¹ Akha mie izi urolo si emekhe bi isajukọ. Ama akha gaze i sẹ mọi ukhumẹkẹ, emina lọgha okeke li ke wu. ² Akharmiẹ i mọi eme khu si imirlo bi ẹghuan la khe, bi imọi miekhẹn lọ lọ mati rudoko shọ ota re. Ama akha gaze isẹ mọi ukhumẹkẹ, ivbe mina sọso. ³ Akha mie i ke ri emina le bu sẹme ni eya le sẹ mọi egho, bi i re gbe mẹ rẹ la rẹ to ọi. Ama, akha miė isẹ mọi i khumẹkẹ, i sẹ mie mina sọso ⁴ Ikhumẹkẹ erọ mọi arobọgbalẹkẹ bi olẹse. Ikhumẹkẹ ọ sẹ mọi imọerlo sọi ya bi ọ sẹ degbon, ọ daiegbe khua e. ⁵ Bi ọmọi ekpẹ, ọ khoi i sẹgbọi. Ọ royọ udu emeya ke vbọi i sọ be. ⁶ Ọ ghọghọ yọ eme sẹ khai, ama Ọghọghọn yọ ata. ⁷ E ri ukhumẹkẹ emina gbegbe, o miekhọn se mina gbegbe, o rudu yọ emina gbegbe, bi erọ regbemiẹ mina gbegbe. ⁸ Ukhumẹkẹ ọ fo, akha mi imiarlo, ere lọ ralẹ. Akha mi urolo, e re lọ fo, akha mi ẹghuan, ere lọ gbe ralẹ. ⁹ Ama eri ma ẹn eso bi eri ma miarlo se eso. ¹⁰ Ama ọlọgha kha vare, ọlọ sẹ gha erọ lọ gbe ralẹ. ¹¹ Abi ọlọgha kha vare, ọlọ sẹ gha erọ lọ gbe ralẹ. Abi rẹ vbi unyọmọ, i gvbeta rẹbi unyọmọ, iye ẹbi unyọmọ, i ehien ẹbi unyọmọ, ebi rẹ vbi ọmọkhe, i ke re unwe si unyọmọ fia. ¹² Ama nyẹnẹ ma mi ukpodẹ ọvbe ẹkẹ ukubgbe, ama ki vbi arlo bi arlo. nyẹnẹ i ẹn eso, ama i lọ ke ẹn nẹse nẹse abe ya ke ẹn mė nẹsenẹse. ¹³ Ama elemina na eya ekọ re; imiekhọn, ikhumẹkẹ, bi aruduọ. Ama ọlọkhua lẹ lọ khi ukhumẹkẹ.