¹ Eluntu Elifashi umwina Temani aishile kwasuka elo alanda ati, ² ''Bushe umuntu wa mano kuti ayasuka ku kwishiba kwa buwelewele elo no kwisulamo umwela wa ku kabanga? ³ Bushe atampa ukulanda amashiwi ya buwelewele nangula ukulanda ukushingacita ubune ubuli bonse? ⁴ Kwena, webo wakana ukuba no mucinshi kuli Lesa; wa fumya no kutontonkanya ku suma kuli ye, ⁵ pantu amampula yobe eya sambilisha akanwa kobe; wasala no kuba no lulimi lwa muntu wa bucenjeshi. ⁶ Akanwa kobe we mwine ekakuseka, te nebo awe; kwenafye, ne milomo yobe we mwine eyikushinina. ⁷ Bushe ni webo ibeli lya balilapo ukufyalwa? Bushe ni webo waliko ulo impili tashilabako? ⁸ Bushe walyumfwa inkama ya bwishibilo bwa kwa Lesa? Bushe ni webo wa kwata amano pa lobe? ⁹ Findo waishiba ifyo fwebo tutaishiba? Findo wailuka ifyo fwebo tutaba nafyo? ¹⁰ Pali fwebo pali abakulu abamfwi ku mitwe elo na ba myaka iingi ukucila na bawiso. ¹¹ Bushe ukusansamusha kwakwa Lesa kwa licepa kuli webo, na mashiwi ayawalandwa bune bune kuli webo? ¹² Cindo umutima obe wa kulufisha? Cindo amenso yobe yatulumukila, ¹³ icakuti umupashi obe wa yalukila Lesa obe no kulalanda amshiwi ya musango ifi mu kanwa kobe? ¹⁴ Bushe muntu ndo uwingaba uwakaele? Ni nani uyo uwafyalwa ku mwanakashi uwingaba umulungami? ¹⁵ Bona, Lesa takwata ictetekelo nangufye ni mu bamushilo; mu cishinkafye, ne myulu nayo tayaba iyakaele mu menso yakwe; ¹⁶ pali bufi uyo uwa muselu elo uwakubipisha, umuntu uwa mampula kwati menshi! ¹⁷ Nkakulanga; umfwa kuli nebo; nkalanda kuli webo ifintu ifyo nebo nabona, ¹⁸ ifintu ifyo abamano bafumishe kuli ba shibo, ifintu ifyo ifikolwe fyabo bataishibile kuli bo. ¹⁹ Aba ebali ifikolwe fyabo, kuli bena beka ekwapelwe incende elo na pakati ka beni twakwali nangu umo uwa kupitamo. ²⁰ Umuntu umubi acululuka lyonse mu nshiku shakwe shonse, ne mpendwa ya myaka nayo iya bikwa ku muntu umukaka yaba iya kucula. ²¹ Iciunda ca kutinya cili mu matwi yakwe; ulo ifintu fyaba bwino, elyo uwa konaula waisa pali ye. ²² Tatontonkanya no kuti akafwa mu mfifi; ulupanga eli mulolela. ²³ Aya akolulumba mu ncende isha kupusana pusana ku kufwaya ifya kulya, elyo akolanda ati, 'Fili kwi?' Ukeshiba ukuti ubushiku bwa mfifi buli mupepi. ²⁴ Ukumanama elo no bucushi fikomuletela umwenso; fikomucusha, nge mfumu iikoiteyanya ukuya ku kulwa. ²⁵ Pantu ena alimishe ukuboko kwakwe ku kulwisha Lesa elo kabili ulikwete no musango wakuba be cilumba ku Wapulamo, ²⁶ uyu muntu mubi abutukila ukulwisha Lesa no mukoshi wakutikama, elo ne ca kusolelako iackutikama. ²⁷ Ici cena cashinka, nangufye ulifimbile icinso cakwe ku kwina elo ulifimbile na matanta yakwe ku kwina, ²⁸ elo ulikele mu fibolya fya misumba; na mu mayanda ayo umuntu nangu umo ashaikalamo elo kabili ayo ayalaisa ku wumina wa fitantala. ²⁹ Takabe umukankala; ne cuma cakwe tacakabelele elo ne fyo wakwata tafya kasalangane konse ku ncende. ³⁰ Takafumemo mu mfifi; icimbilimbili cikomya imisambo yaiko; no kupema kwa kanwa ka kwa Lesa ku kamulula. ³¹ Mwileka ena ukucetekela mu fintu fyafye, ukutu akokuilufya umwine; pantu ubunangwa bwakwe ebukaba icilambu cakwe. ³² Cikacitika ulo inshita yakufwa kwakwa tailasa; imisambo yakwe takabe iya katapakatapa. ³³ Akalekuponya ifipompo kwati mwanganshi; akalekuponya na mabula kwati cimuti ca muolife. ³⁴ Pantu uluko lwa bulamo bu Lesa lukaloba; no mulilo ukoca amatenti ya mafisakanwa. ³⁵ Bemita ububi elo o kufyala amampulu; amafumo yabo yemita ubucenjeshi.''