¹ Eico aba baume batau baishile kuleka ukwasuka Yobo pantu ena alikuibona umololoke mu menso yakwe umwine. ² Eluntu ubukali bwali pali Elihu umwana mwaume wakwa Barakele umwina Busi, uwa mulupwa lwakwa Ramu; alilengelwe ukufulilwa Yobo pamulandu wakuibona uwakulungama ukucila Lesa. ³ Ubukali bwakwa Elihu bwaishile kuba na banankwe bene batatu pantu bena tabalikukwata ubwasuko kuli Yobo, elo bena balikwete ukulsasusha yobo. ⁴ Nomba Elihu alikwete ukulolela ukulanda kuli Yobo pamulandu umwaume umbi alimukulu ukucila ena. ⁵ Eico, uluntu Elihu aishile kubona ukuti takwali ubwasuko ukufuma ku kanwa ka baume batatu, ubukali bakwe bwaishile kucilamo. ⁶ Eluntu Elihu umwana mwaume wakwa Barakele umwina Busi aishile kulanda no kutila ati, ''Nebo ndi mwaice, elo mwebo muli bakulu sana. Ici ecilengele nebo ukukana bwesha elo no kukana myeba mwebo amano yandi. ⁷ Nalandile ati, ''Ubutali bwa nshiku na bulande; ubwingi bwa myaka na bufunde amano. ⁸ Lelo umupashi uwaba mu muntu; umupu wa maka wa mupele ena ukwiluka. ⁹ Tebantu fye abamaka abo abali na mano, nangula imyaka sha bantu beka ishingalenga ukumfwikisha ubupingushi. ¹⁰ Eico nkolanda kuli mwebo ati, 'Umfweni kuli nebo; na nebo nakulamyeba ukwishiba kwandi.' ¹¹ Boneni, nkololela amashiwi yenu; nkokutika ku milandile yenu ulo mukotontonkanya pafyo mwalalanda. ¹² Mucishinkafye, nalipele ukumfwikisha kuli mwebo, lelo, boneni, takwali nangu umo uyo uwakwete ukushinina Yobo nangula uwa kwasuka ku mashiwi yakwe. ¹³ Mucenjele mwilanda ati, 'fwebo tulisangile amano!' Lesa eufwilefye ukucimfya Yobo; umuntu yaweyawe tekuti acicite ici. ¹⁴ Pantu Yobo talungatike amashiwi yakwe pali nebo, elo ntamwasukile ena pa mashiwi yenu. ¹⁵ Aba abaume batatu bali bacibulu; bena tabalikwasuka Yobo na kabili; bena tabakwete ishiwi ilya kulanda. ¹⁶ Bushe ndolele pantu bena tabakokwata ukulanda, pantu bena balitaleme shilili no kwasuka iyo? ¹⁷ Iyo, na nebo naishile kwasuka ku lubali lwandi; kabili nebo no kulabeba bena mu kwishiba kwandi. ¹⁸ Pantu ndiswilemo na mashiwi; umupashi muli nebo wa mpatikisha nebo. ¹⁹ Boneni, munda yandi mwaba ukubati mwangashi uyo babakupikapo; kubati ni nyambi ishipya ishikopekanishiwa mu kupya. ²⁰ Nkalanda pakweba ati nebo mbe uwakutusha; nkesula imilomo yandi elo no kwasuka. ²¹ Ntakalange ukutatemwa; nangu ukupela ififulo fya kusembeleka ku muntu uuli onse. ²² Pantu ntaishiba ifya kupela ififulo fya musango uyu; nga nacita ifyo, kalenga wandi mukwangufyanya kuti amfunya munshila.