¹ Isura ifibi fyibe Rebanoni, no kureka umuriro onaure ikyereta ryobe! ² Roosha, we kimuti kya mu kupri, pakutra imiti ya mi kedari naiwa. Ikyari ikyabukata nakyonaurwa! Roosha, we mushi wa ku Bashani, pantu umushitu uushingirwamo nauwishiwa! ³ Kurya kuri ikyongo kya kupunda kwa bakyemi, pakutira ubukata bwabo na bonaurwa! Kurya kuri ukuburuma kwa misepera ya nkaramo, pantu ikirumba kya muronga wa Yodani na kyonaurwa! ⁴ Ifi efyo Yaweh Resa wangi akoranda, "Ngo mukyemi, akyema umukuni uwateyanishiwa ukwipaiwa! ⁵ (Abashita bashipya no murandu tabaperwe, na bashishitisha baranda ati, "Abe uwaparwa Yaweh! Nebo ndinonkere! Pantu abakyemi ababombera abakwata imikuni tabakwata uruse pari bo.) ⁶ Pantu nebo nshakatare amberera inkumbu abekashi ba mu kyaro!- uku e kuranda kwakwa Yaweh. Roresha! Nebo ne mwine nkarwira umuntu no muntu mu minwe ya munankwe na mu minwe ya mfumu yakwe, nabo bakonaure kyaro kabiri nangura umo nshakapokorore mukuboko kwabo." ⁷ Awe naishireba umukyemi wa mukuni uwateyanishiwa ukwipaya kubasurwishi ba mpanga. Nebo naburire nkonto shibiri, imo nainike "Ikikuku" na imbi nainikire "Ukwikatana." Mu musungo ngo emo nakyemene umukuni. ⁸ Mu mweshi umo nebo naowaire aba bakakyema batatu. Nebo nafirirwe ukuushipikisha kuri bo, nabo barimpatire. ⁹ Eryo nebo narandire ku bene, "Nebo nshakamibombere ngo mukyemi nakarya. Impanga ishirefya-rekeni sho shifwe; impanga ishireonairwa-rekeno shonaurwe. Rekeni impanga ishashara kira intu irye umunofu wainankwe." ¹⁰ Awe naburire inkonto yangi "Ikikuku" no kuikonona ku kutobaura ikipangano ikyo napangene ne nko shonse. ¹¹ Pari burya bushiku ikipangano kyaritoborokere, na basurwishi ba mpanga abarembona nasosa. ¹² Natire kuri bo, "Nga kireboneka ikisuma kuri mwe, mpereni amaripiro. Rero nga tarifyo, mwikikita."Awe bapimine amaripiro yangi-utupimfya twa sirufere amakumi yatatu. ¹³ Eryo Yaweh arandire kuri nebo, "Kabike sirufere mukipao, umutengo wine wine uo bo bakupimine!"Awe naburire utupimfya tw sirufe amakumi yatatu no kushiramina mukipao mu ng'anda yakwa Yaweh. ¹⁴ Eryo natobawire inkonto yangi iyakibiri "Ukwikatana" ku kuputura ubwanshe pakati kakwa Yuda na Israeri. ¹⁵ Yaweh arandire kuri nebo, "Na kabiri, bura ikipe kyakyemi imburwa mano we mwine, ¹⁶ pantu bona, nebo ndesungamina ukubikapo umukyemi mu kyaro. Oo takasakamane impanga ishiburira, nagura ukuposha isharemana. Oo takarishe impanga ishitunturu, rero akarya iminofu ya mpanga ishaina no kusotora amabondo yashiko. ¹⁷ Akaranda ku mukyemi umungwa oo uusha umukuni! Rekeni urupanga rube pakuboko kwakwe na parinso ryakwe irya ku kuryo! Rekeni ukuboko kwakwe kume no kureka irinso ryakwe irya ku kuryo ukupofura!"