¹ Iyọ, abhi o ke rhọ kyia khi ọtsẹ nebu e gasẹ eyẹ a lẹ, eyẹ rhi obọ gbe emeni e chi eyẹ obọ a je oshimhi shi ali ingmobe ni e kẹ pfi eyẹ a gbe. Eyẹ kwu egbea na unamhi ni o la eyẹ vhi odalo. ² Eyẹ salo gwhe obhoni Ijesu ọ la, ni ọ tue imyiesuọ eyẹ ekẹ le ni ọ gbe ọli ukhomhi, ni ọ te oghẹlẹ rhi egbe myie osoli ọgbagala, ọ rhi obọ gbe omama ni o la vhọ shi, ọ chigbe a shitọ obọ obita utekwu eghyiele Ishinẹgba. ³ Eyẹ sato ọni ọ lina rhi egbe myie ẹnwẹ eyọyọ ni elingmobe e zẹnọ nali, rharhi khi abọ e ke sha vhẹ wẹ khi rhẹmhi idu e pfianọ vhẹ elemhi. ⁴ Asha ni vha ke khyie nu ingmobe dọ ọgbọọ rhamhi nee, a mẹ ọni o khyie rhue ọlia. ⁵ Vha she gwe yele ingmemhi izezidu ni Ishinẹgba ọ rhọ na vhẹ abhi imyi ọli: “Omyi mhẹ ni ọmọse imhẹ rhi ẹloe gbe ichesọ Ọnọmhọli, wẹ khi rhẹmhi u waa dobẹ abọ shẹ ẹ ni a sheshe ẹ.” ⁶ ọni Ishinẹgba ọ nono ingme ọli li ọa sheshe, abagwhoyọ li ọa chi imyi ọli ni e ghọli ọli esọ. ⁷ Vha rhi egbe myie imhasẹfẹẹ abhi ichesọ na vhẹ. rhẹmhi Ishinẹgba ọa sheshe vhẹ abhi imyi ọli ni emọse, mhi ghyi ọmọ ni ita ọli ọ vhaa chi esọ? ⁸ Ama ọmọ ni a vhaa chi esọ khi ọmọ ni ọ vha mhọli ita. ⁹ Abagwhoyọ, eyẹ mhọli ita shi agbọ ni ọa chi eyẹ esọ, eyẹ rhi ekpẹ a na wẹ. see eyẹ vha ke lia suọ esọ kee ni ita eyẹ obodẹ ayẹmhẹ nẹẹ. ¹⁰ Ita eyẹ ni e ivyialọ eyẹ ukwukwu ẹrhẹghẹ li e le lia chi eyẹ esọ rhamhi asha ni e dobẹ, ama rhẹmhi Ishinẹgba ọa chi eyẹ esọ khi o kẹ ti nail khi eyẹ kẹ nu ọli kemhi ipfuasẹ ọli. ¹¹ A vha mẹ ichesọ ni ọa pfọmhẹ vhi egbe nena rhẹmhi ọa to. Ama ikposhimhi ọli oo laa mọ ukpamhi orhẹ ọpfọmhẹ ali igwabhagbe ni ọ she wẹna ali ni o she ma egbea. ¹² Iyọ vha yasẹ abọ vhẹ eda, ni e kpọ kwu gbe, ¹³ sheshe odẹ vhẹ tatata ni ẹkoawẹ vhẹ e rha te, ishọyọ khi ọni ọ rhẹ kyili ukhyila ọ vha laa waa odẹ, ama ọọ laa ze. ¹⁴ Rhi ọpfọmhẹ rhọ khali ọgbọ kwu, ali ipfuasẹ ina khi iyọ a vha mẹ ọni ọ laa mẹ Ishinẹgba. ¹⁵ Vha nyakwa khi aa ke mẹ ọni wasẹ ivhẹlemhi Ishinẹgbaa, wẹ khi rhẹmhi vha dobẹ ukhyimhi elemhi zẹ ukwi shi vhẹ vhi iteteva oo ke pfuẹchẹ ebubu vhẹa. ¹⁶ Vha gwe li rhi ẹgbhẹ kyia khi a ke mẹ aghaba ali eni e vha yẹsẹ Ishinẹgba vhi iteteva vhẹ abhi Esọ, ni ọ te rharhi emenale utogwho rhi ugwọjọ ọli dẹẹ. ¹⁷ Vha yẹsẹ khi ikposhimhi, abhi ọ ke rhẹ nono khi lẹ lẹẹ myie ivọsẹna lẹẹ, o de ọ vhi unua, rharhi khi ọ vha ke gwe mẹ asha ni ọ la nu ita ọli rhọ sheshe, ni ọ rhẹrhẹ ke rhi amevyiẹ nono ọli. ¹⁸ Rharhi khi vhavha ke khyie bhẹ vhi ukhomhi ọkpha ni a mẹ ẹloe ni a dobẹ rhi obọ a chi, ni erhẹ e laa vhala, ni o bi ebi, ni aa mẹ vhalavhala, ni akpekpe o la pfi. ¹⁹ vhavha ke khyie bhẹ vhi asha ni a laa kphele okphẹ, wẹ khi ingmemhi ọva ni eni e suọ ọli e rhẹ khi imhẹli a gwe ngme ingmemhi ovhese khasẹ wẹwẹ. ²⁰ Rharhi khi e vha dobẹ rhi ishi ni a shi na wẹ gwkẹ; “ O kha rhẹ kyia khi ẹlamhi li ọ rhi obọ chi oni ukhomhi ọkpha, rhẹmhi ẹẹ tono ọli echẹ.” ²¹ Emeni Imozisi ọ mẹ o nya ọli aloa li ọọ rhẹ li, “ ²² Onochi, vha she bhẹ vhi ukhomhi ọkpha Izayọni ali ẹvholi Ishinẹgba ni ọ nyele, aleghyie Ijerusalemu, ali ighyiuku agbẹlẹ igbhọ igbe asha ingmẹ ni ea ghyieghyie. ²³ Vha she bhẹ vhi agbaa uka imọjọ ni a kẹkẹ eva wẹ shi aleghyie, vha bhẹ bhuli Ishinẹgba le ni ọ laa gwu agbọ kwu ẹzọ, ali iyẹmhẹ iọgbọ ni e gwabha gbe li eni egbe she gba na pfuse. ²⁴ Vha she bhẹ bhuli Ijesu le, ni ọ rhi irhọsheshe alamanegbe ogbọ bhẹ, ni ọ gwe pfino ọlia ni o ngme a dala ọlia Ebẹni. ²⁵ Vha zi ẹgbhẹ shi vhọ khi vhaa ke khyie ọni ọ nu agbọ a ngme. Rharhi khi e vha sheda na pfue, ni e sheda khyie ọni ọa chi wẹ esọ ukhomhi ekagbọ, eyẹ vha dobẹ na pfue gwhe ni eyẹ khyie ọni ọ te aleghyie a vhi eyẹ udee. ²⁶ Oni ẹrhẹghẹ urhuli ọli rhẹmhi o jigyi ekẹ. Ama nenaa ọ she shi obọ ọọ li, “Rharhi a khi ekẹ lọgwho mhi ke gwe laa jigyi, ama li shi idane.” ²⁷ Emeni eni ingmemhi ena e ngme khi, “Ẹtsẹkẹ kwu ni Ishinẹgba ọ ma kwu e laa kee jigyi e vu odẹ le, khi eni e vha jigyi li e ke le laa kpọẹ ²⁸ Iyọ vha myie eghyiele ni o vha jigyi, eyẹ kphẹmhi khi eyẹ te oni odẹ ona rhi eghọghọ gbe a ga ni Ishinẹgba igbega ni ọ myie, ²⁹ khi Ishinẹgba lẹ khi ọni ọ rhi erhẹ rhi erhẹ a le.