¹ Eluntu Yobo aishile kwasuka elo nokwisa kulanda ati, ² ''Nebo nalishiba icishinka ukwebati ifi efyo caba, lelo bushe umuntu kuti aba shani umololoke kuli Lesa? ³ Nga alikufwaya ukutalikana na Lesa, ena tekuti alekumwasukapo umuku nanga umo pamiku ikana limo. ⁴ Lesa wa mano mumutima rlo wamaka mukukosa; ninani uyo uwaikosha umwine pali yee elo noku tunguluka? ⁵ Ena uufumyapo impili ukwakubula ukusoka nangu umo uluntu ashipilibula mubukali bwakwe- ⁶ Uyo uutenkanya icalo ukuguma muncende yaciko elo nokulenga ifyacikakatishako ukutenkana. ⁷ Emo wine Lesa uweba akasuba ukukana tula, elo no kufilwa kafilwa, elo eufimbapo pantanda, ⁸ uyo palwakwe umwine ayanshika imyulu elo nokunyantaula pamaba yapali bemba, ⁹ uyo uupanga intanda sha Biya, Orioni, Puleyadesi, elo neshamumabumba yacipinda cakukulyo. ¹⁰ Acita ifintu ifikulu ifyo tamwingomfwikisha, elo nefisuma ifitengapendwa. ¹¹ Bona, antangilila pantanshi yandi, elo nebo ntenga mumona; alapita nakambi, lelo nebo ntengamwiluka awe. ¹² Nga asenda ifintu alafumyapo, nina uwingafumyapo? ninani uwingalanda kuli yee ati, ''Cindo ico webo ulekucita?'' ¹³ Lesa akesa kubweshamo ubukali bwakwe; bakafwa bakwa Rahabu bafukama panshi kuli yee. ¹⁴ cindo napacefeshafye nebo ningamwasukila, bushe kuti nasala amashiwi yakulanshanya nankwe? ¹⁵ Nangu nganali uwalungama, nebo teti mwasuke; nebo kuti ndepapatilafye uluse kuli kapingula wandi. ¹⁶ Nangufye nalibilikishe elo aisakungasuka, ntengashininkisha ati nikwishiwi lyandi omfwile. ¹⁷ pantu alantobaula kukukalipisha elo nokufusha ifilonda fyandi apabula ubwafya. ¹⁸ Teti ansuminishe ukukwata ukupema nakambi; lelo anjisushamo nobukali bwakwe. ¹⁹ Nga lyashi lya maka, boneni, ewakwatisha amaka! nga lyashi lya mulinganya, ninani engamubepesha? ²⁰ Nangufye ndi mucishinka, akanwa kandi kuti kampela umulandu; nangu ndi uwabula akalubo, amashiwi yandi kuti yaisakunshinina ukuba uwashininwa. ²¹ Naliba uwabula ifilubo, lelo tacinsakamika palwandi awe; ndasuusha ubwikashi bwandi. ²² Tacipangapo nobupusano, efyo ndelandila ati ena onawila ababula akalubo elo nembifi shabantu capamo. ²³ Uluntu ilyeshi lyapumikisha ukwipaya, alatumfya ukulekelelwa kwabakaele. ²⁴ Icalo calipelwa mumaboko yabantu babipa; Lesa alafimba ifinso fyabakapingula baciko. Ngacakwebati teucita ifyo, nomba ninshi ninani? ²⁵ Inshiku shandi shalibiima ukupita ukucila inkombe iyo iilebutuka; inshiku shandi shalepitafye; tabamonapi icabune ukulikonse. ²⁶ Shaba ishakwangufyanya ngamaato yamatete elo shayangufyanya ngakapumpe uulebilimina pacakusompola. ²⁷ Ngacakuti nebo kuti nalaba pafyakuilishanya fyandi, ulo kuti nafumyapo icinso cabukali nokuba uwatemwa, ²⁸ kuti naba uwatina ubulanda bwandi bonse pantu nalishiba ati mwebo tamwakambike uwakaele. ²⁹ Nebo nkesakusekwa; nindo, nomba, ningalekwesesha apafye? ³⁰ Ngacakwebati nebo nalisambile nemwine na menshi makaasa elo nokulenga amaboko yandi ukucilapo ukubutisha, ³¹ Lesa kuti antubika mumatipa, nefyakufwala fyandi kuti fyaisakuba nomuselu kuli nebo. ³² Pantu Lesa talimuntu, kubati naba, pakuti nebo ningamwasuka, ati twesekukumana capamo mucilye camilandu. ³³ Takwaba kapingula pakati kesu uyo uwingatambika ukuboko kwakwe pali fwebo babili. ³⁴ Takuli kapingula umbi uwingapoka inkonto yakwa Lesa ukufuma kuli nebo, ninani uwingalesha icintinya cakwe ukuleka ukuntinya. ³⁵ Eluntu ningalekulanda elo nokubula ukumutina Lelo ngefyo ifintu fili pali nomba, ntengacita ico.