¹ Nkeminina ku rupungu rwandi uro nonderapo, pakurorera ukubona ifyo akasosa kuri nebo nefyo ndi nokupiribuka ngs nsumfwa fintu akangasuka pa kuririshika kwandi. ² Yaweh nao epakungasuka no kusosa ukutira, "Koporora fyonse ifyo narakweba, ufiremmbe bwino pa mabwe e pakutira uwakuraberenga ku bantu apwishe pa rubiro. ³ Pantu nga fyarembwa inshita eko iri iyapimwa pakutira fikakitike no kuba inte pantu tafyakafirwe ukukira. Nga ,kyakokora, kirororere. Pantu ikishinka fiiri no kwisa ukukokora. ⁴ Boneni! Onse uushakwata amapange ayasuma takapuke ,iyo. Nomba abarungami bari nokwikaririra mu kikyetekero kyabo. ⁵ Kishinka, uunwa umwangashi arabepwa no kufurunganishiwa, kimo kine na bantu ababa ne kirumba tabekara pa mayanda. Bapanga imikoromino shabo iikaramba nga Sheri; nangura imfwa, takatare aekutapo. Arironganika pamo inko shonse, no kuronganika abantu bonse umwine. ⁶ Bushe pari ifi fintu tabakabomfyepo ipinda pamo pene na mashina ya ku mukyusha, no kumupumya, ukutira, "W shamowe ku muntu uufusha ifiri fyakwe! Pantu ni panshita ya musangonshi mukupwisha ukuripira ifintu mwasendere? ⁷ Bushe abo washimako tabakakwimine no ku tampa ukurakupumaura bubi bubi, no kumwina no kumutinya mukaretutumafye ku mwenso? Mukaba aba murandu kuri bo. ⁸ Pantu mwaritapa ifintu fya bantu, na bonse abasharapo e bakamutapa. Pantu mwarisumya ikiropa kya bantu no kubombera mufikansa ku bekara kyaro na ba mu musumba, na bonse abekaramo. ⁹ 'Akaranda kuri urya uusangira ubunonshi bwakwe mububifi ukunonsha ing'anda yakwe, pakuti abike ubwikashi bwakwe apasansama ku kuipususha umwine ku maboko ya bubifi.' ¹⁰ Mwarisebanya amayanda yenu ne ndupwa shenu pa murandu wa mapange mwakwata aya kwipaya abantu abengi, mwaribembukira umweo wenu. ¹¹ Pantu na mabwe ayo bakurira amayanda nayo yene yakara muririrako uburanda, ne kiunda kyayako kikayasuka, ¹² Mwarishama mwebakurira amayanda ku kusumya kwa muropa, no rufyengo rwenu rwarirenga ukutira mukurire murubembu. ¹³ Bushe tekuri Yaweh umwine wa bubumbo e wapingwire ukutira ukukyukyutika kwa bantu ba nko shonse kukonaikirafye mu muriro, na bantu ba nko sha bena fyaro babomberafye ikyafye? ¹⁴ Nomba abantu ba pano isonde ryonse bakakwata amano yakukwishiba ukukindama kwakwa Yaweh, nga firiryafine amenshi yaisura muri ba bemba. ¹⁵ Akaranda kuri urya uupatikisha umwina muparamano ukunwa-murangisha insara ukuripa kwenu no kubarenga ukukorwa pakutira muroreshe pa bwamba bwabo.' ¹⁶ Mukesushiwa ne nsoni rero tebukata iyo. Nomba ni nshita yenu! Nwa, kabiri mukarenga insoni shenu ukuretwa urukoso! Ikikare kyakwa Yaweh ikyakukuboko kwa ,kuryo kireisa pari mwebo, no kukindama kwenu kukapwa nomba mukarayumfwirafye nsoni. ¹⁷ Ubukuru bwakitike ku Rebanoni bari no kumyarukira inama nasho shikaramutinya apakaramba. Pantu mwarisumya ikiropa kya bantu mwarekitira iki mukimfurunganya ukuiminina ikyaro, ne misumba, na bonse abekaramo. ¹⁸ Bushe nga karubi nako bukumunshi kakwete pantu kimpashanyafye? Kantufye akapampaurw no muntu, akashingamona kuranda ikishinka. Umuntu uupampaura ikimpashanyanao akyushafye pakurakitotera, nakyo kine mirungu iyo batina firafirwa no kuranda. ¹⁹ Akaranda kuri uyo uusosa ku ku nkuni ati, Aramuka! Nangu ku karibwe akashiranda ati, Tarama!' Bushe ifi fintu firafunda? Boneni, kyapamapamikwa na sirufere na goride, rero tamuri mweo nakarya muri fyena. ²⁰ Rero Yaweh ari mwi tempere ryakwe irya mushiro! Tondoro ku ntanshi yakwe, impanga yonse."