¹ Pamurandu neki nebo, ne Pauro, ndi mufungwa wakwa Yesu Kristu pari mwebo mwe bena fyaro. ² Nkoenekera mwaryumfwa parwa bukasungurwa kwa kusenamina kuri Resa naishire kuperwa pari mwebo. ³ Nkoremba ukuringana no busokororo bwarenga ukwishibikwa kuri nebo. Ifi efishinka fya fisha ikyo narandireko panono mufyo na murembere. ⁴ Iryo mwaberenga pari iki, mwaraishiba ikishinka ikya fishirwe pari Kristu. ⁵ Mu nkuro shimbi iki takyaishibikwe ku bana baume ba bantu. Rero nomba fyari sokorokera ku Mupashi kubashira bakwe abatumwa na bakasesema. ⁶ Pakuti abena fyao babe ipyani shinese, kabiri ifirundwa fya mubiri, kabiri abarerorera pamp na fwebo uburayo muri Yesu Kristu ubwashire mumbira. ⁷ Nga fintu naishireba umusha wa iyi imbira ku fya bupe fyakwa Resa ukusenaminwa kwa perwe kuri nebo ukupitira mu kubombera amaka yakwe. ⁸ Kuri nebo-nangura na kepeshapo pa ba mushiro bakwa Resa-uku kusenaminwa kyariperwe, ukubura ku bena fyaro na pa bukankara bushingapimwa bwakwa Kristu, ⁹ kabiri no kureterwa ku rubuto kufyapangirwe-ifipesha mano fya fiseme ku nkuro mur Resa, uwa bumbire fyonse. ¹⁰ Ifi fyapangirwe fyaishire kwishibikwa mu fironganino pa kuti bakateka na bamaka bonse aba mumuru beshibe amano yakwa Resa aya misango ne misango. ¹¹ Ifi fikitika ukuringana nefya mukati ifya pangirwe ukupiririka muri shikuru Yesu Kristu. ¹² Muri uyu wine Kristu emo twaoamina kabiri emo tuparamina kuri ye pakumuketekera. ¹³ Eikyo nkomiromba ukukana ne nuka pamurandu wa bukyushi ubo buponena pari mwebo, pantu ebukata bwenu. ¹⁴ Pari uyu murandu mfukamina kuri shifwe, ¹⁵ kuri no rupwa ronse mu muru na panwesonde rwainikwako. ¹⁶ Napepa ati akamupere, ukuringana no bunonshi ku kubakata bwakwe, ukukosha ku maka ukupitra muri Mupashi wakwe, uwaba mukati kenu mwe. ¹⁷ Nkopepea ukuti Kristu ekare mumitima yenu ukupitira mukiketekero, ku mishira na ku mufura wa kitemwiko, ¹⁸ pakwebati kuti mwairuka, pamo naba bantu bamushiro bakwa Resa, ifyaba ubwipi, no butari, ukurepa no kushika, ¹⁹ nokwishiba ikitemwiko kyakwa Kristu, ikyakira pa mano, pakuti wisuremo na fyonse ifya kwa Resa. ²⁰ Nomba pari uyo uwakisha ukukita ikyo twamweba ukukita nangu ukutontonkanya, ukuringana na maka yakwe aya bomba muri fwebo, ²¹ kuri ye kube amarumbo kukironganino kabiri na muri Kristu Yesu inkuro shonse umuyayaya. Ameni.