Ikanya eni ighyiusomhi ikhomhi 6
1
O kha de ọgwho ali ọgwho, rhẹmhi ọ mẹẹ rhi obọ gbe eni e myiesuọ a shi, ọ ke a je owa ẹzọ eni e vha myesuọ?
2
Vha li yẹsẹ khi eni e myiesuọ li e laa gwu oni agbona ẹzọ? Vha kha ke laa gwu agbọ ẹzọ, vhavha dobẹ rhi egbe vhẹ a sheshe ni vha mẹ ingme?
3
Vhavha li yẹsẹ khi eyẹ laa gwu ighyiukọ ẹzọ? Vha ke laa ngme umhasuegbe ni o la oni agbona?
4
Iyọ vha kha rhẹ mhọli ingme shi ekẹ ni egbe, see vha ke li tsua oni ingme a bhuli eni e vha ye uka?
5
Rhẹmhi ngme ona khi o rhi omama nwu vhẹ. A vha gaa li mẹ ọtsẹgbhẹ iteteva vhẹ ni ọ li dobẹ rhi ọgbọ ali inyọgwho ọli a sheshe?
6
A kha ke mẹ ingme iteteva eni e myiesuọ vha ke tsua egbe a je owa ẹzọ, bhuli ọsunuẹzọ ni ọ vha myiesuọ!
7
Emeni a rhọ kpọ mẹ umhasuegbe vhi iteteva eni e myiesuọ o she kpọ le pfi vhẹ gbe nee. Vha kha mẹ oni osue o vha somhi nẹẹ? A kha li ẹ le o vha somhi nẹẹ? vha wẹ le lama iluemhi?
8
Ama vhẹvhẹ vha kpọ lue ni vha gwe li iọgbọ le, eni iọgbọ ena inyọgwho vhẹ ni ikpotso ali emọse li e kyia!
9
Vha li yẹsẹ khi ọni ọ vha gwabha gbe ọ vha lo owa eghyiele Ishinẹgba? Imhẹ vha lama shi olẹmhi. wẹ khi idetsia ikpotso ali emọse, wẹ khi ilasobo, wẹ khi ili odọsẹ, wẹ khi idetsia emọse ali emọse,
10
Wẹ khi ighyiatọ, wẹ khi ẹtsẹkẹ ituegbe, wẹ khi idenyọ, wẹ khi irhi ikpamhika myie ọgbọ ẹtsẹkẹ rhue—rharhi khi a vha mẹ ọnyiẹwẹ nl ọ laa lo owa eghyie Ishinẹgba.
11
Iy ọ li ebubu vhẹ e kpọ li gwhe, ama vha she ke pfuasẹ nena. vha nu Ishinẹgba rhọ sheshe, vha she nu Ishinẹgba rhọ sheshe elemhi eva Ọnọmhuẹyẹ Ijesu Ikiristi ali Ayẹmhẹ Ishinẹgba eyẹ.
12
“Mhi dobẹ a khyiẹlẹ ẹtsẹkẹ kwu” ama a khi ẹtsẹkẹ kwu li e laa rhi elele na mhẹ, “Mhi dobẹ a khyiẹlẹ ẹtsẹkẹ kwu” ama e vha ke laa mhasẹ ke na mhẹ.
13
”Elemhi li o mhọli emenale, emenale o vha mhọli elemhi, ”Ishinẹgba ọ gaa rhi wẹwẹ kwu dosẹ la lẹ, a vha ma ijegbe ni idetsia, ama Ishinẹgba li ọ mhọli ijegbe, ọni Ishinẹgba li ọ rhọ ni oni ijegbe a le.
14
Ishinẹgba ni ọ nwu Ijesu te egwhuli vule li ọ gwe laa rhi izemhi ọli nwu eyẹ vulẹ.
15
Vha li yẹsẹ khi ijegbe vhẹ khi ijegbe Ijesu lọ? Irhẹmhi ke laa tsua ijegbe Ijesu laa toma ijegbe aghaba? A vhaa mẹ yọ gwhe!
16
Vha li yẹsẹ khi ọni ọ toma aghaba vhọ ijegbe ogwho li e ke kyia? Ibabo oo ngme, “Wẹwẹ ava e ke kyili ijegbe ogwho
17
Ama ọni ọ toma Ọnọmhuẹyẹ vhọ ayẹmhẹ ogwho li e ke mhuẹ.
18
Vha na ni ighaba! “Ingmobe ni ọgbọ ọ li kwu elase ijegbe li oa la,” ama ingmobe ighaba irhẹmhi ọgbọ rhọ gbe gọ ni ijegbe ọli.
19
Vhavhaa li yẹsẹ khi ijegbe vhẹ khi apfẹ Ayẹmhẹ ni o Pfuasẹ, ni ọ nyele vhẹ vhi egbe, ni vha te obọ Ishinẹgba mhuẹ? Vhavha li yẹsẹ khi vhavha mhọli egbe vhẹ?
20
Rharhi khi a she dẹẹ vhẹ fali ọta. Iyọ vha rhi ijegbe vhẹ rhi ikiki ni Ishinẹgba.