¹ Ijesu mẹ jinẹ fini Itẹmpụrụ, dọ naa inoze. De eziafụ aani vetụo, dẹ si ireshi Itẹmpụrụ zụọ. ² Dọ tụoshi, dọ kaa yụ wa ka, "Avụ we re isa ẹnẹni?" Ini irẹiza, ma kaa yụ wụ, ọzi nyi irẹta ọnya ana vaa vọ tụrọsa ụmọnọ re wụ nyẹte." ³ Ọ mẹ yatụ tụni irẹsụfa Onivi, dị eziafụ aani bebe vetụo, dẹ kaa yọ ka,"Ka yi yi ẹfi ọni isẹnẹni va tụrẹsụ?" "Yere ami ọni ve re ini ọvivẹ ọnụ va varama vẹ, ọnri ini ọikọta ẹshẹ ọni ya?" ⁴ Ijesu o voshi ka, "zẹngwụ awụ nini doti a si ọza va za wu nin nyeyi. ⁵ Fụvọka aza ẹrụrụ vaa vẹ ini irẹsha mi, dẹ ka, 'Ẹ ma vi Ikristi,' dẹ va za aza ẹrụrụ nyeyi. ⁶ Ụ vaa wụọsha irẹkụ ọnri irenụbe ọi irẹkụ. Ree, asu navọ ka chire ụ angwa, isẹnẹ bo vaa mẹ, ama ọikọta ọi titụ. ⁷ Irẹkụra va kụẹte tu irẹkụra ọnri ki ijọva zẹ va kụẹtẹ tụ ijọva. Ọshashi va yi inaani ọnri ka ẹtẹ va jagodo ini irasha renyi renyi. ⁸ Ama isa ẹnẹni bo, ee venebiri ọnyẹnẹ ọna shẹshẹ aa barẹyẹ. ⁹ A vaa tụ wụvọ tụni ụyọọri, dẹ zẹ wụ ụ. Anẹshẹ bo vaa kụayi awụ fụvi irẹsha ami. ¹⁰ Inaani aza ẹrụrụ vaa sẹdụ finị ọdọwụ, dẹ bafụ ẹngwụ, dẹ̣ za kụayi ẹngwụ. ¹¹ Ọkisẹ apinẹ ẹrụrụ vaa jinẹ vẹ, dẹ zọza nyeyi̇. ¹² Fụvọki aichama va garashi, osisi azạ ẹrụrụ ve fụofụ. Ama ana ̣ra si ẹngwụ dọ nangwu rẹsụ ana vaa dọọtụ. ¹⁴ A vaa ka irenụbe-ọiza ijọva Oshomoshi ọnọni, da siọ mivenụ yi anẹshẹ bo. Ụmavọ di ọikọta vaa vẹ. ¹⁵ Fụvavọ we re isaanyisi ọna tu irasha osụsụ, kọ dinẹ tụni irasha ọnini, veni ọkisẹ Idaniẹni mẹ kaa "(ọza na ra ka isa ọnọni, ọ nyi ọyiyẹ)," ¹⁶ navọ ẹnẹna yini Ijụdiya e zụechi na shirẹ irẹsụfa, ¹⁷ aza ạna yi inẹsụ ireshi a sio chi shẹtẹ, kọnọ vaa si isọnsọnyi fini neshi, ¹⁸ ọnri ki ọza na yini irarẹ, asọ vi neshi vaa si aụrụ. ¹⁹ Ama oodụụ wa kụ, ẹnẹnọ viki ẹ nyi eziweyi ọnri ẹnẹna yozi irẹvafụ inẹfi ọnọ! ²⁰ Wa tụozụrenụ ki echi ọzizụe awụ nini, asọ vẹshẹ ini ụmọgụ navẹki ini ọkụshi isabatti. ²¹ Ụya ọshimi ene rei ri re yẹyẹ, ẹshẹ mẹ fụrẹ vẹ vetu umanị, vaa vẹ. ²² Ọchishi ka ada ọkụshi ẹnẹ kụra, ọ zi nyi ẹzẹna vaa dọtụ, ama fụvọ ẹnẹna nii da, a vaa kara ọkụshi ẹnẹ keere. ²³ Ụmavọ, ọnyi ẹzẹ na ka yụ wụ ka, "Ree, Ikristi yi navẹka Ikristi vọnọ," asu dọ zẹ. ²⁴ Fuvọka Ikristi anapẹ ọnri ọkisẹ anapẹ nin vaa vẹ, dẹ mụkọrọ oshishozeyi ẹbani ẹbani ọnri ụnna renyi renyi zụ, fụvọ de zụ zọza nyeyi; paapa, shi aza ọnọ vi ki ẹẹ nii. ²⁵ Ree, ma kaa yụ wụ nin tẹtẹ da, doti ẹfi o ve tangwa tụ. ²⁶ Fụvavọ, a ka yu wụ, nin "Ree ọ yi ini ni ụnọmi, asụ jinẹ ni ni unọmi. "Navẹki re, ọ yi ini rẹngwụ," asụ dọ wa wụ. ²⁷ "Fụvọki inyanya mẹẹ ri fụri izi ọyi tụ fụrẹ nangwụ izi ọyi ya ngwụ ẹtẹ, avọ ọni ọvivẹ Ozi Ọza mẹ vaa vi. ²⁸ Irasha tụri irasha ọni okụ ụye ra ya, izọ ọni ụba nini peregụ tụ. ²⁹ Ama ẹfi ọni ụya ọbani ọkụshi ẹnẹ ra si parafụ, ọyi ve shozi, ụfẹ ọ zaa vụ, ụzọmi nin de zina fini ovụrụkụtụ, ụkata ẹbẹẹba nin ve sheni. ³⁰ Umavọ ami Ozi Ọza va jinẹ vẹ ini ovụrụkụtụ, anda ana yi nẹshẹ bo, va nyi ọkikarẹsụshi. E ve re Ozi Ọza ma vẹ ini egụshi ovụrụkụtụ, inụkata shi ụga ọbani aani. ³¹ Ọ vaa tụ angẹni aani, one ve fụ ikakanchi inọngwẹ ọbani, do pere aza ana nii gụ fini aka ẹnina ẹshẹ, fini akọnyi ini ovụrụkụtụ naa ngwụ akọsa. ³² Kọsụẹ irẹyọọyẹ fini ọchi ifigi. Ụmọnụ re re ki ọ shavi, da avi aani jinẹ vẹ, ụva yẹ ki irẹsụ ọ kavape. ³³ Avavọ, ẹfi ọnụ re re isẹnẹni bo, o tụ kụ wa yẹ ka ọ si gụrẹtẹ, ọ yi ini oze ovuovụ. ³⁴ Irẹiza ma ka yụ wụ, evereze ọnọni ọ zaa parafụ, ọchishi ki isẹnẹni bo mẹ. ³⁵ Ineekụ ọnri ẹshẹ ọnọni vaa parafụ, ama irẹyi ami ọ za parafụ. ³⁶ Inọpati ọkụshi ọnri iwakati, ọ zi nyi ọzạ ana yẹ, shi angẹni nin ana yi ineekụ, shi Ozị, ama Adayi renya. ³⁷ Venebiri ụmẹ Inoa mẹ ya, avọ ọvivẹ Ozi Ọza mẹ vaa vi. ³⁸ Vene ọmẹ vi ini yẹyẹ ọ ni ọshaara enyi rai vi vẹ, dẹẹ ri, dee fu, dẹẹ nyọnẹẹ, dẹẹ si ga poro netu ishọni Inoa ngwụ inẹpa, ³⁹ ẹ zi yẹ inọpati ọshaara enyi netu ki ọọ vẹ dọ kụ wa na bo, avọ ọnọ mẹ vaa vi Ozi Ọza mẹ ra vaa vẹ. ⁴⁰ Ụmavọ ọnọrụ ẹẹva va yini irarẹ, ava sị ọnya, da navọ ọfụva. ⁴¹ Anyẹnẹ ẹẹva dẹ kụsa, ava si ọnya, da navọ ọfụva. ⁴² Fụvavọ, navọ dụ wa seyi pẹtẹ fụvọki wa zi yẹ ishọni Ananyiyi vaa vẹ. ⁴³ Ama yẹ ọnọni, ka aaviki adareshi ọ yẹ ẹfi ọni oyi vaa vẹ inaafụ, ọ yeen teni ẹngwụ zio, do sere ẹtẹ, ọ zaa navọki oyi ọ chaka oze dọ va kwẹnya ireshi. ⁴⁴ Fụvavọ teni ẹngwụ tẹtẹ, Ozi Ọza vaa vẹ inẹfi ọnụ re zi ro. ⁴⁵ Ẹnẹ vi ozida ọnọ, ọnị ọga aani dọrenụ, dọ zẹ vira kẹ, ọni ọga aani si mi oshirẹsụ ireshi kọ si isari yi anireshi aani ini ẹfi anasẹrẹ? ⁴⁶ Ẹdabẹrẹ ọnọ vaa vi yi ozida ọnọviki ọga aani mẹ vẹ, o vetụo ka ọ mẹ anasẹrẹ. ⁴⁷ Ini irẹiza ma kaa yụ wụ nini, ki ọga aani, va siọ mo oshirẹsụ tụri ogụ ọnọ nyi bo. ⁴⁸ Ama ozida ọshimi ra kaa ininẹ aani ka, "Akẹni ki ọga ami ọ za jantụ vẹ," ⁴⁹ Dọ vẹrẹ, do tụ ezida ẹnavọ, dẹẹ ri, dee fụ, dị ọnri ofụeche nini gẹ fụeche; ⁵⁰ Ọga ozida ọnọ va vẹ ini ishọni ̣o re zi ro, ini wakati ọnọ ra zi yẹ. ⁵¹ Ọga aani va sẹẹ ripi-ripi, dọ mẹ ẹshẹ aani venebiri ẹshẹ ọfatụvakụ nin, izẹnẹ va yaa jorere, dẹ ri anyi.