¹ Eryo Yaweh anangire Yoshua shimapepo mukaramba naiminina ku kinso kya bamaraika bakwa Yaweh kabiri no murwani aiminine ku kuryo kwakwe ku kumushini ubufi. ² Bamaraika bakwa Yaweh batire ku murwani, "Yaweh nakukaripire, we murwani; Yaweh, uwasarire Yerusaremu akukaripire, akukaripire! Bushe iki te kishinka ikyaipurwa mu ³ muriro?" Yoshua arifwere ifyakufwara fyafiko e minine na ku kinso kya bamaraika. ⁴ Maraika arisosere no kuranda kuri bo abaiminina ku kinso kyakwe, "Mufure ifyakufwara fyafiko. "Eryo atire kuri Yoshjua, "Bona! Ninenga ifyabupondamishi ukupita kuri mwebo kabiri nkakufwike ifyabukata." ⁵ Eryo natire, "Nababi ne kitebo ikisuma ku mutwe!" Eryo babikireko ikitebo kisuma ku mutwe wakwa Yoshua kabiri bamufimbire ne mingira shabusaka ninshi maraika aiminine pa mbari. ⁶ Ikyakonkenyepo maraika akonkomeshe Yoshua no kutira, ⁷ "Efyasosa Yaweh wa miraro ifi: nga ukendera munshira shandi, kabiri nga akasunga amafunde yangi, qakurapingura aba mu ng'anda yangi no kurabaka imansa shangi, kabiri ukakusuminisha ukuta no kubwerera pari bo abaiminina ku kinso kyandi. ⁸ Umfwa, Yoshua shimpapeo mukaramba. Webo na babiyo abaikara nawebo! Pantu aba bantu firangiriro, pantu nebo ne mwine nkaretera ababomfi bandi imisumba. ⁹ Nomba bona peribwe iryo nabika ku kinso kyakwa Yaweh. Paba amenso kine rubari pari iri ribwe, kabiri nderembapo amarembo-uku kupampamika kwakwa Yaweh wa miraro-kabiri nkafumya nefyabupingushi mu musumba mu bushiku bumo. ¹⁰ Muri ubo bushiku-uku e kupampamika kwakwa Yaweh wa miraro- umu onse akararikisha umwina muparamano ukwikara munshi ya mwangashi kabiri munshi ya muti wa mukunyu."