¹ Nenaa emeni eyẹ ngme khi ona: Eyẹ she mhọli ọni ọ kpeda ughamhi ni ọ shitọ obita utekwu eghyiele Ishinẹgba ni o yagha nẹẹ kwu elemhi aleghyie. ² Ọgamhẹ li ọ kyia shi apfẹ Ishinẹgba ni o pfuasẹ, egbegbe apfẹ ni Ọnọmhọli ọ khyiẹlẹ, a khi apfẹ ni a rhi abọ ma. ³ Rharhi khi ọni ọ kpeda ugamhi kwu rhẹmhi ẹẹ li khi ọ kee khyiẹlẹ ilasobo ọa isomhopfa; rharhiyọ oo dea khi a mhọli ẹtsẹkẹ ni a rha las obo. ⁴ O kha kyia khi Ikiristi ọ la agbọ lọ, ọ vha kha kyili ọni ọkpeda ugamhi pẹẹ, abhi o ke rhọ kyila khi a she kpọ mẹ eni a zẹ shi vhọ khi e kee khyiẹli ilasobo abhi ushi o ngme. ⁵ Ea ga emeni e rhọ khọkhọ Ishinẹgba ma, abhi Ishinẹgba ọ li gwu khasẹ Imozisi khi ọ li ma oni apfẹ ugamhi lẹ: ''Ghee,'' Ishinẹgba ọọ li, ''khi u khyiẹlẹ ọli abhi a le li rhọ khasẹ ẹ eyọ vhi ukhomhi ọkpha.'' ⁶ Nenaa Ikiristi ọ shẹ myie ukanya ni o yagha nẹẹ rharhi khi ọ kyili ọni ọ la iteteva Ishinẹgba ali iọgbọ ni o kyili egbegbe alamanegbe, ni a rhọ ligyhi ishobọ aghyie. ⁷ rharhi khi o kha kyia khi alamanegbe ni ikyiatsolo oo gba pfuse lọ, a vha kha ke gwe nono alamanegbe ozeva. ⁸ Abhi Ishinẹgba ọ rhọ mẹ khi eni iọgbọ e gbe gọ, ọọ wẹ, “Egbẹlẹ ea bhẹ,’ Ọnọmhọli li ọ ngme eyọ, na mhi rhọ laa nu udogbapfẹ Izulẹ ali udogbafẹ Ijuda khyiẹli alamanegbe onogbọ. ⁹ O vha laa liabhi alamanegbe na mhi ke kpọ nu ititita wẹ khyiẹlẹ ogbẹlẹ na mhi rhi obọ nwu vhẹ te Ijipiti a lasele. rharhi khi e vha rhọ khali alamanegbe mhẹẹ je alo, imha ke gwe pfi wẹ alo egbe, “Ishinẹgba li ọ ngme eyọ.” ¹⁰ Ona khi alamanegbe na mhi laa nu udogbapfẹ Izule mhuẹ, eni egbẹlẹ e kha rhamhi, ‘Ọnọmhọli li ọ ngme eyọ, mhi laa rhi ishi mhẹ shi wẹ idu, mhi kẹkẹ wẹ shi wẹ ikpakomhi, mhi kha kyili Ishinẹgba wẹ, wẹwẹ e kyili imyi mhẹ. ¹¹ E vha gwe laa kee wẹna iọgbọ, ọgbọ ọ vha laa li ẹẹ li inyọgwho lẹ, yẹsẹ Ishinẹgba,” Rharhi khi wẹwẹ kwu e laa yẹsẹ mhẹ, te ivhiẹ apfishi eni e womhẹ. ¹² Mhi laa yẹlẹ ingmobe wẹa, imha gwe sato vhọ. ¹³ Emeni e zẹ khi aa lu oni alamanegbe ona “Onogbọ” lẹ khi oni ikyiatsolo o she kpọ de ojọa.