoi itẹ oje, bi ere ghueta tebe re ji emina li Polu ghure, erẹ khueya. ⁴⁶ Ama Ipọlu bi banabas esẹ lofẹ e ghure "ọ ke jọ ọvbọ, la kparlo ghumiẹ vba ẹmọ sọghẹna, aba ke rẹmiẹ vba kurbọi shọi egbevba rẹ bi vba ye yọ vba sẹ vbi si agbọn si rẹlẹrẹlẹ, ghe, erimarlo dele rẹji igeta. ⁴⁷ Ama inyọ ọlọmọima ke rukhi na mai, ọghuere, i ke ro vbẹ khi ukhiọn ni igete, lovbẹ rẹ ri usumemi rẹji uhumagbọn." ⁴⁸ Ebi igetasi khọn na, egọngọn, ere rọkhai ni ẹmọ si ọlọmọima eya le bu la ke re dẹ ri ji aghọn si rẹlẹrẹlẹ emiekhọn. ⁴⁹ Ọlẹmọ si ọlọmọimai ọkeyi devbo gbegbe. ⁵⁰ Ama elijus ẹkẹ ekhien elikposo li khua bi emọkhe le rẹ lẹvbo ni shan, le re mama ikhua khuame, ẹshọn rẹ ji Ipọlu bi banabas, e fi nyẹ shọi ẹvbo sinye re. ⁵¹ Ama Ipọlu ana banabas, e kali edabu shȯi aghuẹ sinyẹ re rẹji inyẹ, ere yi ẹvbo si Ikonium. ⁵² Eli dibo ke re mọi egọngọn bi rẹ gvbe etilọkurlan.