¹ Icebo cakwa Yahweh wa milalo caishile kwisa kuli nebo, ukuti, ² ''Yahweh wa milalo alanda ifi: Ndi ne nkumbu pali Sioni no kupimpa ukukalamba elo ndi ne nkumbu pali ye elo no bukali ubukalamba! ³ Yahweh wa milalo alanda ifi: Nkabwelela ku Sioni elo nkekala pakati ka Yerusalemu, pantu Yerusalemu aketw Umusumba wa Cishinka elo ulupili lwakwa Yahweh wa milalo luketwa Ulupili lwa Mushilo! ⁴ Yawe wafita alanda ici: Abaume abakote elo nabanakashi abakote nakabili bakaba mumisebo yamu Yerusalemu, elo muntu onse akabila inkonto muminwe yakwe pantu ena alikotele. ⁵ Imisebo shamusumba shikesulamo utulumendo no tukashana tukalaangala mo. ⁶ Yawe wafita alanda ici: Nge fintu fimo fikoboneka ifipesha amano mu menso yabakashalapo pali aba abantu milushilya nshinku, bushe kuti caboneka icipesha amano na mumenso yandi?-uku ekulanda kwakwa Yawe. ⁷ Yawe wafita alanda ici: Boneni, Nebo ndinakubapususha abantu bandi ukufuma ku calo caku kabanga elo no kufuma ku calo caku masamba! ⁸ Pantu nebo ndinokubabwesha, elo bena bakekala pakati ka Yerusalemu, eico nakabili bena bakaba abantu bandi, elo nanebo nkaba Lesa wabo mucishinka elo namu bulungami! ⁹ Yawe wafita alanda ici, Webo nomba mwebakotwalilila ukumfwa ku fyebo fimofine ifyo ifikofuma kutunwa twaba kasesema ukufuma uluntu umufola wa ng'anda yandi wabikilweko-iyi ing'anda yandi, Yawe wafita: Kosheni amaboko yenu ukuti ing'anda yandi ikulwe. ¹⁰ Pantu ilyo tashilaisa inshiku shilya takwali ifilimwa ifyalekukolonganikwa no muntu uuli onse, takwali icilambu kumuntu nangula ku nama, elo takwali umutende ukufuma kubalwani ku uli onse uwaleya nangu uwaleisa. Nebo nacitle umuntu onse ukulwa nomwina mupalamano wakwe. ¹¹ Lelo nomba tacikoba ngafilya cali munshiku ishafumako, nebo nkabafye nabakashalapo pali aba bantu-uku ekulanda kwakwa Yawe wafita. ¹² Pantu imbuto shamutetende shikobyalikwa; no mwangashi uukulila mumulu ukutwala ifisabo fyauko elo nesonde lika mesha ubulimi bwaliko; imyulu ikapela icime caiko, pantu kalenga abakashalapo pali aba bantu ukupyana ifi fintu. ¹³ Mwebo mwali icilangililo ku nko shimbi ishacitipu, ing'anda yakwa Yuda elo ne ng'anda yakwa israeli. Eico nebo nkamipususha mwebo elo mukabe palo. Mwiba nomwenso; lekeni amaboko yenu yabe ayakosa! ¹⁴ Pantu Yawe wafita alanda ici: Ukulingana nefyo nebo napingile ukucita ububi kuli mwebo uluntu ifikolwe fyenu fyale kunkalifya- efyalanda Yawe wafita-elo tacibweshamo, ¹⁵ eico kabili nebo nkopinga mulishi inshiku ukucita icisuma nakabili kuli Yerusalemu elo ne ng'anda yakwa Yuda! Witina! ¹⁶ Ifi efintu webo ufwile ukucita: mukolanda icishnka, umuntu onse nomwina mupalamano. Mukopingula ne cinshinka, umulinganya, elo no mutende mumpolongolo shenu. ¹⁷ Mwilakupinga ukucita ububi mukati kamitima yenu pali umo nobiye, elo mwitemwa imilapo yabufi-pantu ifi efintu nebo napata!-uku ekulanda kwakwa Yawe.'' ¹⁸ Eluntu icebo cakwa Yawe wafita caishile kuli nebo, ukulanda ati, ¹⁹ ''Yawe wafita alanda ici: Amafungo ya mumwenshi wa cine, mumwenshi wa cisano, mumwenshi wa cine lubali, elo na mumwenshi we kumi yakesa kuba inshita sha kwanga, ukutemwa, elo nemitebeto ya nsansa pa ng'anda yakwa Yuda! Eico temweni icishinka elo nomutende! ²⁰ Yawe wafita alanda ici: Abantu bakesa nakabili, pamofye naabo abakoikala mumisumba ishingi ishapusana pusana. ²¹ Abekashi bamumusumba umo bakaya kumu sumba umbi nokulanda ati, 'Lekeni fwebo tukoya bwangu kukupapata kuntanshi ya cinso cakwa Yawe elo nakuku fwaya Yawe wafita! Fwebo nafwe tukoya,' ²² Abantu abengi elo ne nko ishabulamba shikesa kuku fwaya Yawe wafita mu Yerusalem noku papatila ukuti Yawe abapale! ²³ Yawe wafita alanda ici: Mulishilya inshinku abaume ikumi ukufuma ku ndimi shonse na ku nko bakekata kwisamba lya mwingila obe noku landa ati, 'Leka fwebo tuleya nawebo, pantu fwebo tulyumfwile ukuti Lesa ali naiwe!'''