¹ Eluntu Elifasi umwina Temani ayasukile elo aishilekulanda ati, ² Ngaumo aesha ukulanda nobe, bushe webo kuti watendwa? Lelo ninani uwingaikanya umwine ukulanda? ³ Bona, webo walikulungika abengi; walikolola namaboko ayakutompoka. ⁴ Amashiwi yobe yalikutungilila uyo uwalikuwa; walikulenga namakufi ayalikutetema ukukosa. ⁵ Lelo nomba ubwafya bwaisa kuli webo, elo webo walifilwa ukushipikisha; webo cakwikata, elo wasakamikwa. ⁶ Bushe tali akatina kobe ecakucetekela kobe, na bumpomfu bwa mibele yobe tali esubilo lyobe? ⁷ Tontonkanya pali ici, napapata: Ninani uwalobele uluntu uwakaele? Nangu nikwisa uko umuntu umololoke aputwilwepo? ⁸ Ukulingana kufyo nebo nabonapo, abo bonse abapanga ukucita ububi nokwisakubyala amafya bakesakusepa ifi fiine. ⁹ Kumupu wakwa Lesa bena balaloba; ku mwela wakubukali bwakwe bena baminwa. ¹⁰ Ukubuluma kwankalamo, iciunda cankalamo iyikali, ameno yamisepela ya nkalamo_ fyena fyaputaika. ¹¹ Inkalamo iikote pakukanakwata ifakutakanya; abana bankalamo balasalanganina kunse konse. ^{12 13} Nomba umulandu umo uwa mubumfisolo waishile kuli nebo, nokutwi kwandi kwapokelele ukutepelesha kwapaliye. Eluntu kwaishilekwisa amatontonkanyo ukufuma mufimonwa fyamubushiku, uluntu utulo utwingi twaponena pabantu. ¹⁴ Califye ubushiku uluntu umwenso umwenso nokututuma fyaishilekwisa pali nebo, Namafupa yandi yonse yalikusokona. ¹⁵ Eluntu umupashi waishilekupita pa cinso canci, nobupipi bwapamubili wandi bwalitaleme. ¹⁶ Umupashi watalemefye , lelo nebo nshaishibile ukuboneka kwauko. Necotacali kuntanshi ya cinso candi; kwali shilili, elo nebo naumfwile ishiwi ilyo ilyaishilekulanda ati, ¹⁷ ''Bushe umuntu umwinakufwa kuti aba umulungami ukucila Lesa? Bushe umuntu kuti aba uwakusanguluka ukucila uwamulengele? ¹⁸ Bona, nga Lesa nga Lesa tabikilemo icitetekelo mu babomfi bakwe; nga ena muli bamalaika bakwe asangamo ifilubo, ¹⁹ Nga palibufi kuli abo abekala mu mayanda yafiloba , abo umufola waba mulukungu, abo abashonaulwa bwangu ukucila icipelebesha? ²⁰ Pakati ka lucelo ne cungulo bena babatobaula; bena baloba ukwakubula nokubebukishapo. ²¹ Bushe umwando we tenti lyabo taunukukile pali bena? Bena bafwa; bafwa ukwakubula amano.