¹ Ini ọkụshi ẹnẹ, ljọọnụ ọsami, ọ vẹ ini ụnọmi ljụdiya, dọ ka irenụbe-ọiza ka, ² "Rinẹ varama, fụvọki ijọva ineekụ ọ kavape." ³ Fụvọki ọnọvi ọza ana ka irẹyi aani zirẹngwụ Aizaya ọkisẹ ka, "Ọ nyi ọngwẹ ọza ọnya, o ne nowụ ini ụnọmi ka, "Teni oze Ananyiyi tẹtẹ, Teni oze aani doti ọvọrọ ẹtẹrẹ.'" ⁴ Ọmẹyani, Ijọọnụ ene chire aụrụ ana si ẹyi lrankụmi shi ita aani, dọ zẹ si ibaanụ ụpa kara ọtẹ aani. Akụvariva ọnri ẹfụ ọnọvi isari aani. ⁵ Ani Ijerụsnẹmụ ọnri ani Ijụdiya bo bẹri ani irẹkụra nin bo ana varakara okụfa ljọdani ẹẹ tụra na. ⁶ Ẹ dụvọ aichama nini, dọ mi isami yụ wa ini okụfa Ijọdani. ⁷ Ama, o me re ka Ifarisi nin ọnri Isadụsi ẹrụrụ ẹ kava vẹ, ki ẹnị ava mi isami, dọ ka yụ wa ka, "Ẹwụ nini ezi ibe, ẹnẹ ka wụ ọnọ nini ki we zụe fini ọikụ Oshomoshi anaa vẹ?" ⁸ Tụ ẹtụtụ, ana va siọ zụ kụ we rinẹ varama nini da. ⁹ Asụ ụ ne roo, dụ wa ka ini akaakana awụ nini ka, 'Yaa nyi Abrahamụ anavi adayi da.' Di ma ka yụ wụ nini ka, Oshomoshi va zụ si irẹta ẹnẹni vara ezi yi Abrahamụ. ¹⁰ Ini ọmẹyani, a si iraga pe ẹpa ọchi nin da, fụvavọ, ọchi bo ana ra zi tụ ẹtụtụ ọiza, vana vaa ma, de nee ngwụ ini ira. ¹¹ Ẹmi vana si enyi mi isami yụ wụ nini doti we rinẹ varama nin. Ama, ọza anaa vẹ inaama mi, ọọ bani fụ mi, ma zi ya ọza ọnọ vọrọ ka ochema ivata aani. Ọni ọnọ vaa si ifẹ ọnini bẹri ira mẹ isami yụ wụ nini. ¹² O teni ̣opo ọnri ọpẹpẹ aani chauvọ da, ọnọ va sii tụ akụ, do ve peshe ẹtẹrẹ, do pere akụ tụni ụfọ aani, ama afẹchi vọnọ vaa rira ini ira ene rei zụe mi poro-pooro. ¹³ Ụmọnọ di Ijesụ fụri Iganini vini okụfa Ijọdani ve tụ Ijọọnụ, doti ọ mi isami yọni. ¹⁴ Ama, di Ijọọnụ ka, "Eeye ẹwụ ọnọ vọrọ kọ mi isami yi mi, dụ waa vi ida mi?" ¹⁵ Di Ijesụ voshi ka, "Navọ doti ọ vọọ ya, fụvọki ọọ vọrọ ki ya si isẹnẹ sẹrẹ bo vini ọmimẹ." Di Ijọọnụ vaa zẹ yọ. ¹⁶ A mẹ mi isami yi Ijesụ kẹnẹ, dọ tụ fini enyi vẹ. Re, a mẹ fụ ineekụ sha yọ, do re ifẹ ọnini ka o chi vẹ, venebiri obenekụkụ, dọ ve kụo. ¹⁷ Re, ọngwẹ ọ vẹ fụri ineekụ ka, "Ozi ami ọnim ngwụayani yi, inẹ ami oshine tụo kokoro."