¹ Ẹwụ nin ẹnyarami, mezi si kụwa yini arimayẹ, ki adayi nini vana yini afụ egụshi, di ẹnbo zi ini irefụ parafụ. ² Ẹnbo vana mi isami ayi lmosisi ini egụshi ọnri ini irefụ. ³ Ẹnbo vẹnẹ gẹ ri isari ifẹ. ⁴ Ẹnbo vene fụ enyi ifẹ ọnya, ifẹ ọnya fini ida ana vatụra wa, ida ọnọ ọnọvi Ikristi. ⁵ Ama, inẹ Oshomoshi ọzi shine tụ ẹruru anini, okụ anini vana mishi shi ini ụnọmi. ⁶ Ọmeyani, isa ẹnẹni vana mẹ, ke re wa kọsụẹ yiyi, fụvọ doti asi na vụva isa ọshimi venebiri anini. ⁷ Asụ vi ọzẹna fẹkẹ ori vene azẹnyi ini anini. Venebiri amẹ chẹrẹ tẹtẹ, "Di aza nin yẹtẹ, dẹẹ ri, dee fu, dẹ kwẹtẹ, de merenyinyi." ⁸ Asụ navọ kiya mi ititụ-asụ venebiri ẹrụrụ anini mẹmẹ. Aza akashi oze ofụrẹta, de sụ ini rẹkụshi ọnya. ⁹ Navėki azẹna si Ikristi tụni azamare, venebiri ẹruru aani mẹmẹ, di isẹchichi vụwa iri. ¹⁰ Zẹtụọ asụ rifufu nini, venebiri ẹruru mẹmẹ di angẹni isu ọwụọza vụwa iri. ¹¹ Ọmẹyani, isa ẹnẹni vana mẹ wa ka, ere wa kọsụe. A chẹrẹ doti aka yiyi imẹ vaa mẹ, yi ẹyi ọni ọikọta ẹshẹ tụ da. ¹² Fụvavọ, ọza ene re ro ka ọnọ dinẹ, ọsi eyi pẹngwụ aani doti asiọ sẹdụ. ¹³ Ọzi nyi azamare one tu wụ nini, ọnọvi ka ọzi tụ aza da. Akikọnọ, Oshomoshi vi ọni rẹiza. Ọza navọ ka azamare, ene fụni ụkata awụ. Ọva moze ọjijavọ fini azamare ọnọ, fụvọ dụwa vazụ si ẹngwụ dọọ. ¹⁴ Fụvavọ ewụ nin ọnim sirẹyi aani, zue kavana yi ori ọfifẹkẹ. ¹⁵ Maa karẹyi yụ wụ nini venebiri aza ana nyi ọyiyẹ, fụvọ dụ wa va zụ mẹ ishọji irẹyi ọnim ka. ¹⁶ Ipa ẹdabẹrẹ ọna mi ọdabẹrẹ tụ, aivi ọgiga ini anya Ikristi ọnọvi avọọ? Ivụrẹdi ọni ga, aivi ini ẹngwụ Ikristi ọnọvi avọọ? ¹⁷ Fụvọki ivụrẹdi ọnya ọnọvi, ẹyi ana rụrụ vi ẹngwụ ọnya. Ẹyi bo vana gẹ ri ivụrẹdi ọnya. ¹⁸ Ree aza ani lsrẹni nini: aivi ẹnẹna ri isẹvọ ẹnẹ nyi ọgigẹ mẹ ini ọpẹtẹ? ¹⁹ Sẹni ma ka kẹ? Ọnọvi ka ori wa bẹrẹ? Navẹki, isari anasi mi isẹvọ yi ori ọnọ bẹrẹ? ²⁰ Ama maa ka irẹyi inọpati isa ọni ani ljẹntairi nini aa si mẹ isẹvọ, ka ẹ si isẹnẹnị mi isẹvọ yi azeeshi nin, aivi yi Oshomoshi. Me zi si ki wa nyi ọmimẹ bẹrẹ azeeshi nini! ²¹ Wei zụe fụ fini ipa Ananyiyi, dụ ze fụ fini ipa azeeshi nini. Wai zụa nyi ọrigẹ ini itevụrụ Ananyiyi ọnri ayi azeeshi nini. ²² Navẹki ya mi ayikụ Ananyiyi, netụ ẹgẹ ishini ọkụkụ? Iwa nyi ụkata fụna? ²³ "Isabo ọnọ vọrọ, ama aivi isabo ọnọ nyi ọgụ. "Isabọ ọnọ vọrọ," ama aivi isabo ọnọ si aza fuu. ²⁴ Asi ọza ọnyọnyi si ọiza yi ẹngwụ aani renya. Akikọnọ, ọzọza oo si ọiza ayi ọzọfụva aani. ²⁵ Ụva zụ ri isabo ọnaa na inofụ, di ẹngwụ raa ma jụebe. ²⁶ Fụvọka, "Ananyiyi ọnọ nyi ẹshẹ ọnọni ọnri isẹnẹ yi naani bo. ²⁷ Aaviki ọza ana razi nyi ọdọwụ ọ shụ wụ, ki wa va di isari, oo zeweyi kụ wa nọọ, isatụrisa ọnọ ra si yụ wụ, riọ, asụ fọ ipẹpẹẹ. ²⁸ Ama aaviki ọza ọ ka yụ wụ kaa, "Isari ọnọni vana si mẹ isẹvọ yi ori, asụ riọ. Fụvi ọza ana ka yụ wụ ọnri fụvi ivefụ awu, fụvọki Oshomoshi ọ nyi ẹshẹ ọnọni ọnri isabo ana yi inaani. ²⁹ Aivi ivefu awụ ma kaa, ama ivefụ ọzẹnẹsa. Sẹnẹvẹ da vaa si ivefụ ọzẹnẹsa mi ishọji ọninatụ amị? ³⁰ Aaviki ma si avọọkụ ri isari ọnọ, sẹnẹvẹ da va kụmi fụ fụvọ isẹni kwavọ tụnani da?̇ ³¹ Fụvavọ, wa rii, dụ we fuu, navẹki isabo ọnụ ra mẹ, wa mẹ ọnbo ini ụga Oshomo-shi. ³² Asụ mẹ iivi shi ani Ijuu nini, navẹki ani Igiriki nini, navẹki ichọọhi Oshomoshi. ³³ Me si ki ma mi azabo inẹ oshine ini isabo. Me zi si ọgụ ayami renya, ama fụvi aza ẹrụrụ. Maa mẹ ọnọni doti azụ dọwatụ.