1
Ọni ọ lama khi Ijesu khi Ikiristi lẹ li Ishinẹgba ọ vyia. Ọnọni ọ laa mhuẹ ighọli ọni ọ te obọ ọni Ita bhẹ rhẹmhi ọ li mhọli ighọli Omyi ọli ni a te obọ Ishinẹgba vyia abagwhoyọ.
2
Ona li eyẹ rhọ yẹsẹ khi eyẹ mhọli ighọli imyi Ishinẹgba---ni eyẹ sheda mhọli ighọli Ishinẹgba ni eyẹ rhi ishi ọli gwhẹ.
3
Ona khi ighọli Ishinẹgba---khi eyẹ rhọ rhi ishi ọli gwhẹ. Ishi ọli e vhaa nwunu.
4
Rharhi khi ọgbọ kwu ni Ishinẹgba ọ vyia rhẹmhi ọ nwu oni agbona le. Irhọshiọ eyẹ khi li o nwu agbọ le.
5
Ọgwho ọ nwu oni agbona le? Lẹẹ khi ọni ọ lama khi Ijesu khi Omyi Ishinẹgba.
6
Ọna lọ te ikpa amẹ ali ọlia bhẹ-Ijesu Ikiristi. A khi ikpa amẹ lọgwho ọ te bhẹ, ama amẹ ali ọlia.
7
Rharhi khi asẹ li e pfi ọtsẹ shiọ:
8
Ọni Ayẹmhẹ, oni amẹ ali oni ọlia. wẹwẹ asẹ li ee lama ni egbe.
9
Agbọ e kha myie ọtsẹ ni eyẹ, ọtsẹlẹ Ishinegba li oo gba nẹẹ. Rharhi khi ọtsẹlẹ Ishinẹgba khi ona, khi ọ she pfi ọtsẹ ni Omyi ọ.
10
Ọni ọ lama shi Omyi Ishinẹgba lọ pfi ọtsẹ ni egbe ọli. Ọni ọ vha ke lama shi Ishinẹgba vhọ ọneta lọ kyia, rharhi khi ọ vha lama shi ọtsẹ ni ọ myie ni Omyi ọ.
11
Oni ọtsẹ khi Ishinẹgba ọọ rhi agbọ ẹlẹnagbọagbọ ni eyẹ, abhagwhoyọ, oni agbọ o la ọni Omyi ọli vhi egbe.
12
Ọni ọ mhọli ọni Omyi Ọmọse ọ mhọli inyele. Ọni ọ vha mhọli ọni Omyi Ishinẹgba ni ọmọse ọ vha mhọli inyele.
13
Ena ingme na mhi kẹkẹ ghyi vhẹ khi vha kẹ yẹsẹ khi vha she mhọli agbọnọlapfo-vhẹvhẹ ni vha lama shi eva ọni Omyi Ishinẹgba.
14
Iregbeda ni eyẹ mhuẹ rhọ khali ọ khi eyẹ kha mhilali ẹtsẹkẹ abhi o ghọli ọ, rhẹmhi ọa suọ eyẹ.
15
Eyẹ kha yẹsẹ khi ọa suọ eyẹ-ememeni eyẹ mhilali kwu eyẹ yẹsẹ khi eyẹ laa mhọli ọli.
16
A kha mẹ ọni ọ mẹ khi inyọgwho ọli khi ọli ingmobe ni o vha laa pfi egwhui, ọọ nwemaa pfi olema Ishinegba ọ rhi agbọ nali. mhia ngme obodẹ ingmobe ni o vhaa pfi egwhui. A mẹ ingmobe ni o vhaa pfi egwhui-a khi lẹẹ mhi ẹẹ khi ọ pfi olema shi.
17
Umhagwabhagbe kwu khi ingmobe-ama a mẹ ingmobe ni o vhaa pfi egwhui.
18
Eye yẹsẹ khi ọni Ishinẹgba ọ vyia ọ vha li ingmobe. Ama ọni Ishinẹgba ọ vyia irhẹmhi ọ pfa egbe ọ shi ekẹ, ọnọkhọlọ ọ vha laa dobẹ mhuẹ emeni ọ li ọli.
19
Eyẹ yẹsẹ khi uwi Ishinẹgba li eyẹ kyia, Eyẹ yẹsẹ khi oni agbona o laa obọ ọnọkhọlọ.
20
Ama eyẹ yẹsẹ khi Omyi Ishinẹgba ọ she rhi iyẹsẹ ni eyẹ, khi eyẹ yẹsẹ ọli ni ọ kyili ingmaghyie, khi eyẹ la elemhi ọ ni ọ kyili ingmaghyie-ni ọ kyili Omyi ọ ni Ijesu Ikristi.
21
Lẹ khi ọni egbegbe Ishinẹgba ali agbọ ẹlẹnagbọagbọ. Imyi mhẹ ni e ghalẹ, chi egbe ikwhumhi le.