¹ Nenaa alamanegbe ni ikyiasolo ee mhuẹ asha na lẹẹ ga ughamhi ali abhi a li ga ugamhi ukhomhi ekagbọ. ² Rharhi oni apfẹ ugamhi a mhọli owa ni a khyiẹlẹ shi ekẹ, owa ni o la elase, ni ẹẹ lu asha ni o pfuasẹ. ayọ laa rhi oni a rhi akpa ẹẹ nya, ali itabu, ali urhu ukphakpha shi, ³ Oshimhi ode ni a rhọ ta elemhi owa li o la, ni ẹẹ lu asha ni o pfuasẹ nẹẹ. ⁴ O gwe mhọli ọta igolu ni a lẹẹ tosẹ itulale. o gwe li mhọli akpachi alamanegbe, ni a kwu igolu nwu. Elemhi ọ li agege ni irhu ikphakpha alehyhie e la, ali orhẹ Erọni ni o mọ, ali ẹchẹ ni a kẹkẹ ishi shi e la. ⁵ Ukhomhi oni akpachi alamanegbe ni a kẹkẹ eva eni ighyiukọ shi gasẹ a lẹẹ, ni eyẹ vha laa dobẹ khọkhọ limhi. ⁶ A kha ga khyiẹli ena pfuse, eni e kpeda ugamhi ee lono elemhi owa ni o la elase ni e la ẹẹ gbe ikanya wẹ. ⁷ ọni ọ kpeda ugamhi utogwho li ọọ lo oni elemhi owa ni ozeva elemhi ukpe, rhẹmhi ọ rhi ọlia lasẹ obo kpọ ẹẹ ni egbe ọli ali eni iọgbọ shi ingmobe ni vha famhi li ⁸ Ayẹmhẹ ni o Pfuasẹ o te ikpa ena rhọ khasẹ khi odẹ ni a te a je asha ni opfuasẹ nẹẹ a vha rhọ khasẹ nee abhi o ke rhọ kyia khi apfẹ ugamhi ni ikyiatsolo o khyie mugha. ⁹ Ona khi ikhọkhọ irhọkhasẹ oni ẹrhẹghẹ ni eyẹ la ena. shi isomhopfa ali ilasobo ni a lasẹ neni e vha dobẹ rhi oni ugamhi gba pfuse. ¹⁰ Emenale ali emeni a da li e ke le kyia, ni e pfi obọ nwu iliemhi ọdọdọda ni a rhẹẹ kpe egbea. Ena e kyili ishi ni e rho khali elamhi ni a rhẹẹ bhẹ apfishi ni a rhọ lẹẹ khyiẹlẹ odẹ ogbọ. ¹¹ Rhẹmhi Ikiristi ọ bhẹ abhi ọni ọ kpeda ugamhi shi ẹtsẹkẹ enaghyie ni ee bhẹ, rhọ te ikpa uka nofu nẹẹ, ni o pfuasẹ ni o gba pfuse ni a vha rhi abọ ma, ni o vha kyili uwi oni agbona. ¹² A khi ọlia elamhi, wẹ khi ọlia ena, ama ọlia ọli ọni Ikiristi ọ rhọ lo asha ni o pfuasẹ nẹẹ utogwho ni ọgbọ kwu ni o rhi imyiepfuese ẹlẹnagbọagbọ ni eyẹ. ¹³ O kha kyila khi ọlia ẹlamhi, ali ọlia ena ali ipfiaka ọlia kwu enwẹ ena ni e vha pfuasẹ a pfiaka ẹẹ kwu wẹ ni e rhi ijegbe wẹ ẹẹ pfuasẹ, ¹⁴ See ọlia Ikiristi ni o vha mhọii ukphiọkphiọ o ke wẹ laa li nena, ni a te ikpa Ayẹmhẹ ni ẹlẹnagbọagbọ rhọ lasẹ obo bhuli Ishinẹgba, ni