Ikhomhi 5 Ipitẹ ni ikyiatsolo
1
Mhi lema vhẹ, vhẹvhẹ ni vha kyili eni e kpeda, ọni ọ myie ọtsẹ shi ẹchọ ni Ikiristi ọ mẹ ali ọni ọ laa te ikiki ọli ni ọa bhẹ kemhi.
2
Vha kee rhi ẹloe kwhu isumha ni a rhọ na vhẹ khi vha rhi ẹloe kee kwhu, vha kee khyiẹlẹ abhi ọni ọ rhi ẹloe a kwhu, a khi u nwemaa, ama o pfo vhẹ vhi idu, abhi Ishinẹgba ọ nono khi vha li; a khi rharhi ọgwhẹmhẹ ukpaghọ ama imhọli ọnwegbe ugamhi;
3
Imhẹ vha rhi izemhi kee rhi ẹloe kwhu wẹ, ama vha kyili irhọkhasẹ ni eni isumha.
4
Ọni Ọrhisumhale nọfu ọ kha bhẹ, ọ la laa rhi arhu ikiki na vhẹ ni o vha takwa.
5
Abagwhoyọ vhẹvhẹ eni emọse inọghọdọ, vha chi egbe kpiale rhọ kee khale eni e womhẹ. vhẹvhẹ kwu, vha rhi ede ichegbekpiale sọ rhọ khali egbe, rharhi khi ‘’Ishinẹgba ọ kha khyie ọchichiegbe ọ vhẹlemhi ọni ọ chi egbe ọ kpiale,’’
6
Iyọ vha chi egbe kpiale, ni ukpokpomhi obọ Ishinẹgba, khi ọ yasẹ vhẹ ekẹ ni ẹrhẹghẹ o ke rhamhi.
7
Vha kwu agbọ Vhẹ nya vhi egbe rharhi khi ọ pfi egboe shi vhẹ egbe.
8
Vha rhọ nwegbe, vha rhi ẹloe kpẹ. Rharhi khi ẹbele vhẹ ni ọ kyili okhyio, rhẹmhi ọa gbhomhi abhi ọdumhi ni ọ gbhomhi a kyia, kyia, ni ọa nono ọni ọ pfusea.
9
Vha khyie ọ, vha gbe awẹ sọ ekẹ vhi imyiesuọ vhẹ, rharhi khi vha yẹsẹ khi inyọgwho vhẹ ni e li myiesuọ ni e la ashakhasha e li a mẹ ẹchọ nabhi vha mẹ ena.
10
Vha kha mẹ ẹchọ ukwukwu ẹerhẹghẹ, Ọni Ishinẹgba ivhẹlemhi, ni ọ nyalu vhẹ bhẹ vhi ikiki ọli vhi elemhi Ijesu Ikiristi, ọ la laa te egbe ọli rhi egbe gba na vhẹ, ọ rhi awẹ e ghyi vhẹ ekẹ.
11
Izemhi kwu o kyili uwi ọli elenagbọagbọ Itsẹ.
12
Rhọ te ikpaghyiẹobọ Isivanọsi, na mhi rhue abhi egbegbe inyọgwho, lẹ mhi rhọ dobẹ kẹke oni ebe ona ghyi vhẹ. Rhẹmhi rhi ona zeze vhẹ idu khi egbegbe ivhẹlemhi Ishinẹgba khi ona. vha mugha vhọ ze.
13
Uka nabhi uwẹ vhẹ ni o la Ibabelọni ni a gaa zẹ vhẹ ali wẹwẹ, ea tsẹ vhẹ, li shi omyi mhẹ ni ọmọse ni imaki.
14
Vha rhi ipfipfi unu ighọli tsẹ egbe vhẹ kwu na mhẹ. Ọpfọmhẹ IJesu Ikiristi o kyili wẹ vhẹvhẹ ni e la elemhi Ikiristi Itsẹ.