¹ Eluntu Elihu aishile ku konkanyapo, ukulanda ati, ² ''Bushe webo ukotontonkanya ici cakulungama uluntu webo ukolanda ati, 'Ni nsambu yandi ku ntanshi yakwa Lesa'? ³ Pantu webo ukoipusha ati, 'FIndo ici cinga mbombela nebo?' elo, 'Bushe cawamishapo nebo nga cakwebati nebo na libembukile?' ⁴ Nko kwasuka webo, webo pamopene na ba nobe. ⁵ Lolesha kumulu, elo cibone; bona umulu walikucilapo webo. ⁶ Nga cakwebati webo wa bembuka, bushe bubi ndo wacita kuli Lesa? Nga bumpula mafunde bwafula na pamulu, bushe findo wacita webo kuli ye? ⁷ Ngolimulungami, findo webo wingapela kuli ye? Findo ena akapokelela ukufuma ku minwe yobe? ⁸ Ukubifya kobe kuti kwakalifya umuntu, nge fi uli ngo muntu, elo ubulungami bobe kuti bwa wamina na umbi umwana mwaume wa muntu. ⁹ Pamulandu wa ficitwa ifingi ifya kutitikishiwa, abantu bakolila; bena bakuta ukwafwiwa ukufuma ku maboko ya baume bamaka. ¹⁰ Nomba takuli nangu umo uukolanda ati, 'Bushe alikwi Lesa kalenga wandi, uyo upela inyimbo mu bushiku, ¹¹ uyo uufunda fwebo ukucilapo pafyo afunda inama shampanga isha pa calo, elo utulenga fwebo abamano ukucila ifyuni fya mu mulu?' ¹² Kulya eko balila, nomba Lesa ta kobapela icakuso pamulandu wa cilumba ca bantu abakubipa. ¹³ Lesa icishinka tomfwa ku kulila kwa cipuba; uwamaka yonse ta posako amano kuli ci. ¹⁴ Palibufi ena akakwasuka nga walanda ati ntamubonapo, ati umulandu obe uli pantanshi yakwe, elo ati webo ulalolela pali ye! ¹⁵ Nomba webo ukolanda ati ukukalipa kwakwe ta kanda, elo ena alasukalako ku caku musangukila. ¹⁶ Eico Yobo aishile kwasamuna akanwa kakwe fye no kulanda icilande lande ukwabula ukwishiba.''