ọ kpe eyẹ ikanya ebe idua khi eyẹ rhọ dobẹ ga Ishinẹgba ni ọ nyele? ¹⁵ Rharhi li o rhi Ikiristi kyili ọni ọ la iteteva iọgbọ ali Ishinẹgba shi alamanegbe ni ogbọ. Khi eni e lu khi e kaa myie ishobọ alevhukwhu ẹlẹnagbọgbọ--ni ọ ke rhọ gwhu ena khi a rhọ tsumhi eni e kpọ la alamanegbe ni ikyiatsolo vhi ingmobe wẹ le. ¹⁶ Rharhi ọgbọ ọ kha kẹkẹ ebe ukwu shi ekẹ, ọ kha gwhua li a rha zẹ ọli. ¹⁷ Rharhi khi ẹrhẹghẹ ni ebe ukwu o rha mhuẹ izemhi lẹ khi ni a mẹ egwhi, rharhi khi oni ebe ukwu o vha mhọli izemhi ni ọni ọ khyiẹlẹ ọli ọ la agbọ ni ọ vha gwhua nee. ¹⁸ O kha rhẹ kyili oni alamanegbe ni ikyiatsolo ọlia li a rhọ rhi ọli ligyhi. ¹⁹ Rharhi khi abhi Imozisi ọ rhọ rhi ishi ni eni iọgbọ kwu, ọ rhue ọlia ena ali ọlia elamhi, ali amẹ, ali afuolu ọlilẹ, ali otsa ọ pfi ọ kwu eni iọgbọ ali oni ibabo. ²⁰ Ọọ Ke ẹẹ li, “Ona khi oni ọlia alamanegbe ni Ishinẹgba ọ rhọ rhi eni ishi na vhẹ.” ²¹ Iyọ ọ gwe li pfinọ oni ọlia kwu oni apfẹ Ishinẹgba ali ẹtsẹkẹ ni e la ayọ ni eni e kpeda ugamhi e rhẹ gbe ikanya. ²² Abhi ushi o ngme, ẹtsẹkẹ kwu li a rhi ọlia rhẹ shi ipfuase. A vha kwu ọlia lọ, a vha yele ingmobea. ²³ Iyọ o dẹa khi arhọkhọkhọ emeni e la aleghyie a rhi eni ọlia elamhi rhẹ wẹ shi ipfuasẹ. ama, ẹtsẹkẹ aleghyie la kha nwemaa rhi ilasobo aghyie rhọ ẹẹ shi ipfuasẹ. ²⁴ Rharhi khi Ikiristi ọ vha lo elemhi asha ni o pfuasẹ ni a rhi abọ ma, ni o le kyila arhọkhọkhọ egbegbe ẹtsẹkẹ ni ọa bhẹ. Onochi ọ lo aleghyie, ni ọ laa mẹ Ishinẹgba ẹlo e ni eyẹ. ²⁵ Ọ vha lo ayọ khi lẹ kee rhi egbe lẹẹ lasẹ obo utotona, abhi eni e kpeda ughamhi e ke kpọ ẹẹ li, ni e rhọ ẹẹ rhue ọlia ovhese lo ukpe khi ukpe. ²⁶ O kha kyili ingmaghyie, oyọ khi Ikiristi ọ kha mẹ osue itingmẹ ni a te tue agbọ ekẹ le ena. ama utogwho ni ọ le rhi egbe ọli lasẹ obo agbọagbọ li o gbe ingmobe kwa ena. ²⁷ Abhi a li ngme ọ, khi utogwo ọgbọ ọa gwhua, ọ kha ke gwhua iguẹzọ o rhọ khali ọ. ²⁸ Iyọ khi ọni Ikiristi ni a rhọ lasẹ obo utogwho, khi ọ rhọ rhue iọgbọ ebubu ingmobe egbea, ọọ gwe a bhẹ utozeva, a khi ọ rhọ gwe bhẹ shi ingmobe, ama khi ọ rha tsumhi eni e rhi obọ gbanidu mugha khẹ ọli.