¹ Nyẹnẹ rẹ yọ arẹmie si eya le khai sọghẹna: ebi gvbi elọsẹ si iyalitia, inyọ vba le gbo wu. ² Yọ ukpẹ lọkparlo ẹkẹ ọsẹ, vba ọ̣takpọ - kpa lọ ke remina ja jọ rẹ ya arlo. Ehien ọnọ laremie ema lọ le erai u i kha vare.. ³ I kha vare, reji ọlovbẹ zẹ, i lọ ri ebi li vi si, arẹ ẹn ji inyẹ bi i lọ jinye gvbe emekhume sẹ rẹ yi ẹvba si Ijẹrusalẹm. ⁴ Ọ kha jọ ọvbọ li mẹmẹ gba lẹ, ẹrọ rẹkhain mẹ lẹ. ⁵ Ama eri lọ vare jo vbẹ, ẹgẹgẹ li shai imakedoni. ⁶ Ama era lọ meti miẹ ja kpẹ ọvbe, ama ẹgẹgẹ li ọkhuakhua fi, lu rẹ kpajẹ mẹ yo ebo liye, ebi lọ ye gbegbe. ⁷ Ama i kho mẹ mie abi mẹ ralẹ dokpai. Ama ikho mẹjo kpe ẹgẹgẹ li khua, ọlọmọi ma kha kho inyẹ. ⁸ Ama eri lọja ẹkẹ vba si ẹfisọs rẹ di ipẹtikọs. ⁹ Ama unọr li khua ake tunjọi nẹ mẹ, ama eya le be lọ be ebu. ¹⁰ Nyẹnẹ itimoti kha vare, ghọ yọ ọri udu gbegbe rẹ ja kpẹ, ama erọ bio bia si ọlọmọmia abimẹmẹ ekhien. ¹¹ li ọya sọso gha ọyọerọ kere, kpajọ yọ ukpodẹ sọi ẹkẹ ọfure, linyọrẹ bu mẹ re. Ama eri nwegbe khẹ inyo lọ vare gvbe elemiẹma. ¹² Nyẹnẹ rẹ yọ omiema iapolọs, i ghue mọi lọ vare gvbe elomiẹmai. Ama ọsẹ vbi isinyọ lọ rẹ vare nyẹnẹ. ama e ro lọ vare ọlẹgẹgẹ kha sẹ. ¹³ Za gho, muza nẹse ẹkẹ miekhọn, nyunwe rebi, ọmọkhe, ẹ toto. ¹⁴ Li emu ekhien gbegbe ehien eke ukhumẹkẹ. ¹⁵ Eru ẹn ighue si stẹfama,yọ ele vbi ukpekọmọi lọ kparlo si Akọi, bi eke regbinye rẹ ji ọbia si eya le kurlo sọghẹna. ¹⁶ Nyẹnẹ i kho, omiẹmẹ. Vba degbe reji eya linyọ bi rẹji eya gbegbe le kpajẹ ẹkẹ obia ẹkẹ olobia bi lọ bia gvbe mai. ¹⁷ I ke ghọnghọn yo ivade si istẹfanas, fọtunatos, bi Akia. eke vare bamọi ura ana. ¹⁸ Ama e ke re eti me bi ise ki Ọgbọn. Ama e ya la binyẹ. ¹⁹ Elọsẹ si asia e mwẹ vba. Iakhuila bi iprika ọrnwẹ vbẹ ẹkẹ ọlọmọima bi ọsẹ lọ rai evbo sinyẹ. ²⁰ Eleomiẹma ernwe ọvbẹ, rnwe egbe vba gvbe imimiunu lo khai. ²¹ Mẹmẹ, Ipọlu izobẹ me vie na. ²² Ọya sọso kha rai vbọ lose mọi ukhumẹkẹ ni ọlọmọimai, la khue ọ. ²³ Ọlọmọima, vare! Olo esẹọhẹn si ọlọmọima Ijesu re gvbe ovbẹ. ²⁴ Ikhumẹkẹ se mẹ rẹ gvbe vba gbegbe ẹkẹ Ikristi Ijesu.