Ikhomhi 2 Ikọritasi ni ozeva
1
Uwi obọ mhẹ, mhi she ẹẹ khi imha gwe laa rhi emeni e laa rhi ipfuẹchudua nono vhẹ bhẹ.
2
Mhi kha pfiẹchẹ vhẹ idua, ọgwho ọ ke laa ghẹlẹ nwu mhẹ, ọna mhi mẹẹ pfuẹchẹ udua lọ?
3
Rhẹmhi kẹkẹ oni ebe ona khi mhi kha ke bhẹ khi eni e kha ghẹlẹ nwu mhẹ khi e ke nwu alo fẹ mhẹ. Mhi mhọli irhegbenya obodẹ vhẹvhẹ kwu khi egbe khaa nwu mhẹ rhẹmhi egbe e lia kee nwu vhẹ abagwhoyọ.
4
Ukhomhi ọtomhẹ, ali evyiẹ ali ọrhọ lẹ mhi la na mhi te kẹkẹ oni ebe ona ghyi vhẹ ena. A khi rhẹmhi ẹẹ khi mhi rhi abọ sha vhẹ. Ama rhẹmhi ẹẹ khi vha kẹ yẹsẹ asha ni ighọli na mhi mhuẹ na vhẹ o limhi rhamhi.
5
A kha mẹ ọni ọ pfuẹchẹ ọgbọ ọvhese udua, a khi mhẹmhẹ ọgwho ọ khyiẹli ingme ama li shi vhẹvhẹ kwu lọ, imha nono khi mhi kpokpo vhẹ.
6
Ẹchọ ni ebubu vhẹ e kpọ le laa rhọ nali tsolo o kpọ le somhi.
7
Ama vha yelea nali, vha zeze ọli udu. khi ayele o ke gbe ọ.
8
Mhi zeze vhẹ idu khi vha rhọ khasẹ ọli khi vha mhọli ighọli ọli onaghyie, onaghyie.
9
Ona li o rhẹ mhẹ kẹkẹ oni ebe ona ghyli vhẹ, khi mhi rhọ nwu vhẹ fẹẹ khi rhọ yẹsẹ ni emena mhi gwu a khasẹ ni vha rha gbe.
10
Ọni vha sheda gbekwa na mhi li gbekwa nali abhagwhoyọ. Ememena mhi rhẹ gbekwa—ukpẹloe Ikiristi mhi laa gbe ọli a kwa—rharhi vhẹvhẹ.
11
Khi okyio ọ ke ghagha eyẹ rharhi khi eyẹ yẹsẹ omhasẹ ọli.
12
Abhi mhi rhọ bhẹ vhi Itrosi lẹẹ ngme ingmemhi Ikiristi, odẹ o kweghyiea na mhẹ vhi ayọ.
13
Ama, udu o vha pfọmhẹ mhẹ rharhi khi imha bhale a vhẹ inyọgwho mhẹ Itatọsi vhi ayọ. Mhi pfi wẹ shi ayọ vu mhi liegbe je Imẹsidonia.
14
Ama mhi kphẹmhi ni Ishinẹgba, ni ọ te ikpa Ikiristi rhi eyẹ nwule. Ọ gwe te ikpa eyẹ rhi itulale iyẹsẹ ọli ga ashakhasha kwu.
15
Rharhi khi itulale Ikiristi li eyẹ kyila ni Ishinẹgba, shi iteteva eni e myiesuọ ali eni ea li opfua.
16
Obodẹ eni ea li opfua, uwẹ wẹ o kyili itulale te egwhi je egwhi. Obodẹ eni e myiesuọ o kyili te agbọgbọabgọ je agbọgbọagbọ. Ọgwho ọ tẹ vhi ena kwu?
17
Rharhi khi eyẹ vha liabhi iọgbọ egwho ni e rhi ingmemhi Ishinẹgba a dẹẹ rharhi elele. Onochi, isamhi aghyie, li eyẹ rhọ la elemhi Ikirist a ngme eni ingme, abhi Ishinẹgba ọ li ghyie eyẹ, vhi ukpẹloe ọni Ishinẹgba.